Yawˇbaˆ 25 - Akha

¹ Kʼoeˇ naˇ, Shuˇaˬ miˇ kʼahˬ-ahˇ jawˇ-eu Biˇlaˬdaˇ gʼaˬ ehˇ-eu,

² “Miˬyehˇ-aˬ, baoˬ huiˬ dui dui-awˇ, dawˬ tawˆ luꞈ aˬ yawꞈ-euˬ mehˬ shi zahˬ dui dui leˇ-eu laꞈ kʼoeˇ ya yawꞈ tehꞈ-a. Aˬ yawꞈ-euˬ mˬ taˆ miˇ kʼahˬ-ahˇ aˬ yawꞈ coꞈ ngehˇ ni bi jaˆ-euˬ meh.

³ Aˬ yawꞈ-euˬ gaˇ mˇ-eu mˬ taˆ gʼaˬ kʼehˇ aˇ myaˆ gʼaˬ byah-eu aˬ suˇ gʼaˬ gui jiˇ coeˇ ta. Miˬyehˇ-euˬ yaw shehꞈ maˬ bya keuˆ-eu jawˇ duˬ aˬ geu gaˇ jaˆ ta.

⁴ Miˬyehˇ mehˬ shi yaw tsaˬ yaw dawˇ aˬ geu gʼaˬ jawˇ ta.

⁵ Aˬ yawꞈ gʼaˇ duˬ ba la kʼawꞈ yaw shehꞈ bya gaˇ maˬ duˇ-ehˇ, aˬ guiˇ deuˬ kʼawꞈ shawˇ jehˆ ni maˬ gʼeh-a.

⁶ Toˆ-ehˇ ngeuˇ naˇ, buˬ joe hawˇ-eu aˬ maꞈ loˆ ni tehꞈ-ehˇ gʼeh-eu tsawˇ haˬ zaˬ aˬ jeˬ ehˇ kʼaˇ za nmˇ. Miˬyehˇ mehˬ shi tsawˇ haˬ zaˬ aˬ jeˬ gaˇ dahˇ tsoeˬ ta.”