Yawˇshuˆ 15 - Akha

Yuˇdaˆ tsawˇ jeuˬ-ahˇ oꞈ-eu miˇ kʼahˬ

¹ Heu-aˬ, Yuˇdaˆ tsawˇ jeuˬ za-euˬ miˇ kʼahˬ pyeuꞈ-eu meh. Miˇ kʼahˬ heu kʼahˬ-aˬ, laꞈ oˆ paw Eˬdoˬ miˇ kʼahˬ dawˬ peh aˬ cawˬ laꞈ oˆ oˆ saˬ jaˆ-eu Ziˇnaˆ bawˇ tsahˬ bawˇ dahˇ-ahˇ keuˆ ni meh.

² Laꞈ oˆ paw dzeˇ dzaˬ miˇ kaˬ-aˬ, Shiˇ-eu Iˬ ma laˆ shaˆ lah dahˬ-ahˇ neh,

³ laꞈ oˆ paw Aˬkaˬlaˬbeˬ gʼaˬ lahˇ nyiˬ tsehˆ-ehˇ iˇ gʼeh-awˇ, Ziˇnaˆ-ahˇ keuˆ ni meh. Kʼoeˇ gaˇ neh naˇ, Kaˬdeˬshaˇbaˬneˬ-euˬ laꞈ oˆ paw dzeˇ neh, Heˬzaˬloˬ iˇ dzeuˇ-awˇ, Aˬdaˬlaˆ paw le daˆ-awˇ, Kaˬkaˬ paw iˇ gʼeh-euˬ meh.

⁴ Kʼoeˇ gaˇ neh naˇ, Aˬzaˬmoˬ paw iˇ gʼeh-awˇ, Iˇjiˇtuˆ miˇ kaˬ-ahˇ jaˆ-eu Aˬzaˬmoˬ lawˇ baˬ caw caw-ehˇ, Gʼahˇ ceh-euˬ iˬ ma laˆ shaˆ-ahˇ keuˆ ni meh. Kʼoeˇ-aˬ, Yuˇdaˆ miˇ kʼahˬ laꞈ oˆ paw dzaˬ miˇ kaˬ pyeuꞈ-eu meh.

⁵ Nahˇ ma doˆ kʼehˬ paw-euˬ miˇ kaˬ-aˬ, Shiˇ-eu iˬ ma laˆ shaˆ caw caw-ehˇ, Yawˇdaˬ lawˇ baˬ yoeˇ ahˇ le gaˇ keuˆ ni meh. Laꞈ taˆ paw pyawˬ miˇ kaˬ-aˬ, kʼoeˇ gaˇ neh aˇ dahˬ beh-awˇ,

⁶ Behˬhawˇgaˬlaˬ paw le daˆ leꞈ-awˇ, Yawˇdaˬ deh kʼawꞈ gaˇ dzeˇ jaˆ-eu gawˬ jawˬ dahˇ teˇ caw caw-ehˇ, laꞈ taˆ paw Luˇbeˬ-euˬ aˬ li Boˬhaˬ-euˬ Kʼaˬ lo lehˇ ehˇ gaˇ keuˆ ni le gʼeh leꞈ-euˬ meh.

⁷ Kʼoeˇ naˇ, Shaˬ zahˬ deh kʼawꞈ paw le pyawˇ-awˇ, deh kʼawꞈ-euˬ laꞈ oˆ paw paˆ jaˆ-eu Aˬduˬmiˬ gʼaˬ lahˇ paw mehˬ shiˬ pyawˇ-ehˇ,Giˇlaˇgaˬlaˇ paw paˆ le daˆ gʼeh leꞈ-awˇ, Eˬsheˬ mehˇ lawˇ kʼawꞈ-ahˇ neh Eˬloˇgeˬ-ahˇ le leꞈ-euˬ meh.

