Neˬhaˬmiˇ 7 - Akha

¹ Nymˬ-mˇ poˆ jawˇ, meuˬ meuˬ lahˇ gawˬ muiˬ gʼaˬ-awˇ, lahˇ kʼehˬ laˇ gʼoˆ deuˬ kʼawꞈ jahˇ tsoꞈ gʼaˬ jiˇ-awˇ, Uˬ duˬ tahˬ nymˇ nymˇ ma-ahˇ loꞈ piˇ-eu deuˬ muiˬ-eu shawˇ-eu caˇ dawˬ caˇ-eu deuˬ hawˇ-eu, Leˬbiˇ tsawˇ haˬ nui deuˬ kʼawꞈ, yawˬ ha-euˬ gaˇ yawˬ ha mˇ luꞈ-eu meh.

² Yeˬluˇsaˬlehˬ meuˬ-ahˇ bi uˆ lahˇ-eu gʼaˇ duˬ tsawˇ haˬ nyiˬ gʼaˬ-ahˇ ngaˇ tseˇ doˆ-euˬ ma. Aˬ yawꞈ nyaꞈ-euˬ, ngaˬ-euˬ aˬ nyiˇ Haˬnaˬniˇ hawˇ-eu Yehˇ-euˬ taˆ-ahˇ aˬ yuiꞈ geuꞈ-eu gʼaˬ pyeuꞈ-eu Haˬnaˬniˇyaˆ meh. Haˬnaˬniˇyaˆ-aˬ, Miˬyehˇ-ahˇ guˆ-eu nui ma ahˇ-awˇ, aˬ cawˬ naˆ maˬ tseˇ gʼoe coeˇ-eu tsawˇ haˬ tiˬ gʼaˬ pyeuꞈ-eu meh.

³ Yeˬluˇsaˬlehˬ meuˬ lahˇ gʼoˆ kʼehˬ deuˬ-ahˇ, uˬ shawˬ paw nahˇ ma maˬ doˆ dzeuˇ kʼoeˇ keuˆ ni maˬ pah ni bi jaˆ-awˇ, uˬ ciꞈ paw nahˇ ma ga ahˇ ngeh yamˬ-ahˇ loꞈ-eu yehˇ deuˬ maˬ gʼoꞈ leˇ mi naˆ-ehˇ laˇ gʼoˆ piˬ tehˬ-awˇ gʼoˆ kaꞈ kaꞈ tehˬ-awˬ lehˇ aˬ yawꞈ nyaꞈ-ahˇ ngaˇ ehˇ nehˬ-euˬ ma. Yeˬluˇsaˬlehˬ meuˬ laꞈ kʼoeˇ jawˇ-eu deuˬ-ahˇ loꞈ-eu yehˇ bi geuꞈ-awˇ, tiˬ paˆ na deuˬ-ahˇ loꞈ duˬ-ahˇ bi loꞈ-awˇ, tiˬ paˆ na deuˬ-ahˇ yawˬ ha-euˬ nymˇ dawˬ peh jawˬ jawˬ-ehˇ cah cah-ehˇ bi loꞈ-awˬ lehˇ ehˇ nehˬ-euˬ ma.

Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ deuˬ-euˬ jaˇ laˇ

⁴ Yeˬluˇsaˬlehˬ meuˬ-aˬ, huiˬ-eu jeˇ-eu meuˬ tiˬ meuˬ pyeuꞈ kʼawꞈ, tsawˇ haˬ gʼawˬ mya ni maˬ jawˇ-ehˇ, nymˇ kʼawꞈ gʼawˬ mya ni maˬ tsoˆ byah taˬ-aˬ siˬ.

⁵ Meuˬ-ahˇ jawˇ-eu miˇ kʼahˬ zaˬ deuˬ maˬ ehˇ, aˬ yuiꞈ aˬ tsu deuˬ maˬ ehˇ, yaw huiˬ yaw mahˇ geuꞈ-eu deuˬ maˬ ehˇ, dawˬ tawˆ luꞈ-ahˇ kuˇ uiˬ-awˇ, aˇ jeuˬ aˇ ca-euˬ jaˇ laˇ pyehˆ tseˇ haw-eu gʼaˇ duˬ Miˬyehˇ ngaˬ-ahˇ bi noeˬ doˆ laꞈ-euˬ meh. Baˬbuˇloˬ miˇ kʼahˬ-ahˇ neh gʼoꞈ laˇ beh beh-euˬ deuˬ-euˬ jaˇ laˇ-ahˇ ngaˇ poˆ mawˇ-awˇ, heu loꞈ-ehˇ boꞈ taˬ-euˬ gaˇ ya mawˇ-euˬ ma.

⁶ Baˬbuˇloˬ miˇ kʼahˬ-ahˇ bi nyehꞈ gʼeh-awˇ jawˇ-euˬ tsawˇ haˬ gʼawˬ mya ni, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jaˆ-eu yawˬ ha-euˬ meuˬ-ahˇ gʼoꞈ laˇ-euˬ meh. Sahˬpaˬ Neˬbuˬkaˬneˬzaˬ neh aˬ yawꞈ maꞈ-ahˇ nyehꞈ gʼeh-euˬ yamˬ-ahˇ neh, Baˬbuˇloˬ miˇ kʼahˬ-ahˇ aˬ yawꞈ maꞈ jawˇ luꞈ-eu meh.

