ܡܙܡܘܪܐ 31 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ.

¹ ܒܝܼܘܼܟ݂، ܝܵܐ ܡܵܪܝܵܐ، ܫܩܝܼܠ ܠܝܼ ܓܵܘܣܵܐ، ܠܵܐ ܫܵܒ݂ܩܹܬ ܢܵܟ݂ܦܹܢ ܠܥܵܠܲܡ، ܒܙܲܕܝܼܩܘܼܬܘܼܟ݂ ܦܲܨܝܼ ܠܝܼ.

² ܡܲܟܸܦ ܐܸܠܝܼ ܢܵܬܘܼܟ݂، ܓ̰ܲܠܕܹܐ ܦܲܨܝܼ ܠܝܼ، ܗܘܝܼ ܐܸܠܝܼ ܐܝܼܨܵܪܵܐ ܕܩܲܠܥܵܐ، ܚܸܣܢܵܐ ܠܦܲܪܘܼܩܝܼ.

³ ܒܗ̇ܝ ܕܩܵܝܝܼ ܘܚܸܣܢܝܼ ܐܲܢ݇ܬ ܝܼܘܸܬ، ܘܒܘܼܬ ܫܸܡܘܼܟ݂ ܡܗܲܕܹܝܬ ܠܝܼ ܘܡܕܲܒܪܸܬ ܠܝܼ.

⁴ ܦܲܠܛܸܬ ܠܝܼ ܡ̣ܢ ܓܲܪܕܵܐ ܕܛܘܼܡܸܪܗܘܿܢ ܩܵܬ‌ܝܼ، ܒܗ̇ܝ ܕܐܲܢ݇ܬ ܝܼܘܸܬ ܩܲܠܥܝܼ.

⁵ ܒܐܝܼܕܘܼܟ݂ ܣܲܦܘܼܝܹܐ ܝܘܸܢ ܪܘܼܚܝܼ، ܦܘܼܪܸܩ ܠܘܼܟ݂ ܐܸܠܝܼ ܡܵܪܝܵܐ ܐܲܠܵܗܵܐ ܕܫܪܵܪܵܐ.

⁶ ܟܹܐ ܣܵܢܹܝܢ ܠܐܵܢܝܼ ܕܕܵܒ݂ܩܝܼ ܠܨܵܢܲܡܹ̈ܐ ܣܪ̈ܝܼܩܹܐ، ܘܒܡܵܪܝܵܐ ܣܒܝܼܪܝܼ ܐܵܢܵܐ.

⁷ ܒܸܬ ܦܵܨܚܹܢ ܘܒܸܬ ܚܵܕܹܝܢ ܒܛܲܝܒܘܼܬܘܼܟ݂، ܒܗ̇ܝ ܕܚܙܹܐ ܠܘܼܟ݂ ܥܵܘܩܵܢܝܼ، ܟܹܐ ܝܵܕܥܹܬ ܠܗܘܿܢ ܐܘܼܠܨܵܢܹ̈ܐ ܕܢܲܦ̮ܫܝܼ.

⁸ ܘܠܵܐ ܩܵܡ ܣܲܦܹܝܬ ܠܝܼ ܒܐܝܼܕܵܬܹ̈‌ܐ ܕܕܸܫ̃ܡܸܢ، ܡܘܼܟܠܹܐ ܠܘܼܟ݂ ܐܲܩܠܵܬ‌ܝܼ̈ ܒܕܘܼܟܵܐ ܪܘܝܼܚܬܵ‌ܐ.

⁹ ܪܲܚܸܡ ܥܲܠܝܼ، ܝܵܐ ܡܵܪܝܵܐ، ܒܗ̇ܝ ܕܥܝܼܩ ܠܵܗ̇ ܐܸܠܝܼ، ܚܒܹܐ ܠܗܘܿܢ ܥܲܝܢܝܼ̈ ܡ̣ܢ ܓ̰ܘܼܢܓ̰ܵܪܝܼ، ܢܘܝܼܠ ܠܗܘܿܢ ܓܵܢܝܼ ܘܐܘܼܦ ܦܲܓ݂ܪܝܼ.

