ܡܙܡܘܪܐ 125 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܙܡܪܬ‌ܐ ܕܐܣܩܬ‌ܐ.

¹ ܐܵܢܝܼ ܕܣܵܒܪܝܼ ܒܡܵܪܝܵܐ، ܐܲܝܟ݂ ܛܘܼܪܵܐ ܕܨܸܗܝܘܿܢ ܝܼܢܵܐ ܕܠܹܐ ܫܵܥܹܫ، ܐܸܠܵܐ ܠܥܵܠܲܡ ܟܹܐ ܡܩܲܘܹܐ.

² ܐܲܝܟ݂ ܕܝܼܢܵܐ ܛܘܼܪ̈ܵܢܹܐ ܚܵܕܸܪ̈ܘܵܢܹܐ ܕܐܘܿܪܸܫܠܸܡ، ܗܵܕܟ݂ܵܐ ܡܵܪܝܵܐ ܠܚܵܕܸܪ̈ܘܵܢܹܐ ܕܥܲܡܹܗ ܝܠܹܗ، ܡ̣ܢ ܐܵܕܝܼܵܐ ܘܗܲܠ ܥܵܠܲܡ.

³ ܣܵܒܵܒ ܠܹܐ ܫܵܪܹܐ ܚܘܼܛܪܵܐ ܕܪܲܫܝܼܥܵܐ ܥܲܠ ܝܵܪܬܘܼܬܵ‌ܐ ܕܙܲܕܝܼܩܹ̈ܐ، ܩܵܐ ܕܠܵܐ ܦܲܫܛܝܼ ܙܲܕܝܼܩܹ̈ܐ ܐܝܼܕܵܬܵܝ̈ܗ‌ܝ ܠܥܵܘܠܵܐ.

⁴ ܥܒ݂ܘܿܕ ܛܵܒ݂ܬܵ‌ܐ، ܝܵܐ ܡܵܪܝܵܐ، ܠܛܵܒܹ̈ܐ، ܘܠܬܪ̈ܘܼܨܹܐ ܒܠܸܒܵܘܵܬܵܝ̈ܗ‌ܝ.

⁵ ܐܝܼܢܵܐ ܐܵܢܝܼ ܕܩܵܠܒܝܼ ܠܐܘܼܪ̈ܚܵܬܵܝܗ‌ܝ ܦܟ̰ܝܼܠܹ̈ܐ، ܒܸܬ ܠܲܒܸܠ ܠܗܘܿܢ ܡܵܪܝܵܐ ܥܲܡ ܦܵܠܚܵܢܹ̈ܐ ܕܥܵܘܠܵܐ، ܫܠܵܡܵܐ ܥܲܠ ܐܝܼܣܪܵܐܹܝܠ.