ܡܙܡܘܪܐ 126 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐܙܡܪܬܐ ܕܐܣܩܬܐ. 1 ܟܲܕ ܡܘܼܕܸܪܹܗ ܡܵܪܝܵܐ ܓܵܠܘܼܬܵܐ ܕܨܸܗܝܘܿܢ، ܗܘܹܐ ܠܲܢ ܐܲܝܟ݂ ܚܵܙܝܵܢܹ̈ܐ ܕܚܸܠܡܵܐ. 2 ܗ̇ܝܓܵܗ ܦܝܼܫ ܠܹܗ ܡܸܠܝܵܐ ܓܸܚܟܵܐ ܦܘܼܡܲܢ، ܘܠܸܫܵܢܲܢ ܫܲܒܲܚܬܵܐ، ܗ̇ܝܓܵܗ ܐܡܝܼܪܗܘܿܢ ܓܵܘ ܐܸܡܘܵܬܹ̈ܐ: ”ܥܒ݂ܝܼܕ ܠܹܗ ܡܵܪܝܵܐ ܫܘܼܠܵܢܹ̈ܐ ܓܘܼܪܹ̈ܐ ܩܵܐ ܐܲܢܹܐ.“ 3 ܥܒ݂ܝܼܕ ܠܹܗ ܡܵܪܝܵܐ ܫܘܼܠܵܢܹ̈ܐ ܓܘܼܪܹ̈ܐ ܩܵܬܲܢ، ܚܸܕܝܹܐ ܝܘܲܚ. 4 ܡܲܕܸܪ، ܝܵܐ ܡܵܪܝܵܐ، ܓܵܠܘܼܬܲܢ، ܐܲܝܟ݂ ܫܵܩ̈ܝܼܵܬܹܐ ܒܬܲܝܡܢܵܐ. 5 ܐܵܢܝܼ ܕܙܵܪܥܝܼ ܒܕܸܡܥܝܼܬܵܐ، ܒܫܲܒܲܚܬܵܐ ܒܸܬ ܚܵܨܕܝܼ. 6 ܗ̇ܘ ܕܚܕܵܪܵܐ ܚܵܕܹܪ ܘܒܵܟܹܐ ܟܲܕ ܛܥܝܼܢܵܐ ܟܝܼܣܬܵܐ ܕܒܲܪܙܲܪܥܵܐ، ܐܬܵܝܵܐ ܒܸܬ ܐܵܬܹܐ ܒܫܲܒܲܚܬܵܐ ܟܲܕ ܛܥܝܼܢܵܐ ܕܲܪ̈ܙܘܼܗܝ. |
© 2014, Aramaic Bible Translation, Inc. All rights reserved.
Aramaic Bible Translation, Inc.