ܡܙܡܘܪܐ 28 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܡܙܡܘܪܐ ܕܕܘܝܕ.

¹ ܐܸܠܘܼܟ݂، ܝܵܐ ܡܵܪܝܵܐ، ܟܹܐ ܩܵܪܹܝܢ، ܝܵܐ ܐܝܼܨܵܪܝܼ، ܠܵܐ ܐܵܟ̰ܡܹܬ ܢܵܬܘܼܟ݂ ܥܲܠܝܼ. ܠܵܐ ܗܵܘܹܐ ܕܫܵܬܩܹܬ ܥܲܠܝܼ، ܘܕܵܡܹܝܢ ܠܨܵܠܝܵܢܹ̈ܐ ܕܓܘܼܒܵܐ.

² ܫܡܹܥ ܩܵܠܵܐ ܕܦܲܪܦܲܠܬ‌ܝܼ ܒܓܥܵܝܬ‌ܝܼ ܐܸܠܘܼܟ݂، ܒܡܲܪܲܡܬܵ‌ܐ ܕܐܝܼܕܵܬ‌ܝܼ̈ ܠܗܲܝܟܠܵܐ ܕܩܘܼܕܫܘܼܟ݂.

³ ܠܵܐ ܓܵܪܫܹܬ ܠܝܼ ܥܲܡ ܪ̈ܲܫܝܼܥܹܐ، ܘܥܲܡ ܦܵܠܚܵܢܹ̈ܐ ܕܥܵܘܠܵܐ، ܕܟܹܐ ܗܲܡܙܸܡܝܼ ܫܠܵܡܵܐ ܥܲܡ ܚܲܒ݂ܪ̈ܵܘܵܬܵܝܗ‌ܝ، ܟܲܕ ܒܝܼܫܬܵ‌ܐ ܒܠܸܒܵܝܗ‌ܝ.

⁴ ܦܪܹܥ ܠܗܘܿܢ ܐܲܝܟ݂ ܦܘܼܠܚܵܢܵܝܗ‌ܝ، ܘܐܲܝܟ݂ ܒܝܼܫܘܼܬܵ‌ܐ ܕܣܘܼܥܪ̈ܵܢܵܝܗ‌ܝ، ܐܲܝܟ݂ ܥܒ݂ܵܕܵܐ ܕܐܝܼܕܵܬܵܝ̈ܗ‌ܝ ܦܪܹܥ ܠܗܘܿܢ، ܡܲܕܸܪ ܦܘܼܪܥܵܢܵܝܗ‌ܝ ܥܲܠܵܝܗ‌ܝ.

⁵ ܒܗ̇ܝ ܕܠܹܐ ܦܲܪܡܝܼ ܠܦܘܼܠܚܵܢܹ̈ܐ ܕܡܵܪܝܵܐ، ܐܵܦܠܵܐ ܠܥܒ݂ܵܕܵܐ ܕܐܝܼܕܵܬܘܼ̈ܗ‌ܝ، ܒܸܬ ܬܲܠܸܚ ܠܗܘܿܢ ܘܠܹܐ ܒܵܢܹܐ ܠܗܘܿܢ.

⁶ ܒܪܝܼܟ݂ܵܐ ܝܠܹܗ ܡܵܪܝܵܐ، ܒܗ̇ܝ ܕܫܡܝܼܥ ܠܹܗ ܩܵܠܵܐ ܕܦܲܪܦܲܠܬ‌ܝܼ.

⁷ ܡܵܪܝܵܐ ܝܠܹܗ ܥܘܼܫܢܝܼ ܘܡܵܛܵܠܝܼ، ܒܝܼܹܗ ܣܒܝܼܪܹܗ ܠܸܒܝܼ، ܘܦܝܼܫ ܠܝܼ ܗܘܼܝܸܪܵܐ؛ ܒܘܼܬ ܐܵܗܵܐ، ܦܨܝܼܚ ܠܹܗ ܠܸܒܝܼ، ܘܒܙܡܵܪܬ‌ܝܼ ܒܸܬ ܫܲܟܪܸܢܹܗ.

⁸ ܡܵܪܝܵܐ ܝܠܹܗ ܥܘܼܫܢܵܐ ܠܥܲܡܹܗ، ܘܩܲܠܥܵܐ ܕܦܘܼܪܩܵܢܵܐ ܕܡܫܝܼܚܹܗ.

⁹ ܦܲܪܸܩ ܠܥܲܡܘܼܟ݂، ܘܒܲܪܸܟ݂ ܠܝܵܪܬܘܼܬܘܼܟ݂، ܘܡܲܪܥܝܼ ܠܗܘܿܢ، ܘܛܥܘܿܢ ܠܗܘܿܢ ܥܲܠ ܕܪ̈ܵܥܢܵܢܘܼܟ݂ ܗܲܠ ܥܵܠܲܡ.