¹⁰ ܒܗ̇ܝ ܕܬܝܼܡ ܠܗܘܿܢ ܚܲܝܝܼ̈ ܒܚܲܫܵܐ، ܘܥܒ݂ܝܼܪܗܘܿܢ ܫܸܢܝܼ̈ ܒܬܲܢܲܚܬܵ‌ܐ، ܡ̣ܢ ܥܵܘܠܝܼ ܒܨܝܼܪܹܗ ܚܲܝܠܝܼ، ܘܓܲܪ̈ܡܝܼ ܢܘܝܼܠ ܠܗܘܿܢ.

¹¹ ܗܘܹܐ ܠܝܼ ܠܵܘܡܵܐ ܒܥܸܠܬܵ‌ܐ ܕܟܠܵܝܗ‌ܝ ܕܸܫ̃ܡܸܢܝܼ̈، ܘܠܟܸܣ ܫܒ݂ܵܒ݂ܝܼ̈ ܟܠܵܢܵܐܝܼܬ، ܘܗܘܹܐ ܠܝܼ ܙܕܘܼܥܬܵ‌ܐ ܠܝܵܕܥܵܢܝܼ̈، ܚܵܙܝܵܢܝܼ̈ ܒܥܵܠܘܿܠܵܐ ܥܪܝܼܩ ܠܗܘܿܢ ܡܸܢܝܼ.

¹² ܦܝܼܫ ܠܝܼ ܢܸܫܝܵܐ ܡ̣ܢ ܠܸܒܵܐ ܐܲܝܟ݂ ܡܝܼܬܵ‌ܐ، ܗܘܹܐ ܠܝܼ ܐܲܝܟ݂ ܡܵܐܢܵܐ ܡܪܘܼܦܝܵܐ.

¹³ ܒܗ̇ܝ ܕܫܡܝܼܥ ܠܝܼ ܒܘܼܚܬܵܢ ܡ̣ܢ ܪܵܒܵܐ، ܐܝܼܬ ܙܕܘܼܥܬܵܐ ܡ̣ܢ ܚܵܕܸܪ̈ܘܵܢܝܼ، ܟܲܕ ܥܒ݂ܝܼܕ ܠܗܘܿܢ ܡܸܠܟܵܐ ܥܲܡ ܚܕܵܕܹ̈ܐ ܥܲܠܝܼ، ܬܘܼܚܡܸܢܗܘܿܢ ܠܸܫܩܵܠܵܐ ܓܵܢܝܼ.

¹⁴ ܘܐܵܢܵܐ ܒܝܼܘܼܟ݂ ܣܒܝܼܪܝܼ، ܝܵܐ ܡܵܪܝܵܐ، ܐܡܝܼܪܝܼ: ”ܐܲܠܵܗ‌ܝܼ ܝܘܸܬ ܐܲܢ݇ܬ.“

¹⁵ ܒܐܝܼܕܘܼܟ݂ ܝܼܢܵܐ ܚܲܝܝܼ̈، ܦܲܨܝܼ ܠܝܼ ܡ̣ܢ ܐܝܼܕܵܐ ܕܕܸܫ̃ܡܸܢܝܼ̈، ܘܡ̣ܢ ܢܵܦܠܵܢܹ̈ܐ ܕܒܵܬܪܝܼ.

¹⁶ ܒܲܗܪܸܢ ܦܵܬܘܼܟ݂ ܥܲܠ ܪܹܓܘܼܟ݂، ܦܲܪܸܩ ܠܝܼ ܒܛܲܝܒܘܼܬܘܼܟ݂.

¹⁷ ܝܵܐ ܡܵܪܝܵܐ، ܠܵܐ ܫܵܒ݂ܩܹܬ ܢܵܟ݂ܦܹܢ ܒܗ̇ܝ ܕܩܪܹܐ ܠܝܼ ܐܸܠܘܼܟ݂، ܫܒ݂ܘܿܩ ܢܵܟ݂ܦܝܼ ܪ̈ܲܫܝܼܥܹܐ ܘܫܵܬܩܝܼ ܒܫܝܘܿܠ.