⁷ Aˬ yawꞈ maꞈ-euˬ aˬ yuiꞈ aˬ tsu deuˬ-aˬ, Yeˬluˇbaˬbeˬlaˇ, Yawˇshuˆ, Neˬhaˬmiˇ, Aˬzaˬliˇ, Lawˬmiˇ, Naˬhaˬmaˬniˇ, Mawˬdaˬkehˇ, Biˇlaˬshaˬ, Miˇsaˬpeˬlehˆ, Biˇgaˬbeˬ, Neˬhamˬ hawˇ-eu, Baˬnahˬ meh. Baˬbuˇloˬ miˇ kʼahˬ-ahˇ neh gʼoꞈ laˇ-euˬ Iˇsaˬleˬlaˆ tsawˇ jeuˬ tsawˇ ca aˬ yawꞈ jeuˬ yawꞈ hawˇ-eu, tsawˇ haˬ aˇ gʼaˬ-euˬ jaˇ laˇ-aˬ heu loꞈ-ehˇ meh.

⁸ Paˬloˆ aˇ jeuˬ 2,172 gʼaˬ

⁹ Sheˬpaˬtiˇ aˇ jeuˬ 372 gʼaˬ

¹⁰ Aˬlah aˇ jeuˬ 652 gʼaˬ

¹¹ Yeˬshah hawˇ-eu Yoˇbaˬ-euˬ zaˬ deuˬ uˆ deuˬ pyeuꞈ-eu Paˬhaˆmawˇbaˆ aˇ jeuˬ 2,818 gʼaˬ

¹² Eˇlamˬ aˇ jeuˬ 1,254 gʼaˬ

¹³ Zaˬtuˬ aˇ jeuˬ 845 gʼaˬ

¹⁴ Zaˬkah aˇ jeuˬ 760 gʼaˬ

¹⁵ Biˇnuiˇ aˇ jeuˬ 648 gʼaˬ

¹⁶ Beˬbaiˬ aˇ jeuˬ 628 gʼaˬ

¹⁷ Aˬzaˬgaˆ aˇ jeuˬ 2,322 gʼaˬ

¹⁸ Aˬdawˇniˇkamˬ aˇ jeuˬ 667 gʼaˬ

¹⁹ Biˇgaˬbeˬ aˇ jeuˬ 2,067 gʼaˬ

²⁰ Aˬdeˬ aˇ jeuˬ 655 gʼaˬ

²¹ Heˬsaˬgiˇ lehˇ kʼawꞈ kuˇ-eu Aˬtaˬ aˇ jeuˬ 98 gʼaˬ

²² Haˬshuˬ aˇ jeuˬ 328 gʼaˬ

²³ Beˬzaiˇ aˇ jeuˬ 324 gʼaˬ

²⁴ Haˬliˇpaˬ aˇ jeuˬ 112 gʼaˬ

²⁵ Giˇbyoˬ aˇ jeuˬ 95 gʼaˬ.

²⁶ Aˬ ma aˬ da aˬ poeˬ aˬ bawˇ deuˬ-euˬ ziˇ-ahˇ, meuˬ heu deuˬ-ahˇ jawˇ-euˬ tsawˇ haˬ deuˬ kʼawꞈ, gʼoꞈ laˇ-euˬ meh. Behˬlehˬhehˬ meuˬ hawˇ-eu Neˬtawˇpaˬ meuˬ 188 gʼaˬ

²⁷ Aˬnaˬtawˇ meuˬ 128 gʼaˬ

²⁸ Behˬaˬzaˇmaˬbehˇ meuˬ 42 gʼaˬ

²⁹ Giˇliˇyaˆyeˬlmˬ meuˬ, Sheˬpiˇlaˬ meuˬ hawˇ-eu Biˇyoˆ meuˬ 743 gʼaˬ

³⁰ Laˬmaˬhaˬ meuˬ hawˇ-eu Geˬbaˬ meuˬ 621 gʼaˬ

³¹ Miˇkaˬmaˆ meuˬ 122 gʼaˬ

³² Beˬdeˬlaˇ meuˬ hawˇ-eu Aˬiˇ meuˬ 123 gʼaˬ

³³ Neˬboˬ meuˬ yawˬ meuˬ yawˬ 52 gʼaˬ

³⁴ Eˇlamˬ meuˬ yawˬ meuˬ yawˬ 1,254 gʼaˬ

³⁵ Haˬlmˬ meuˬ 320 gʼaˬ

³⁶ Yeˬliˇkoˇ meuˬ 345 gʼaˬ

³⁷ Lawˇdaˆ meuˬ, Haˬdiˇ meuˬ hawˇ-eu Oˇnoˇ meuˬ 721 gʼaˬ

³⁸ Seˬnahˬ meuˬ 3,930 gʼaˬ

³⁹ Baˬbuˇloˬ miˇ kʼahˬ-ahˇ neh gʼoꞈ laˇ-euˬ piˇ ma aˇ jeuˬ aˇ ca deuˬ-euˬ jaˇ laˇ-aˬ, heu loꞈ-ehˇ meh. Yeˬshah-euˬ zaˬ deuˬ uˆ deuˬ pyeuꞈ-eu Yeˬdaˬyaˇ aˇ jeuˬ 973 gʼaˬ

⁴⁰ Iˇmeˬlaˇ aˇ jeuˬ 1,052 gʼaˬ

⁴¹ Paˬshuˇlaˆ aˇ jeuˬ 1,247 gʼaˬ

⁴² Haˬlmˬ aˇ jeuˬ 1,017 gʼaˬ

⁴³ Baˬbuˇloˬ miˇ kʼahˬ-ahˇ neh gʼoꞈ laˇ-euˬ Leˬbiˇ tsawˇ haˬ deuˬ-euˬ jaˇ laˇ-aˬ, heu loꞈ-ehˇ meh. Hawˇdaˬyaˇ-euˬ zaˬ deuˬ uˆ deuˬ pyeuꞈ-eu Yeