Yawˇshuˆ 19 - Akha

Suˇmoˬ tsawˇ jeuˬ-ahˇ oꞈ-eu miˇ kʼahˬ

¹ Miˇ kʼahˬ biˇ nehˬ-euˬ tsawˇ jeuˬ nyiˬ jeuˬ tiˬ jeuˬ-aˬ, Suˇmoˬ tsawˇ jeuˬ meh. Yuˇdaˆ miˇ kʼahˬ tiˬ paˆ na deuˬ aˬ yawꞈ maꞈ-ahˇ biꞈ ahˇ nehˬ-euˬ meh.

² Aˬ yawꞈ maꞈ-euˬ miˇ kʼahˬ laꞈ kʼoeˇ jaˆ-eu meuˬ deuˬ-aˬ, Beˬlaˇsheˬba meuˬ, Sheˬba meuˬ, Mawˇlaˬdaˇ meuˬ,

³ Haˬzaˇshawˇlaˆ meuˬ, Baˬlahˇ meuˬ, Eˬzeˬ meuˬ,

⁴ Eˇlaˬtawˇlaˆ meuˬ, Behˬhuˇlaˬ meuˬ, Hawˇmaˬ meuˬ,

⁵ Ziˇkaˬlehˆ meuˬ, Behˬmaˬkaˬbawˇ meuˬ, Haˬzaˇsuˇsaˬ meuˬ,

⁶ Behˬleˇbaoˇ meuˬ, Shaˬluˇheˬ meuˬ, heu tseˇ smˇ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

⁷ Aˬiˇnaˆ meuˬ, Leˬmoˬ meuˬ, Eˇdeuˬ meuˬ, Aˇshah meuˬ, heu oeˬ meuˬ hawˇ-eu, heu oeˬ meuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

⁸ Laꞈ oˆ paw jaˆ-eu (Laˬmahˇ meuˬ lehˇ kʼawꞈ kuˇ-eu) Baˬlaˆbeˬlaˬ meuˬ-ahˇ keuˆ ni, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ dawˬ tawˆ luꞈ miˇ kʼahˬ heu kʼahˬ-ahˇ ahˇ-eu meh.

⁹ Heu-aˬ, Suˇmoˬ tsawˇ jeuˬ za-euˬ miˇ kʼahˬ pyeuꞈ-eu meh. Yuˇdaˆ miˇ kʼahˬ-aˬ, maˬ jawˇ byah jiˇ coeˇ-eu miˇ neh, Suˇmoˬ tsawˇ jeuˬ-ahˇ kʼawꞈ ui cuiˆ biˇ nehˬ-euˬ meh.

Zeˬbuˬloˬ tsawˇ jeuˬ-ahˇ oꞈ-eu miˇ kʼahˬ

¹⁰ Miˇ kʼahˬ biˇ nehˬ-euˬ tsawˇ jeuˬ smˇ jeuˬ tiˬ jeuˬ-aˬ, Zeˬbuˬloˬ tsawˇ jeuˬ pyeuꞈ-eu meh. Aˬ yawꞈ maꞈ za-euˬ miˇ kʼahˬ-aˬ, Saˬliˆ meuˬ-ahˇ keuˆ ni meh.

¹¹ Kʼoeˇ gaˇ neh naˇ, aˬ yawꞈ maꞈ-euˬ miˇ kaˬ-aˬ, nahˇ ma ga kʼehˬ paw iˇ-awˇ, Maˬleˬlaˇ meuˬ, Daˬbeˬshehˆ meuˬ hawˇ-eu, Jawˇkaˬneˬ-euˬ nahˇ ma doˆ kʼehˬ paw jaˆ-eu lawˇ gawˆ-ahˇ keuˆ ni meh.

¹² Miˇ kaˬ yawˬ dzaˬ yawˬ-aˬ, Saˬliˆ meuˬ-euˬ nahˇ ma doˆ kʼehˬ paw Ciˇsaˬloˆtaˬbawˬ meuˬ-ahˇ neh, Daˬbeˬlaˆ meuˬ hawˇ-eu Jaˬpiˇyaˬ meuˬ-ahˇ keuˆ ni meh.

¹³ Kʼoeˇ naˇ, nahˇ ma doˆ kʼehˬ paw paˇ iˇ gʼeh-awˇ, Gaˬdaˇheˬpaˬ meuˬ hawˇ-eu Eˇdaˬkaˬzeˬ meuˬ-ahˇ neh, Neˬaˬ meuˬ paw iˇ pyawˇ-awˇ, Leˬmoˬ meuˬ-ahˇ keuˆ ni meh.

¹⁴ Aˬ yawꞈ maꞈ-euˬ miˇ kaˬ laꞈ taˆ paw pyawˬ-aˬ, Haˬnaˬdoˬ meuˬ paw le leꞈ-awˇ, Yiˇpaˬtaˬheˬlaˇ deh kʼawꞈ-ahˇ iˇ dahˬ-euˬ meh.

