ܡܙܡܘܪܐ 15 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ1 ܝܵܐ ܡܵܪܝܵܐ، ܡܵܢܝܼ ܡܵܨܹܐ ܥܵܡܹܪ ܒܡܲܫܟܢܘܼܟ݂؟ ܡܵܢܝܼ ܡܵܨܹܐ ܫܵܪܹܐ ܒܛܘܼܪܵܐ ܕܩܘܼܕܫܘܼܟ݂؟ 2 ܗ̇ܘ ܕܚܵܕܹܪ ܒܬܲܡܝܼܡܘܼܬܵܐ ܘܦܵܠܹܚ ܙܲܕܝܼܩܘܼܬܵܐ، ܘܗܲܡܙܸܡ ܫܪܵܪܵܐ ܒܠܸܒܹܗ. 3 ܘܠܹܐ ܕܵܪܹܐ ܒܘܼܚܬܵܢ ܒܠܸܫܵܢܹܗ، ܘܠܹܐ ܥܵܒܹܕ ܒܝܼܫܬܵܐ ܠܚܲܒ݂ܪܹܗ، ܘܠܹܐ ܡܲܪܸܡ ܠܵܘܡܵܐ ܥܲܠ ܫܒ݂ܵܒܹܗ. 4 ܘܒܥܲܝܢܘܼ̈ܗܝ ܦܝܼܫ ܠܹܗ ܡܘܼܣܠܝܼܵܐ ܟܵܦܘܿܪܵܐ، ܘܟܹܐ ܡܝܲܩܸܪ ܠܙܕܝܼ̈ܥܹܐ ܕܡܵܪܝܵܐ، ܘܟܹܐ ܝܵܡܹܐ ܠܓܵܢܹܗ ܘܠܹܐ ܫܲܚܠܸܦ، ܐܵܦܸܢ ܕܐܵܬܝܵܐ ܥܲܠܘܼܗܝ ܒܝܼܫܬܵܐ. 5 ܘܠܹܐ ܡܲܕܝܸܢ ܣܹܐܡܹܗ ܒܙܵܘܕܘܼܢܝܵܐ، ܘܠܹܐ ܫܵܩܹܠ ܪܸܫܘܲܬ ܥܲܠ ܙܲܟܵܝܵܐ. ܥܵܒ݂ܕܵܢܹ̈ܐ ܕܐܲܢܹܐ ܠܹܐ ܫܵܥܹܫ ܠܥܵܠܲܡ. |
© 2014, Aramaic Bible Translation, Inc. All rights reserved.
Aramaic Bible Translation, Inc.