¹⁸ ܦܵܝܫܝܼ ܐܟ̰ܝܼܡܹܐ ܣܸܦܘܵܬܹ̈‌ܐ ܕܲܓܵܠܹ̈ܐ، ܕܒܫܘܼܒ݂ܗܵܪܵܐ ܟܹܐ ܗܲܡܙܸܡܝܼ ܥܲܠ ܙܲܕܝܼܩܵܐ، ܒܚܬܝܼܪܘܼܬܵ‌ܐ ܘܡܲܣܠܲܝܬܵ‌ܐ.

¹⁹ ܟܡܵܐ ܓܘܼܪܬܵ‌ܐ ܝܠܵܗ̇ ܛܵܒ݂ܬܘܼܟ݂ ܕܚܘܼܡܝܘܼܗ̇ ܝܘܸܬ ܩܵܐ ܙܕܝܼܥܘܼ̈ܟ݂، ܕܗܘܼܕܪܘܼܗ̇ ܝܘܸܬ ܩܲܕܡ ܒܢܲܝ̈ܢܵܫܵܐ ܩܵܐ ܣܵܒܪ̈ܵܢܹܐ ܕܒܝܼܘܼܟ݂.

²⁰ ܟܹܐ ܟܲܣܹܝܬ ܠܗܘܿܢ ܒܣܸܬܵܪܵܐ ܕܦܵܬܘܼܟ݂ ܡ̣ܢ ܦܸܬܢܵܐ ܕܐܢܵܫܹ̈ܐ، ܟܹܐ ܛܲܫܹܝܬ ܠܗܘܿܢ ܒܡܛܲܠܠܵܐ ܡ̣ܢ ܡܲܩܪܲܨܬܵ‌ܐ ܕܠܸܫܵܢܹ̈ܐ.

²¹ ܒܪܝܼܟ݂ܵܐ ܝܠܹܗ ܡܵܪܝܵܐ، ܣܵܒܵܒ ܥܒ݂ܝܼܕܵܐ ܠܹܗ ܥܓ̰ܝܼܒܬܵ‌ܐ ܛܲܝܒܘܼܬܹܗ ܩܵܬ‌ܝܼ ܒܡܕܝܼܢ݇ܬܵ‌ܐ ܡܗܘܼܨܸܪܬܵ‌ܐ.

²² ܘܐܵܢܵܐ ܐܡܝܼܪܝܼ ܓܵܘ ܬܸܫܘܸܫܬ‌ܝܼ: ”ܦܝܼܫ ܠܝܼ ܩܛܝܼܥܵܐ ܡ̣ܢ ܩܲܕܡ ܥܲܝ̈ܢܘܼܟ݂،“ ܐܝܼܢܵܐ ܫܡܝܼܥ ܠܘܼܟ݂ ܩܵܠܵܐ ܕܦܲܪܦܲܠܬ‌ܝܼ ܐܝܼܡܲܢ ܕܡܘܼܩܘܸܚ ܠܝܼ ܐܸܠܘܼܟ݂.

²³ ܡܲܚܸܒܘܼܢ ܠܡܵܪܝܵܐ ܟܠܵܝܗ‌ܝ ܙܲܕܝܼܩܘܼ̈ܗ‌ܝ. ܠܡܗܘܼܡܢܹ̈ܐ ܟܹܐ ܢܵܛܹܪ ܡܵܪܝܵܐ، ܐܝܼܢܵܐ ܡܸܠܝܵܐܝܼܬ ܟܹܐ ܦܵܪܹܥ ܠܚܵܬܪ̈ܵܢܹܐ ܐܲܝܟ݂ ܥܒ݂ܵܕܵܝ̈ܗ‌ܝ.

²⁴ ܚܲܠܸܢܘܼܢ ܘܗܵܘܹܐ ܙܲܪܒܵܢܵܐ ܠܸܒܵܘܟ݂ܘܿܢ ܟܠܵܝܗ‌ܝ ܣܵܦܪ̈ܵܢܹܐ ܠܡܵܪܝܵܐ.