⁸ Kʼoeˇ naˇ, Yeˬbuˇ tsawˇ jeuˬ-euˬ meuˬ pyeuꞈ-eu Yeˬluˇsaˬlehˬ meuˬ jaˆ-eu gawˬ duˇ-euˬ laꞈ oˆ paw, Hiˬnoˬ deh kʼawꞈ nyiˬ paˆ-ehˇ le gʼeh leꞈ-awˇ, deh kʼawꞈ kʼoeˇ kʼawꞈ-euˬ nahˇ ma doˆ kʼehˬ paw Leˬpeˬ deh kʼawꞈ-euˬ uˬ gʼmˬ-ahˇ jaˆ-eu gawˬ duˇ uˬ du-ahˇ le daˆ-euˬ meh.

⁹ Kʼoeˇ gaˇ neh naˇ, Neˬpaˬtahˇ lawˇ kʼawꞈ-ahˇ neh, Eˇpaˬloˬ gawˬ jawˬ-ahˇ jaˆ-eu meuˬ deuˬ-ahˇ iˇ gʼeh-awˇ, (Giˇliˇyaˆyeˬlmˬ lehˇ kuˇ-eu) Baˬlahˬ meuˬ paw iˇ gʼeh-euˬ meh.

¹⁰ Kʼoeˇ gaˇ neh naˇ, Baˬlahˬ meuˬ-euˬ nahˇ ma ga kʼehˬ paw iˇ ka gʼeh-awˇ, (Sheˬsaˬloˬ lehˇ kuˇ-eu) Yeˬlmˬ gawˬ jawˬ-euˬ nahˇ ma ga kʼehˬ paw le pyawˇ-awˇ, Behˬsheˬmehˇ meuˬ paw iˇ ka-awˇ, Tmˇnahˬ meuˬ iˇ dzeuˇ gʼeh-euˬ meh.

¹¹ Kʼoeˇ naˇ, Eˇkaˬloˬ meuˬ-euˬ laˬ taˆ paw jaˆ-eu gawˬ duˇ paw le daˆ-awˇ, Shiˇgeˬloˬ paw iˇ pyawˇ-awˇ, Baˬlahˬ gawˬ jawˬ le dzeuˇ-awˇ Jmˬnyaˬ paw iˇ gʼeh-awˇ, Gʼahˇ ceh-euˬ iˬ ma laˆ shaˆ-ahˇ iˇ dahˬ-euˬ meh.

¹² Heu-aˬ, nahˇ ma ga kʼehˬ paw pyawˬ miˇ kaˬ pyeuꞈ-eu meh. Miˇ kaˬ heu jawˬ jawˬ-ehˇ jaˆ-eu laꞈ kʼoeˇ, Yuˇdaˆ tsawˇ haˬ deuˬ jawˇ-euˬ meh.

Heˬbyoˬ meuˬ hawˇ-eu Deˬbeuˬ meuˬ-ahˇ Gaˬlehˆ deuˆ gʼaˬ-euˬ

¹³ Yawˇshuˆ-ahˇ Sahˬpaˬ Miˬyehˇ dawˬ biꞈ nehˬ-euˬ loꞈ-ehˇ, Yuˇdaˆ tsawˇ jeuˬ Yeˬpuˬnehˇ-euˬ aˬ li Gaˬlehˆ-ahˇ Yuˇdaˆ miˇ kʼahˬ laꞈ kʼoeˇ jaˆ-eu Heˬbyoˬ meuˬ biꞈ-euˬ meh. Heˬbyoˬ meuˬ-aˬ, Aˬnaˬkaˆ-euˬ aˬ da Aˬbaˬ-euˬ meuˬ pyeuꞈ-eu meh.

¹⁴ Aˬnaˬkaˆ-euˬ zaˬ deuˬ uˆ deuˬ pyeuꞈ-eu Sheˬshaiˇ aˇ jeuˬ, Aˬhiˇmaˬ aˇ jeuˬ hawˇ-eu Taˬlaˬmehˇ aˇ jeuˬ-ahˇ Gaˬlehˆ teh doˆ-euˬ meh.

¹⁵ Kʼoeˇ gaˇ neh naˇ, Deˬbeuˬ meuˬ-ahˇ jawˇ-eu tsawˇ haˬ deuˬ-ahˇ guiˇ deuˆ-iˇ-eu lehˇ aˬ yawꞈ iˇ-euˬ meh. (Meuˬ heu meuˬ-ahˇ yaw beh Giˇliˇyaˆseˬpeuˬ lehˇ kuˇ-euˬ meh.)

