ܡܙܡܘܪܐ 130 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܙܡܪܬ‌ܐ ܕܐܣܩܬ‌ܐ.

¹ ܡ̣ܢ ܥܘܼܡܩܹ̈ܐ ܩܪܹܐ ܠܝܼ ܐܸܠܘܼܟ݂، ܝܵܐ ܡܵܪܝܵܐ؛

² ܡܵܪܝܵܐ، ܫܡܹܥ ܠܩܵܠܝܼ، ܗܵܘܝܼ ܢܵܬܝܵܬܘܼ̈ܟ݂ ܡܲܨܝܘܼܬܹ‌ܐ ܠܩܵܠܵܐ ܕܦܲܪ̈ܦܲܠܝܵܬ‌ܝܼ.

³ ܐܸܢ ܥܵܘ̈ܠܹܐ ܚܲܫܒܸܢܸܬ، ܝܵܐ ܡܵܪܝܵܐ، ܡܵܪܝܵܐ، ܡܵܢܝܼ ܡܵܨܹܐ ܟܵܠܹܐ؟

⁴ ܒܗ̇ܝ ܕܐܝܼܬ ܥܲܡܘܼܟ݂ ܫܘܼܒ݂ܩܵܢܵܐ، ܕܙܵܕܥܝܼ ܡܸܢܘܼܟ݂.

⁵ ܣܦܝܼܪܝܼ ܠܡܵܪܝܵܐ، ܣܦܝܼܪܵܗ̇ ܓܵܢܝܼ، ܘܒܚܲܒܪܹܗ ܡܘܼܬܸܒ݂ ܠܝܼ ܣܲܒ݂ܪܝܼ.

⁶ ܓܵܢܝܼ ܟܹܐ ܣܵܦܪܵܐ ܠܡܵܪܝܵܐ، ܒܘܼܫ ܡ̣ܢ ܢܵܛܪ̈ܵܢܹܐ ܠܨܲܦܪܵܐ، ܢܵܛܪ̈ܵܢܹܐ ܠܨܲܦܪܵܐ.

⁷ ܡܲܬܸܒ݂ ܣܲܒ݂ܪܘܼܟ݂، ܝܵܐ ܐܝܼܣܪܵܐܹܝܠ، ܒܡܵܪܝܵܐ، ܒܗ̇ܝ ܕܥܲܡ ܡܵܪܝܵܐ ܐܝܼܬ ܚܢܵܢܵܐ، ܘܦܸܪܝܵܐ ܦܘܼܪܩܵܢܵܐ ܐܝܼܬ ܥܲܡܹܗ.

⁸ ܘܗ̇ܘ ܒܸܬ ܦܲܪܸܩ ܠܐܝܼܣܪܵܐܹܝܠ، ܡ̣ܢ ܟܠܵܝܗ‌ܝ ܥܵܘܠܘܼ̈ܗ‌ܝ.