ܡܙܡܘܪܐ 146 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

¹ ܗܲܠܸܠܘܼܝܵܐ، ܫܲܒܸܚܝ، ܝܵܐ ܓܵܢܝܼ، ܠܡܵܪܝܵܐ.

² ܒܸܬ ܫܲܒܚܸܢ ܠܡܵܪܝܵܐ ܒܚܲܝܝܼ̈، ܒܸܬ ܙܵܡܪܹܢ ܠܐܲܠܵܗ‌ܝܼ ܟܡܵܐ ܕܝܼܘܸܢ.

³ ܠܵܐ ܣܵܒܪܝܼܬܘܿܢ ܒܢܲܨܝܼܚܹ̈ܐ، ܒܒܲܪܢܵܫܵܐ ܕܠܲܝܬ ܒܐܝܼܕܹܗ ܦܘܼܪܩܵܢܵܐ.

⁴ ܟܹܐ ܦܵܠܛܵܐ ܪܘܼܚܹܗ، ܟܹܐ ܕܵܐܹܪ ܠܥܲܦܪܹܗ، ܒܗ̇ܘ ܝܵܘܡܵܐ ܟܹܐ ܛܵܠܩܝܼ ܚܘܼܫܵܒ݂ܘܼ̈ܗ‌ܝ.

⁵ ܛܘܼܒ݂ܵܐ ܠܡ̇ܢ ܕܐܲܠܵܗܵܐ ܕܝܲܥܩܘܿܒ݂ ܝܼܠܹܗ ܠܗܲܝܲܪܬܹܗ، ܕܣܲܒ݂ܪܹܗ ܥܲܠ ܡܵܪܝܵܐ ܐܲܠܵܗܹܗ،

⁶ ܥܵܒ݂ܕܵܢܵܐ ܕܫܡܲܝܵܐ ܘܐܲܪܥܵܐ، ܝܵܡܵܐ ܘܟܠ ܕܐܝܼܬ ܓܵܘܵܝܗ‌ܝ، ܢܵܛܪܵܢܵܐ ܕܫܪܵܪܵܐ ܠܥܵܠܲܡ،

⁷ ܥܵܒ݂ܕܵܢܵܐ ܕܕܝܼܘܵܢ ܕܛܠܝܼܡܹ̈ܐ، ܝܵܗܒ݂ܵܢܵܐ ܕܠܲܚܡܵܐ ܠܟܦܝܼܢܹ̈ܐ، ܡܵܪܝܵܐ ܫܵܪܝܵܢܵܐ ܕܐܲܣܝܼܪܹ̈ܐ،

⁸ ܡܵܪܝܵܐ ܦܵܬܚܵܢܵܐ ܕܥܲܝ̈ܢܹܐ ܕܣܸܡܝܹ̈ܐ، ܡܵܪܝܵܐ ܡܲܪܡܵܢܵܐ ܕܛܥܝܼ̈ܦܹܐ، ܡܵܪܝܵܐ ܡܲܚܸܒܵܢܵܐ ܕܙܲܕܝܼܩܹ̈ܐ،

⁹ ܡܵܪܝܵܐ ܢܵܛܪܵܢܵܐ ܕܡܵܫܵܚܲܛܹ̈ܐ، ܣܵܢܕܵܢܵܐ ܕܝܲܬܘܼܡܹ̈ܐ ܘܐܲܪ̈ܡܸܠܝܵܬܹ‌ܐ، ܐܝܼܢܵܐ ܐܘܼܪܚܵܐ ܕܪ̈ܲܫܝܼܥܹܐ ܟܹܐ ܡܲܦܟ̰ܸܠ.

¹⁰ ܡܵܪܝܵܐ ܒܸܬ ܥܵܒܹܕ ܡܲܠܟܘܼܬܵ‌ܐ ܠܥܵܠܲܡ، ܐܲܠܵܗܵܟ݂ܝ، ܝܵܐ ܨܸܗܝܘܿܢ، ܠܕܵܪܵܐ ܘܕܵܪܵܐ.