ܡܙܡܘܪܐ 101 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܡܙܡܘܪܐ ܕܕܘܝܕ.

¹ ܒܘܼܬ ܛܲܝܒܘܼܬܵ‌ܐ ܘܕܝܼܘܵܢ ܒܸܬ ܙܵܡܪܹܢ، ܐܸܠܘܼܟ݂، ܝܵܐ ܡܵܪܝܵܐ، ܒܸܬ ܫܲܒܚܸܢ.

² ܒܸܬ ܐܵܙܹܠ݇ܢ ܒܗܵܘܢܵܐ ܒܐܘܼܪܚܵܐ ܬܲܡܝܼܡܬܵ‌ܐ. ܐܝܼܡܲܢ ܒܸܬ ܐܵܬܹܝܬ ܠܟܸܣܠܝܼ؟ ܒܸܬ ܚܵܕܪܹܢ ܒܬܲܡܝܼܡܘܼܬܵ‌ܐ ܕܠܸܒܝܼ ܒܓܵܘܵܐ ܕܒܲܝܬ‌ܝܼ.

³ ܠܹܐ ܡܲܬܒܸܢ ܩܲܕܡ ܥܲܝܢܝܼ̈ ܡܸܢܕܝܼ ܕܥܵܘܠܵܐ، ܣܢܹܐ ܠܝܼ ܠܥܒ݂ܵܕܵܐ ܕܩܵܠܒܵܢܹ̈ܐ، ܠܹܐ ܕܵܒܹܫ ܒܝܼܝܼ.

⁴ ܠܸܒܵܐ ܦܟ̰ܝܼܠܵܐ ܒܸܬ ܥܵܒܹܪ ܡܸܢܝܼ، ܒܝܼܫܬܵ‌ܐ ܠܹܐ ܝܵܕܥܹܢ.

⁵ ܗ̇ܘ ܕܡܵܚܹܐ ܕܲܠܩܘܼܒ݂ܠ ܕܚܲܒ݂ܪܹܗ ܒܛܸܫܘܵܐ، ܒܸܬ ܛܲܠܩܸܢ ܐܸܠܹܗ، ܗ̇ܘ ܕܝܼܢܵܐ ܪ̈ܵܡܵܢܹܐ ܥܲܝܢܘܼ̈ܗ‌ܝ ܘܫܲܒ݂ܗܸܪܵܢܵܐ ܠܸܒܹܗ، ܠܹܐ ܡܵܨܹܝܢ ܛܵܥܢܹܢ ܐܸܠܹܗ.

⁶ ܥܲܝܢܝܼ̈ ܥܲܠ ܡܗܘܼܡܢܹ̈ܐ ܕܐܲܪܥܵܐ ܝܢܵܐ ܕܝܵܬܒ݂ܝܼ ܥܲܡܝܼ، ܗ̇ܘ ܕܚܵܕܹܪ ܒܐܘܼܪܚܵܐ ܬܲܡܝܼܡܬܵ‌ܐ، ܗ̇ܘ ܒܸܬ ܥܵܒܹܕ ܚܸܠܡܲܬ ܐܸܠܝܼ.

⁷ ܠܹܐ ܝܵܬܹܒ݂ ܒܓܵܘܵܐ ܕܒܲܝܬ‌ܝܼ ܥܵܒ݂ܕܵܢܵܐ ܕܦܸܠܡܵܐ، ܗܲܡܙܸܡܵܢܵܐ ܕܕܘܼܓܠܹ̈ܐ ܠܹܐ ܗܵܘܹܐ ܩܸܘܝܵܐ ܩܲܕܡ ܥܲܝܢܝܼ̈.

⁸ ܨܲܦܪܵܐ ܒܨܲܦܪܵܐ ܒܸܬ ܛܲܠܩܸܢ ܟܠܵܝܗ‌ܝ ܪ̈ܲܫܝܼܥܹܐ ܕܐܲܪܥܵܐ، ܠܸܩܛܵܥܵܐ ܡ̣ܢ ܡܕܝܼܢ݇ܬܵ‌ܐ ܕܡܵܪܝܵܐ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ.