ܡܙܡܘܪܐ 29 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

¹ ܗܲܒ݂ܠܘܼܢ ܠܡܵܪܝܵܐ، ܝܵܐ ܒܢܘܿܢܹ̈ܐ ܕܐܲܠܵܗܵܐ، ܗܲܒ݂ܠܘܼܢ ܠܡܵܪܝܵܐ ܐܝܼܩܵܪܵܐ ܘܚܲܝܠܵܐ.

² ܗܲܒ݂ܠܘܼܢ ܠܡܵܪܝܵܐ ܐܝܼܩܵܪܵܐ ܕܫܸܡܹܗ، ܣܓ݂ܘܿܕܘܼܢ ܠܡܵܪܝܵܐ ܒܣܸܩܠܵܐ ܩܲܕܝܼܫܵܐ.

³ ܩܵܠܵܐ ܕܡܵܪܝܵܐ ܥܲܠ ܡ̈ܝܼܵܐ، ܐܲܠܵܗܵܐ ܕܐܝܼܩܵܪܵܐ ܩܲܪܩܘܼܡܹܐ، ܡܵܪܝܵܐ ܥܲܠ ܡ̈ܝܼܵܐ ܪܵܒܵܐ.

⁴ ܩܵܠܵܐ ܕܡܵܪܝܵܐ ܒܚܲܝܠܵܐ، ܩܵܠܵܐ ܕܡܵܪܝܵܐ ܒܣܸܩܠܵܐ.

⁵ ܩܵܠܵܐ ܕܡܵܪܝܵܐ ܒܸܬܒ݂ܵܪܵܐ ܐܲܪ̈ܙܹܐ، ܟܹܐ ܬܵܒܹܪ ܡܵܪܝܵܐ ܠܐܲܪ̈ܙܹܐ ܕܠܸܒ݂ܢܵܢ.

⁶ ܘܟܹܐ ܡܲܪܩܸܕ ܠܗܘܿܢ ܐܲܝܟ݂ ܡܘܼܓ̰ܵܐ، ܠܸܒ݂ܢܵܢ ܘܫܸܪܝܘܿܢ ܐܲܝܟ݂ ܒܲܪ ܪ̈ܲܝܡܹܐ.

⁷ ܩܵܠܵܐ ܕܡܵܪܝܵܐ ܡܲܢܕܘܼܝܹܐ ܠܵܗܹ̈ܐ ܕܢܘܼܪܵܐ.

⁸ ܩܵܠܵܐ ܕܡܵܪܝܵܐ ܟܹܐ ܡܲܫܥܸܫ ܒܲܪܝܼܵܐ، ܟܹܐ ܡܲܫܥܸܫ ܡܵܪܝܵܐ ܒܲܪܝܼܵܐ ܕܩܕܸܫ.

⁹ ܩܵܠܵܐ ܕܡܵܪܝܵܐ ܟܹܐ ܡܲܫܥܸܫ ܐܝܼܠܵܢܹ̈ܐ، ܘܟܹܐ ܥܵܩܹܪ ܡܲܝ̈ܫܵܬܹ‌ܐ، ܘܓܵܘ ܗܲܝܟܠܹܗ ܟܠ ܐܢܵܫܵܐ ܟܹܐ ܐܵܡܹܪ: ”ܐܝܼܩܵܪܵܐ!“

¹⁰ ܡܵܪܝܵܐ ܥܲܠ ܛܵܘܦܵܢܵܐ ܟܹܐ ܝܵܬܹܒ݂، ܘܡܵܪܝܵܐ ܟܹܐ ܝܵܬܹܒ݂ ܡܲܠܟܵܐ ܠܥܵܠܲܡ.

¹¹ ܡܵܪܝܵܐ ܩܵܐ ܥܲܡܹܗ ܚܲܝܠܵܐ ܒܸܬ ܝܵܗܒܹܠ، ܡܵܪܝܵܐ ܒܸܬ ܒܲܪܸܟ݂ ܠܥܲܡܹܗ ܒܫܠܵܡܵܐ.