ܡܙܡܘܪܐ 14 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ.

¹ ܐܡܝܼܪܹܗ ܣܲܟ݂ܠܵܐ ܒܠܸܒܹܗ: ”ܠܲܝܬ ܐܲܠܵܗܵܐ.“ ܚܪܝܼܒܹܐ ܝܢܵܐ، ܥܒ݂ܝܼܕ ܠܗܘܿܢ ܦܘܼܠܚܵܢܹ̈ܐ ܛܲܢ̈ܦܹܐ، ܠܲܝܬ ܥܵܒ݂ܕܵܢܵܐ ܕܛܵܒ݂ܬܵ‌ܐ.

² ܡܵܪܝܵܐ ܡ̣ܢ ܫܡܲܝܵܐ ܓܘܼܫܸܩ ܠܹܗ ܥܲܠ ܒܢܲܝ̈ܢܵܫܵܐ، ܠܸܚܙܵܝܵܐ ܐܸܢ ܐܝܼܬ ܦܲܪܡܝܼܵܢܵܐ، ܛܵܥܝܵܢܵܐ ܠܐܲܠܵܗܵܐ.

³ ܟܠܵܝܗ‌ܝ ܩܠܝܼܒ ܠܗܘܿܢ، ܡܸܚܕܵܕܹ̈ܐ ܗܘܹܐ ܠܗܘܿܢ ܛܲܡܐܹ̈ܐ، ܠܲܝܬ ܥܵܒ݂ܕܵܢܵܐ ܕܛܵܒ݂ܬܵ‌ܐ، ܠܲܝܬ ܐܘܼܦ ܚܲܕ.

⁴ ܗܵܐ، ܠܵܐ ܝܕܝܼܥ ܠܗܘܿܢ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ، ܕܟܹܐ ܐܵܟ݂ܠܝܼ ܠܥܲܡܝܼ ܐܲܝܟ݂ ܕܐܵܟ݂ܠܝܼ ܠܲܚܡܵܐ، ܘܠܡܵܪܝܵܐ ܠܹܐ ܩܵܪܝܼ؟

⁵ ܬܵܡܵܐ ܙܕܝܼܥ ܠܗܘܿܢ ܙܕܘܼܥܬܵ‌ܐ، ܒܗ̇ܝ ܕܐܲܠܵܗܵܐ ܝܼܠܹܗ ܥܲܡ ܬܵܘܠܲܕܬܵ‌ܐ ܙܲܕܝܼܩܬܵ‌ܐ.

⁶ ܡܸܠܟܵܐ ܕܡܸܣܟܹܢܵܐ ܟܹܐ ܡܲܣܠܹܝܬܘܿܢ، ܐܝܼܢܵܐ ܡܵܪܝܵܐ ܝܠܹܗ ܒܹܝܬ ܓܵܘܣܹܗ.

⁷ ܛܘܼܒ݂ܵܐ ܕܐܵܬܹ‌ܐ ܡ̣ܢ ܨܸܗܝܘܿܢ ܦܘܼܪܩܵܢܵܐ ܕܐܝܼܣܪܵܐܹܝܠ؛ ܐܝܼܡܲܢ ܕܡܲܕܸܪ ܡܵܪܝܵܐ ܠܥܲܡܹܗ ܡ̣ܢ ܓܵܠܘܼܬܵ‌ܐ، ܒܸܬ ܦܵܨܹܚ ܝܲܥܩܘܿܒ݂، ܒܸܬ ܚܵܕܹܐ ܐܝܼܣܪܵܐܹܝܠ.