ܡܙܡܘܪܐ 121 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܙܡܪܬ‌ܐ ܕܐܣܩܬ‌ܐ.

¹ ܒܸܬ ܡܲܪܡܸܢ ܥܲܝܢܝܼ̈ ܠܛܘܼܪ̈ܵܢܹܐ، ܡ̣ܢ ܐܲܝܟܵܐ ܒܸܬ ܐܵܬܝܵܐ ܗܲܝܲܪܬ‌ܝܼ؟

² ܗܲܝܲܪܬ‌ܝܼ ܡ̣ܢ ܠܟܸܣ ܡܵܪܝܵܐ ܝܠܵܗ̇، ܥܵܒ݂ܕܵܢܵܐ ܕܫܡܲܝܵܐ ܘܐܲܪܥܵܐ.

³ ܠܹܐ ܫܵܒܹܩ ܐܲܩܠܘܼܟ݂ ܓ̰ܵܪܛܵܐ، ܠܹܐ ܢܵܐܹܡ ܢܵܛܘܿܪܘܼܟ݂.

⁴ ܗܵܐ، ܠܹܐ ܢܵܐܹܡ ܘܠܹܐ ܛܵܠܹܥ، ܢܵܛܘܿܪܵܐ ܕܐܝܼܣܪܵܐܹܝܠ.

⁵ ܡܵܪܝܵܐ ܝܠܹܗ ܢܵܛܘܿܪܘܼܟ݂، ܡܵܪܝܵܐ ܝܠܹܗ ܛܸܠܵܢܝܼܬܘܼܟ݂ ܥܲܠ ܐܝܼܕܵܐ ܕܝܲܡܝܼܢܘܼܟ݂.

⁶ ܒܐܝܼܡܵܡܵܐ ܫܸܡܫܵܐ ܠܹܐ ܡܵܚܹܐ ܠܘܼܟ݂، ܐܵܦܠܵܐ ܣܲܗܪܵܐ ܒܠܲܝܠܹܐ.

⁷ ܡܵܪܝܵܐ ܒܸܬ ܢܵܛܹܪܘܼܟ݂ ܡ̣ܢ ܟܠ ܒܝܼܫܬܵ‌ܐ، ܒܸܬ ܢܵܛܹܪ ܠܓܵܢܘܼܟ݂.

⁸ ܡܵܪܝܵܐ ܒܸܬ ܢܵܛܹܪ ܦܠܵܛܘܼܟ݂ ܘܥܒ݂ܵܪܘܼܟ݂، ܡ̣ܢ ܐܵܕܝܼܵܐ ܘܗܲܠ ܥܵܠܲܡ.