¹⁵ Miˇ kʼahˬ kʼoeˇ kʼahˬ laꞈ kʼoeˇ, Kaˬtaˆ meuˬ, Naˬhaˬlaˇ meuˬ, Shiˇmyoˬ meuˬ, Iˇdaˬlahˬ meuˬ, Behˬlehˬhehˬ meuˬ, heu deuˬ ahˇ leˇ-ehˇ, meuˬ tseˇ nyiꞈ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

¹⁶ Meuˬ heu deuˬ hawˇ-eu meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ-aˬ, Zeˬbuˬloˬ tsawˇ haˬ deuˬ neh za-euˬ miˇ kʼahˬ laꞈ kʼoeˇ jaˆ-eu meh.

Iˇsaˬkaˬ tsawˇ jeuˬ-ahˇ oꞈ-eu miˇ kʼahˬ

¹⁷ Miˇ kʼahˬ biˇ nehˬ-euˬ tsawˇ jeuˬ oeˬ jeuˬ tiˬ jeuˬ-aˬ, Iˇsaˬkaˬ tsawˇ jeuˬ meh.

¹⁸ Aˬ yawꞈ maꞈ-euˬ miˇ kʼahˬ laꞈ kʼoeˇ, Yeˬzaˬleˬlaˇ meuˬ, Sheˬsuˇlawˆ meuˬ, Shuˇneˬ meuˬ,

¹⁹ Haˬpaˬleˬ meuˬ, Shiˇoˬ meuˬ, Aˬnaˬhaˬlaˆ meuˬ,

²⁰ Laˬbiˇ meuˬ, Giˇshoˬ meuˬ, Eˇbeˇzaˆ meuˬ,

²¹ Leˬmehˇ meuˬ, Eˬgaˬneˬ meuˬ, Eˬhaˇdaˬ meuˬ, Behˬpaˬzehˇ meuˬ, heu deuˬ jaˆ-eu meh.

²² Aˬ yawꞈ maꞈ-euˬ miˇ kaˬ-aˬ, Taˬbawˬ meuˬ, Shaˬhaˬzuˇmaˬ meuˬ hawˇ-eu, Behˬsheˬmehˇ meuˬ heu deuˬ caw caw-ehˇ iˇ gʼeh-awˇ, Yawˇdaˬ lawˇ baˬ-ahˇ iˇ dahˬ-euˬ meh. Miˇ kʼahˬ kʼoeˇ kʼahˬ laꞈ kʼoeˇ, meuˬ tseˇ koꞈ meuˬ hawˇ-eu meuˬ kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ jaˆ-eu meh.

²³ Meuˬ kʼoeˇ deuˬ hawˇ-eu meuˬ kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ-aˬ, Iˇsaˬkaˬ tsawˇ haˬ deuˬ neh za-euˬ miˇ kʼahˬ laꞈ kʼoeˇ ahˇ-eu meh.

Aˬshaˬ tsawˇ jeuˬ-ahˇ oꞈ-eu miˇ kʼahˬ

²⁴ Miˇ kʼahˬ biˇ nehˬ-euˬ tsawˇ jeuˬ ngaˬ jeuˬ tiˬ jeuˬ-aˬ, Aˬshaˬ tsawˇ jeuˬ meh.

²⁵ Aˬ yawꞈ maꞈ-euˬ miˇ kʼahˬ laꞈ kʼoeˇ, Heˬlaˬkaˆ meuˬ, Haˬliˆ meuˬ, Beˬteˬ meuˬ, Aˬkaˇshaˆ meuˬ,

²⁶ Aˬlamˬmeˬlehˆ meuˬ, Aˬmaˆ meuˬ hawˇ-eu Miˇshaˬlaˇ meuˬ heu deuˬ ahˇ-eu meh. Nahˇ ma ga kʼehˬ paw, Gaˬlaˬmeˬlaˇ meuˬ hawˇ-eu Shiˇhoˬliˇbaˬnaˆ meuˬ-ahˇ keuˆ ni meh.

²⁷ Aˬ yawꞈ maꞈ-euˬ miˇ kaˬ nahˇ ma doˆ kʼehˬ paw pyawˬ-aˬ, Behˬdaˬgoˬ meuˬ paw iˇ-awˇ, Zeˬbuˬloˬ meuˬ hawˇ-eu Iˇpaˬtaˬheˬlaˇ deh kʼawꞈ-ahˇ neh, laꞈ taˆ paw Behˬdiˇmehˇ meuˬ hawˇ-eu Naiˬlaˇ meuˬ-ahˇ keuˆ ni meh. Kʼoeˇ gaˇ neh naˇ, laꞈ taˆ paw jaˆ-eu Kaˬbuˇlaˆ meuˬ paw paˇ le gʼeh-awˇ,

²⁸ Eˬbyoˬ meuˬ, Leˬhawˇbaˆ meuˬ, Haˬmoˬ meuˬ, Kaˬnahˬ meuˬ heu deuˬ caw caw-ehˇ, Siˇdoˬ meuˬ-ahˇ keuˆ ni meh.

²⁹ Kʼoeˇ naˇ, Laˬmahˇ meuˬ paw oe ka-awˇ, ziꞈ dah ni tsoˆ taˬ-euˬ Duˇlu meuˬ-ahˇ neh naˇ, Hawˇsaˬ meuˬ paw iˇ gʼeh-awˇ, Gʼahˇ ceh-euˬ iˬ ma laˆ shaˆ-ahˇ iˇ dahˬ-euˬ meh. Maˬhaˬlehˆ meuˬ, Aˬkaˬziˇ meuˬ,

³⁰ Uˇmaˬ meuˬ, Aˬpyehˇ meuˬ, Leˬhawˇbaˆ meuˬ heu deuˬ ahˇ leˇ-ehˇ, meuˬ nyiˬ tseˇ nyiꞈ meuˬ hawˇ-eu meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ-aˬ, miˇ kʼahˬ heu kʼahˬ laꞈ kʼoeˇ jaˆ-eu meuˬ deuˬ pyeuꞈ-eu meh.

³¹ Meuˬ heu deuˬ hawˇ-eu, heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ-aˬ, Aˬshaˬ tsawˇ jeuˬ za-euˬ miˇ kʼahˬ laꞈ kʼoeˇ ahˇ-eu meuˬ deuˬ pyeuꞈ-eu meh.

Naˬtaˬliˇ tsawˇ jeuˬ-ahˇ oꞈ-eu miˇ kʼahˬ

³² Miˇ kʼahˬ biˇ nehˬ-euˬ tsawˇ jeuˬ koꞈ jeuˬ tiˬ jeuˬ-aˬ, Naˬtaˬliˇ tsawˇ jeuˬ meh.

³³ Aˬ yawꞈ maꞈ-euˬ miˇ kaˬ-aˬ, Heˬlehˇ meuˬ-ahˇ neh aˇ dahˬ beh-awˇ, Zaˬnaˬneˬ meuˬ-euˬ tsuiꞈ kaˆ aˇ bawˇ-ahˇ neh, Aˬdaˬmiˇneˬkaˆ meuˬ hawˇ-eu Jmˬnyaˬ meuˬ-ahˇ neh naˇ, Laˬkmˬ meuˬ-ahˇ keuˆ ni iˇ gʼeh-awˇ, Yawˇdaˬ lawˇ baˬ-ahˇ iˇ dahˬ-euˬ meh.

³⁴ Kʼoeˇ gaˇ neh naˇ, miˇ kaˬ kʼoeˇ nahˇ ma ga kʼehˬ paw jaˆ-eu Aˬzaˬnoˇtaˬbawˬ meuˬ paw iˇ gʼeh-awˇ, Huˇkoˆ meuˬ-ahˇ keuˆ ni iˇ keuˆ-awˇ, laꞈ oˆ paw Zeˬbuˬloˬ miˇ kʼahˬ-ahˇ maˬ ehˇ, nahˇ ma ga kʼehˬ paw Aˬshaˬ miˇ kʼahˬ-ahˇ maˬ ehˇ, nahˇ ma doˆ kʼehˬ paw Yawˇdaˬ lawˇ baˬ-ahˇ maˬ ehˇ, iˇ tsmˇ-euˬ meh.

³⁵ Ziꞈ dah ni tsoˆ taˬ-euˬ meuˬ deuˬ-aˬ, Ziˇdmˬ meuˬ, Zeˬyaˆ meuˬ, Hamˬmaˆ meuˬ, Laˬkaˆ meuˬ, Ciˇneˬlehˆ meuˬ,

³⁶ Aˬdaˬmaˬ meuˬ, Laˬmahˇ meuˬ, Haˬzawˇ meuˬ,

³⁷ Geˬdeˬshaˆ meuˬ, Eˬdiˇliˇ meuˬ, Eˬhaˬzawˇ meuˬ,

³⁸ Yiˇloˬ meuˬ, Miˇgaˬdaˬlehˇ meuˬ, Hawˇlehˬ meuˬ, Behˬdaˬnaˆ meuˬ, Behˬsheˬmehˇ meuˬ heu deuˬ ahˇ leˇ-ehˇ, meuˬ tseˇ gʼoeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

³⁹ Meuˬ heu deuˬ hawˇ-eu meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ-aˬ, Naˬtaˬliˇ tsawˇ jeuˬ za-euˬ miˇ kʼahˬ laꞈ kʼoeˇ jaˆ-eu meuˬ deuˬ meh.