¹⁶ “Giˇliˇyaˆseˬpeuˬ meuˬ-ahˇ deuˆ gʼaˬ-eu gʼaˬ, aˬ yawꞈ-euˬ aˬ buˇ Aˬkaˆsahˬ-ahˇ bi sheuˬ dahˬ dzaˬ ma” lehˇ Gaˬlehˆ ehˇ-eu meh.

¹⁷ Gaˬlehˆ-euˬ aˬ nyiˇ Gaˬnaˆ-euˬ aˬ li Awˇdaˬneˬlaˇ neh meuˬ kʼoeˇ meuˬ-ahˇ deuˆ gʼaˬ-euˬ meh. Kʼoeˇ miˇ neh, Gaˬlehˆ-aˬ, aˬ yawꞈ-euˬ aˬ buˇ Aˬkaˆsahˬ-ahˇ, Awˇdaˬneˬlaˇ-ahˇ bi mˇ dzaˬ-iˇ-euˬ meh.

¹⁸ Oeˇ mˇ baˇ ngeh nah, “Nawˬ da-ahˇ yaˇ ma tiˬ kawˬ shaˇ-awˬ” lehˇ Aˬkaˆsahˬ-ahˇ Awˇdaˬneˬlaˇ ehˇ nehˬ-euˬ meh. Kʼoeˇ naˇ, Aˬkaˆsahˬ mahˬ tahˬ laˆ dziˬ luꞈ-eu yaꞈ ka-iˇ ngeh, “Aˬ jeˬ geuꞈ mawꞈ-eu nya buˇ-oˬ” lehˇ Gaˬlehˆ naˇ haˬ-euˬ meh.

¹⁹ “Ngaˇ iˇ cuꞈ lah deuˬ geuꞈ mawꞈ-eu ma. Nawˬ neh ngaˬ-ahˇ biꞈ-euˬ miˇ tsaˬ-aˬ, gui coˇ ni gʼeh-eu miˇ tsaˬ meh” lehˇ, Aˬkaˆsahˬ ehˇ kʼoꞈ nehˬ-euˬ meh. Kʼoeˇ naˇ, laꞈ taˆ paw jaˆ-eu iˇ cuꞈ lawˇ gawˆ deuˬ maˬ ehˇ, laꞈ oˆ paw jaˆ-eu iˇ cuꞈ lawˇ gawˆ deuˬ maˬ ehˇ, aˬ yawꞈ-ahˇ Gaˬlehˆ biꞈ-euˬ meh.

Yuˇdaˆ miˇ kʼahˬ-euˬ meuˬ deuˬ

²⁰ Heu-aˬ, Yuˇdaˆ tsawˇ jeuˬ-euˬ aˇ jeuˬ aˇ ca deuˬ-ahˇ biꞈ tsehˆ tsehˆ nehˬ-euˬ miˇ kʼahˬ pyeuꞈ-eu meh.

²¹ Eˬdoˬ miˇ kaˬ dawˬ peh laꞈ oˆ paw jaˆ saˬ saˬ-eu aˬ yawꞈ maꞈ-euˬ meuˬ deuˬ-aˬ, Kaˬzeˬlaˇ meuˬ, Eˬdeuˬ meuˬ, Yaˬguˇ meuˬ,

²² Kiˇnahˬ meuˬ, Diˬmoˇnaˬ meuˬ, Aˬdaˇdaˬ meuˬ,

²³ Geˬdeˬshaˆ meuˬ, Haˬzawˇ meuˬ, Iˇdaˬnaˬ meuˬ,

²⁴ Ziˇpaˬ meuˬ, Teˬlmˬ meuˬ, Beˬlawˆ meuˬ,

²⁵ Haˬzawˇhaˬdaˬtah meuˬ, (Haˬzawˇ meuˬ lehˇ kʼawꞈ kuˇ-eu) Kiˇliˇyoˆheˬzaˬloˬ meuˬ,

