ܡܙܡܘܪܐ 16 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܡܸܟ݂ܬܵܡ ܕܕܘܝܕ.

¹ ܢܛܘܿܪܝܼ، ܝܵܐ ܐܲܠܵܗܵܐ، ܒܗ̇ܝ ܕܫܩܝܼܠ ܠܝܼ ܓܵܘܣܵܐ ܒܝܼܘܼܟ݂.

² ܐܡܝܼܪܝܼ ܠܡܵܪܝܵܐ: ”ܡܵܪܝܼ ܝܘܸܬ ܐܲܢ݇ܬ، ܛܵܒ݂ܬܵ‌ܐ ܠܲܝܬ ܠܝܼ ܫܒ݂ܘܿܩ ܡܸܢܘܼܟ݂.“

³ ܒܘܼܬ ܩܲܕܝܼܫܹ̈ܐ ܕܒܐܲܪܥܵܐ، ܕܝܼܢܵܐ ܚܩܝܼܪܹ̈ܐ، ܟܠܵܝܗ‌ܝ ܒܘܼܣܵܡܝܼ ܒܝܼܵܝܗ‌ܝ ܝܠܹܗ.

⁴ ܒܸܬ ܙܵܝܕܝܼ ܐܘܼܠܨܵܢܹ̈ܐ ܕܐܵܢܝܼ ܕܪܵܚܛܝܼ ܒܵܬܪ ܐܲܠܵܗܵܐ ܐܚܹܪܢܵܐ، ܠܹܐ ܨܲܢܨܸܠܸܢ ܢܘܼܩܵܝܵܝ̈ܗ‌ܝ ܕܕܸܡܵܐ، ܘܠܹܐ ܡܲܕܟܸܪܸܢ ܫܸܡܵܢܵܝ̈ܗ‌ܝ ܥܲܠ ܣܸܦܘܵܬ‌ܝܼ̈.

⁵ ܡܵܪܝܵܐ ܝܠܹܗ ܣܵܗܡܝܼ ܘܟܵܣܝܼ، ܐܲܢ݇ܬ ܕܒ݂ܝܼܩܵܐ ܝܘܸܬ ܒܐܝܼܕܘܼܟ݂ ܦܸܫܟܝܼ.

⁶ ܟܝܘܼܠܹ̈ܐ ܢܦܝܼܠ ܠܗܘܿܢ ܐܸܠܝܼ ܒܕܘܼܟܵܢܹ̈ܐ ܒܲܣܝܼܡܹ̈ܐ، ܐܘܼܦ ܝܵܪܬܘܼܬ‌ܝܼ ܫܦܝܼܪܵܗ̇ ܒܥܲܝܢܝܼ̈.

⁷ ܒܸܬ ܒܲܪܟܸܢ ܠܡܵܪܝܵܐ ܕܥܒ݂ܝܼܕ ܠܹܗ ܡܸܠܟܵܐ ܐܸܠܝܼ، ܐܘܼܦ ܒܠܲܝܠܵܘܵܬܹ̈‌ܐ ܟܹܐ ܬܲܥܠܸܡ ܠܝܼ ܪܸܥܝܵܢܝܼ.

⁸ ܡܘܼܬܸܒ݂ ܠܝܼ ܠܡܵܪܝܵܐ ܒܲܠܩܘܼܒ݂ܠܝܼ ܐܲܡܝܼܢܵܐܝܼܬ، ܣܵܒܵܒ ܡ̣ܢ ܝܲܡܝܼܢܝܼ ܝܠܹܗ، ܠܹܐ ܫܵܥܫܹܢ.

⁹ ܒܘܼܬ ܐܵܗܵܐ، ܚܕܹܐ ܠܹܗ ܠܸܒܝܼ ܘܦܨܝܼܚ ܠܵܗ̇ ܓܵܢܝܼ، ܐܘܼܦ ܦܲܓ݂ܪܝܼ ܒܸܬ ܫܵܪܹܐ ܒܫܲܝܢܵܐ.

¹⁰ ܣܵܒܵܒ ܠܹܐ ܫܵܒ݂ܩܹܬ ܠܓܵܢܝܼ ܒܫܝܘܿܠ، ܠܹܐ ܝܵܗܒܹܬ ܠܩܲܕܝܼܫܘܼܟ݂ ܠܸܚܙܵܝܵܐ ܚܪܵܒ݂ܵܐ.

¹¹ ܒܸܬ ܡܲܕܥܸܬ ܠܝܼ ܐܘܼܪܚܵܐ ܕܚܲܝܹ̈ܐ، ܣܘܼܒ݂ܵܥܬܵ‌ܐ ܕܚܲܕܘܼܝܵܬܹ̈‌ܐ ܐܝܼܬ ܒܗܸܙܘܼܪܘܼܟ݂، ܒܘܼܣܵܡܹ̈ܐ ܒܝܲܡܝܼܢܘܼܟ݂ ܠܥܵܠܲܡ.