ܡܙܡܘܪܐ 110 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܡܙܡܘܪܐ ܕܕܘܝܕ.

¹ ܐܡܝܼܪܹܗ ܡܵܪܝܵܐ ܠܡܵܪܝܼ: ”ܝܬܘܿܒ݂ ܠܝܲܡܝܼܢܝܼ، ܗܲܠ ܕܡܲܬܒܸܢ ܕܸܫ̃ܡܸܢܘܼ̈ܟ݂ ܟܘܼܒ݂ܫܵܐ ܬܚܘܿܬ ܐܲܩܠܘܼ̈ܟ݂.“

² ܚܘܼܛܪܵܐ ܕܥܘܼܫܢܘܼܟ݂ ܒܸܬ ܫܲܕܸܪ ܡܵܪܝܵܐ ܡ̣ܢ ܨܸܗܝܘܿܢ، ܒܹܐܡܵܪܵܐ: ”ܥܒ݂ܘܿܕ ܫܘܼܠܛܵܢܵܐ ܓܵܘ ܕܸܫ̃ܡܸܢܘܼ̈ܟ݂.“

³ ܥܲܡܘܼܟ݂ ܒܸܬ ܡܲܩܪܸܒ݂ ܓܵܢܹܗ ܒܨܸܒ݂ܝܵܢܵܐ ܒܝܵܘܡܵܐ ܕܚܲܝܠܘܼܟ݂، ܒܣܸܩ̈ܠܹܐ ܕܩܘܼܕܫܵܐ، ܡ̣ܢ ܡܲܪܒܥܵܐ ܕܨܲܦܪܵܐ، ܐܸܠܘܼܟ݂ ܛܠܘܼܠܵܐ ܕܝܵܠܕ݇ܘܼܬܘܼܟ݂.

⁴ ܝܡܹܐ ܠܹܗ ܡܵܪܝܵܐ ܘܠܹܐ ܦܵܫܹܡ: ”ܐܲܢ݇ܬ ܝܼܘܸܬ ܟܵܗܢܵܐ ܠܥܵܠܲܡ ܒܣܸܕܪܵܐ ܕܡܲܠܟܝܼܙܕܸܩ.“

⁵ ܡܵܪܝܵܐ ܥܲܠ ܝܲܡܝܼܢܘܼܟ݂ ܝܼܠܹܗ، ܗ̇ܘ ܒܸܬ ܛܵܒܹܚ ܡܲܠܟܹ̈ܐ ܒܝܵܘܡܵܐ ܕܚܸܡܬܹܗ.

⁶ ܒܸܬ ܕܵܐܹܢ ܓܵܘ ܐܸܡܘܵܬܹ̈‌ܐ، ܒܸܬ ܡܵܠܹܐ ܠܗܘܿܢ ܫܠܲܕܹ̈ܐ، ܒܸܬ ܛܵܒܹܚ ܪܹ̈ܝܫܵܢܹܐ ܥܲܠ ܐܲܪܥܵܐ ܪܘܝܼܚܬܵ‌ܐ.

⁷ ܡ̣ܢ ܢܲܚܠܵܐ ܒܐܘܼܪܚܵܐ ܒܸܬ ܫܵܬܹ‌ܐ، ܒܘܼܬ ܐܵܗܵܐ، ܒܸܬ ܡܲܪܸܡ ܪܹܝܫܹܗ.