²⁶ Aˬmamˬ meuˬ, Sheˬmaˬ meuˬ, Mawˇlaˬdaˇ meuˬ,

²⁷ Haˬzaˇgaˬdaˬ meuˬ, Heˬshaˬmoˬ meuˬ, Behˬpeˬlehˆ meuˬ,

²⁸ Haˬzaˇshawˇlaˆ meuˬ, Beˬlaˇsheˬba meuˬ, Biˬzoˇdiˬyaˇ meuˬ,

²⁹ Baˬlahˬ meuˬ, Iˇymˬ meuˬ, Eˬzeˬ meuˬ,

³⁰ Eˇlaˬtawˇlaˆ meuˬ, Sheˬsiˇlaˆ meuˬ, Hawˇmaˬ meuˬ,

³¹ Ziˇkaˬlehˆ meuˬ, Maˬdaˇmaˬnahˬ meuˬ, Saˬsaˬnahˬ meuˬ,

³² Leˇbaoˇ meuˬ, Shiˇlaˬheˬ meuˬ, Aˬiˇnaˆ meuˬ, Leˬmoˬ meuˬ, heu nyiˬ tseˇ gʼoeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

³³ Gawˬ jawˬ dawˬ dahˬ-ahˇ jaˆ-eu meuˬ deuˬ-aˬ, Eˇshaˬtawˇlaˆ meuˬ, Zoˇlahˬ meuˬ, Aˬshaˬnahˬ meuˬ,

³⁴ Zaˬnoˇaˬ meuˬ, Eˇgaˬneˬ meuˬ, Taˬpahˇ meuˬ, Eˇnamˬ meuˬ,

³⁵ Jaˬmuˆ meuˬ, Aˬduˬlamˬ meuˬ, Sawˇkoˬ meuˬ, Aˬzeˬkaˬ meuˬ,

³⁶ Shaˬleˬ meuˬ, Aˬdiˇdeˬ meuˬ, Geˬdeˬlahˇ meuˬ, Geˬdeˬlawˇdeˬ meuˬ, heu tseˇ oeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

³⁷ Kʼoeˇ naˇ, Zeˬnaˬ meuˬ, Haˬdaˬshaˇ meuˬ, Miˇgaˬdaˬla gaˆ meuˬ,

³⁸ Diˇleˬ meuˬ, Miˇzaˬpaˬ meuˬ, Yawˇkaˬdeˬlaˇ meuˬ,

³⁹ Laˬkiˇshaˆ meuˬ, Bawˇzaˬkaˇ meuˬ, Eˇgaˬloˬ meuˬ,

⁴⁰ Kaˬboˬ meuˬ, Laˬmam meuˬ, Ciˇtaˬliˇ meuˬ,

⁴¹ Geˬdeˬlawˇ meuˬ, Behˬdaˬgoˬ meuˬ, Neˬmaˬ meuˬ, Maˬgeˬdaˬ meuˬ, heu tseˇ koꞈ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

⁴² Kʼoeˇ naˇ, Liˇbaˬnahˬ meuˬ, Eˇdeuˬ meuˬ, Aˬshah meuˬ,

⁴³ Yiˇpaˬtaˬ meuˬ, Aˬshaˬnahˬ meuˬ, Neˬziˆ meuˬ,

⁴⁴ Kiˇlahˬ meuˬ, Aˬkaˬziˇ meuˬ, Maˬleˇshaˬ meuˬ, heu gʼoeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

⁴⁵ Kʼoeˇ naˇ, Eˇkaˬloˬ meuˬ hawˇ-eu kʼoeˇ gaˇ taꞈ-eu meuˬ meuˬ zaˬ deuˬ hawˇ-eu pu deuˬ,

⁴⁶ Eˇkaˬloˬ meuˬ-ahˇ neh Gʼahˇ ceh-euˬ iˬ ma laˆ shaˆ-ahˇ keuˆ ni jaˆ-eu Aˬshaˬdoˇ meuˬ-euˬ tahˬ gʼoꞈ tahˬ jawˇ jaˆ-eu meuˬ deuˬ hawˇ-eu meuˬ meuˬ zaˬ deuˬ meh.

