ܡܙܡܘܪܐ 1 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܣܸܦܪܵܐ ܩܲܕܡܵܝܵܐ ܡܙܡܘܪ̈ܐ 1‏‐41

¹ ܛܘܼܒ݂ܵܐ ܠܐܢܵܫܵܐ ܕܒܡܸܠܟܵܐ ܕܒܝܼܫܹ̈ܐ ܠܵܐ ܚܕܝܼܪܹܗ، ܘܒܐܘܼܪܚܵܐ ܕܚܲܛܵܝܹ̈ܐ ܠܵܐ ܟܠܹܐ ܠܹܗ، ܘܒܡܵܘܬܒ݂ܵܐ ܕܡܲܣܚܸܪ̈ܵܢܹܐ ܠܵܐ ܝܬܝܼܒ݂ ܠܹܗ؛

² ܐܸܠܵܐ ܒܢܵܡܘܿܣܵܐ ܕܡܵܪܝܵܐ ܝܠܹܗ ܒܘܼܣܵܡܹܗ، ܘܒܢܵܡܘܿܣܹܗ ܟܹܐ ܗܲܓܹܐ ܐܝܼܡܵܡܵܐ ܘܠܲܝܠܹܐ؛

³ ܒܸܬ ܗܵܘܹܐ ܐܲܝܟ݂ ܐܝܼܠܵܢܵܐ ܫܬܝܼܠܵܐ ܥܲܠ ܫܵܩ̈ܝܼܵܬܹ‌ܐ ܕܡ̈ܝܼܵܐ، ܕܛܥܘܼܢܬܹܗ ܟܹܐ ܝܵܗܒܹܠ ܒܙܲܒ݂ܢܹܗ، ܘܛܲܪܦܹܗ ܠܹܐ ܢܵܬܹܪ، ܘܟܠ ܕܥܵܒܹܕ ܟܹܐ ܡܲܢܬܹ‌ܐ؛

⁴ ܠܹܐ ܝܢܵܐ ܗܵܕܟ݂ܵܐ ܒܝܼܫܹ̈ܐ، ܐܸܠܵܐ ܐܲܝܟ݂ ܬܸܒ݂ܢܵܐ ܝܢܵܐ ܕܟܹܐ ܕܲܪܹܐ ܠܹܗ ܦܵܘܚܵܐ،

⁵ ܒܘܼܬ ܐܵܗܵܐ، ܒܝܼܫܹ̈ܐ ܠܹܐ ܟܵܠܝܼ ܡܩܵܘܝܵܢܹ̈ܐ ܒܕܝܵܢܬܵ‌ܐ، ܐܵܦܠܵܐ ܚܲܛܵܝܹ̈ܐ ܒܟܢܘܼܫܝܵܐ ܕܙܲܕܝܼܩܹ̈ܐ؛

⁶ ܣܵܒܵܒ ܟܹܐ ܝܵܕܹܥ ܡܵܪܝܵܐ ܐܘܼܪܚܵܐ ܕܙܲܕܝܼܩܹ̈ܐ، ܐܝܼܢܵܐ ܐܘܼܪܚܵܐ ܕܒܝܼܫܹ̈ܐ ܒܸܬ ܛܵܠܩܵܐ.