ܡܙܡܘܪܐ 122 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܙܡܪܬ‌ܐ ܕܐܣܩܬ‌ܐ، ܒܝܕ ܕܘܝܕ.

¹ ܚܕܹܐ ܠܝܼ ܟܲܕ ܐܡܝܼܪܗܘܿܢ ܐܸܠܝܼ: ”ܠܒܲܝܬܵ‌ܐ ܕܡܵܪܝܵܐ ܐܵܙܲܠ݇ܚ.“

² ܒܸܟܠܵܝܵܐ ܝܗܘܵܘ ܐܲܩܠܵܬܲܢ̈ ܒܕܲܪ̈ܘܵܙܵܟ݂ܝ، ܝܵܐ ܐܘܿܪܸܫܠܸܡ.

³ ܐܘܿܪܸܫܠܸܡ ܒܢܝܼܬܵ‌ܐ، ܐܲܝܟ݂ ܡܕܝܼܢ݇ܬܵ‌ܐ ܩܕܝܼܚܬܵ‌ܐ ܒܚܕܵܕܹ̈ܐ.

⁴ ܕܬܵܡܵܐ ܐܣܝܼܩ ܠܗܘܿܢ ܫܲܒ݂ܛܹ̈ܐ، ܫܲܒ݂ܛܹ̈ܐ ܕܡܵܪܝܵܐ، ܣܵܗܕܘܼܬܵ‌ܐ ܠܐܝܼܣܪܵܐܹܝܠ، ܠܫܲܟܘܼܪܹܐ ܠܫܸܡܵܐ ܕܡܵܪܝܵܐ.

⁵ ܣܵܒܵܒ ܬܵܡܵܐ ܝܬܝܼܒ݂ ܠܗܘܿܢ ܟܘܼܪ̈ܣܝܼܹܐ ܠܕܝܼܘܵܢ، ܟܘܼܪ̈ܣܝܼܹܐ ܕܒܹܝܬ ܕܵܘܝܼܕ.

⁶ ܛܠܘܿܒܘܼܢ ܫܠܵܡܵܐ ܕܐܘܿܪܸܫܠܸܡ، ܗܵܘܝܼ ܡܲܢܬܝܼܵܢܹ̈ܐ ܡܲܚܸܒܵܢܵܟ݂ܝ̈.

⁷ ܗܵܘܹܐ ܫܠܵܡܵܐ ܒܫܘܼܪ̈ܵܟ݂ܝ، ܫܸܠܝܘܼܬܵ‌ܐ ܒܩܲܨܪ̈ܵܟ݂ܝ.

⁸ ܒܘܼܬ ܐܲܚܘܿܢܘܵܬ‌ܝܼ̈ ܘܪ̈ܵܚܡܝܼ، ܒܸܬ ܐܵܡܪܹܢ: ”ܗܵܘܹܐ ܫܠܵܡܵܐ ܓܵܘܵܟ݂ܝ.“

⁹ ܒܘܼܬ ܒܲܝܬܵ‌ܐ ܕܡܵܪܝܵܐ ܐܲܠܵܗܲܢ، ܒܸܬ ܒܵܥܹܝܢ ܛܵܒ݂ܬܵ‌ܐ ܐܸܠܵܟ݂ܝ.