Daˬ tsawˇ jeuˬ-ahˇ oꞈ-eu miˇ kʼahˬ

⁴⁰ Miˇ kʼahˬ biˇ nehˬ-euˬ tsawˇ jeuˬ shiꞈ jeuˬ tiˬ jeuˬ-aˬ, Daˬ tsawˇ jeuˬ meh.

⁴¹ Aˬ yawꞈ maꞈ-euˬ miˇ kʼahˬ laꞈ kʼoeˇ ahˇ-eu meuˬ deuˬ-aˬ, Zoˇlahˬ meuˬ, Eˇshaˬtawˇlaˆ meuˬ, Iˇlaˬsheˬmehˇ meuˬ,

⁴² Shaˬlaˬbeˬ meuˬ, Aiˬjaˬloˬ meuˬ, Iˇdaˬlahˬ meuˬ,

⁴³ Eˇloˬ meuˬ, Tmˇnahˬ meuˬ, Eˇkaˬloˬ meuˬ,

⁴⁴ Eˇlaˬteˬkaˇ meuˬ, Giˇbeˬdoˬ meuˬ, Baˬlaˆ meuˬ,

⁴⁵ Jeˬhuˇdaˆ meuˬ, Beˬneˬbeˬlehˆ meuˬ, Gaˬdaˇleˬmoˬ meuˬ,

⁴⁶ Meˬjaˬkoˬ meuˬ, Laˬkoˬ meuˬ hawˇ-eu, Yuˇbeˬ meuˬ-euˬ gahˬ kaˬ meh.

⁴⁷ Daˬ tsawˇ haˬ deuˬ-aˬ, aˬ yawꞈ maꞈ-euˬ miˇ kaˬ dawˬ tawˆ luꞈ-ahˇ deuˆ za geuꞈ-eu yaw shaˬ miˇ neh, Laˬiˇshaˆ meuˬ-ahˇ guiˇ deuˆ leˇ-euˬ meh. Meuˬ kʼoeˇ meuˬ-ahˇ aˬ yawꞈ maꞈ deuˆ gʼaˬ ngeh, kʼoeˇ gaˇ jawˇ-eu tsawˇ haˬ dawˬ tawˆ luꞈ-ahˇ sehꞈ-awˇ, aˬ yawꞈ maꞈ-euˬ meuˬ geuꞈ-euˬ meh. Aˬ yawꞈ maꞈ kʼoeˇ gaˇ jawˇ duˬ dah-awˇ, aˬ yawꞈ maꞈ-euˬ aˬ da yaw dzahˇ gʼaˬ pyeuꞈ-eu Daˬ-euˬ tsawˇ myahˇ yuˇ-awˇ, meuˬ kʼoeˇ meuˬ-ahˇ Daˬ meuˬ lehˇ myahˇ paˇ nehˬ-euˬ meh.

⁴⁸ Meuˬ heu deuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ-aˬ, Daˬ tsawˇ jeuˬ za-euˬ miˇ kʼahˬ laꞈ kʼoeˇ jaˆ-eu meuˬ deuˬ pyeuꞈ-eu meh.

Miˇ kʼahˬ biˇ saˬ saˬ-euˬ

⁴⁹ Iˇsaˬleˬlaˆ tsawˇ haˬ deuˬ miˇ kʼahˬ biˇ gʼaˬ jiˇ ngeh, Nuˬ-euˬ aˬ li Yawˇshuˆ-ahˇ aˬ yawꞈ maꞈ miˇ kʼahˬ biꞈ-euˬ meh.

⁵⁰ Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, aˬ yawꞈ shaˇ-euˬ meuˬ pyeuꞈ-eu Eˇpaˬleˬ miˇ kʼahˬ gawˬ duˇ kʼoeˇ taˆ jaˆ-eu Tmˇnaˆseˬlahˬ meuˬ aˬ yawꞈ-ahˇ biꞈ-euˬ meh. Meuˬ kʼoeˇ meuˬ-ahˇ aˬ yawꞈ paˇ tsoˆ muiˬ-awˇ, jawˇ duˬ dah-euˬ meh.

⁵¹ Piˇ ma Eˇlaˬzaˬ, Nuˬ-euˬ aˬ li Yawˇshuˆ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, Shiˇloˬ meuˬ-ahˇ Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ dawˬ peh shehˆ tsaˬ tsaˬ-eu laꞈ kʼoeˇ, Sahˬpaˬ Miˬyehˇ-ahˇ mehˬ bawˬ mˇ-awˇ, miˇ kʼahˬ heu deuˬ biˇ nehˬ-euˬ meh. Aˬ yawꞈ maꞈ kʼoeˇ loꞈ-ehˇ jahˇ-awˇ, miˇ kʼahˬ biˇ-euˬ meh.