⁴⁷ Iˇjiˇtuˆ miˇ kʼahˬ-ahˇ jaˆ-eu lawˇ gawˆ hawˇ-eu Gʼahˇ ceh-euˬ iˬ ma laˆ shaˆ-ahˇ keuˆ ni jaˆ-eu Aˬshaˬdoˇ meuˬ, Gaˬzaˬ meuˬ hawˇ-eu, kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ hawˇ-eu pu deuˬ meh.

⁴⁸ Gawˬ jawˬ gawˬ duˇ-ahˇ jaˆ-eu meuˬ deuˬ-aˬ, Shaˬmeuˬ meuˬ, Yaˬtiˇlaˆ meuˬ, Sawˇkoˬ meuˬ,

⁴⁹ Daˬnaˬ meuˬ, Deˬbeuˬ meuˬ lehˇ kʼawꞈ kuˇ-eu Giˇliˇyaˆseˬpeuˬ meuˬ,

⁵⁰ Aˬnaˬbaˆ meuˬ, Eˇshaˬteˬmawˇ meuˬ, Aˬnymˬ meuˬ,

⁵¹ Goˬsheˬ meuˬ, Hawˇloˬ meuˬ, Giˇloˬ meuˬ, heu tseˇ tiꞈ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

⁵² Aˬlaˆ meuˬ, Duˇmahˬ meuˬ, Eˇshahˬ meuˬ,

⁵³ Yaˬnymˬ meuˬ, Behˬtaˬpahˇ meuˬ, Aˬpyehˇkaˬ meuˬ,

⁵⁴ Hmˇtahˬ meuˬ, Heˬbyoˬ meuˬ, Ziˇawˆ meuˬ, heu gʼoeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

⁵⁵ Maˬoˬ meuˬ, Gaˬlaˬmeˬlaˇ meuˬ, Ziˇ paˬ meuˬ, Yuˇtah meuˬ,

⁵⁶ Yeˬzaˬleˬlaˇ meuˬ, Yawˇkaˬdeˬ meuˬ, Zaˬnoˇaˬ meuˬ,

⁵⁷ Kaˬnaˆ meuˬ, Giˇbyaˬ meuˬ, Tmˇnahˬ meuˬ, heu tseˇ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

⁵⁸ Haˬlaˇhuˇlaˇ meuˬ, Behˬzuˇlaˆ meuˬ, Geˬdawˬ meuˬ,

⁵⁹ Mawˇlaˆ meuˬ, Behˬdaˬnoˇ meuˬ, Eˇlaˬteˬkoˬ meuˬ, heu koꞈ meuˬ hawˇ-eu meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

⁶⁰ (Giˇliˇyaˆyeˬlmˬ lehˇ kʼawꞈ kuˇ-eu) Giˇliˇyaˆbaˬlaˇ meuˬ, Laˬbah meuˬ, heu nyiˬ meuˬ hawˇ-eu, heu nyiˬ meuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ neh.

⁶¹ Bawˇ tsahˬ bawˇ dahˇ-ahˇ jaˆ-eu meuˬ deuˬ-aˬ, Behˬaˬlaˬbaˬ meuˬ, Miˇdeˬ meuˬ, Seˬkaˇkaˬ meuˬ,

⁶² Niˇbaˬshaˬ meuˬ, Saˬdeuꞈ-euˬ meuˬ, Eˬgeˬdiˇ meuˬ, heu koꞈ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

⁶³ Ehˇ kʼawꞈ, Yeˬluˇsaˬlehˬ meuˬ laꞈ kʼoeˇ jawˇ-eu Yeˬbuˇ tsawˇ haˬ deuˬ-ahˇ Yuˇdaˆ tsawˇ haˬ deuˬ maˬ teh doˆ nya-a. Yeˬbuˇ tsawˇ haˬ kʼoeˇ deuˬ iˬ nah keuˆ ni, Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ kʼoeˇ gaˇ jawˇ luꞈ-eu meh.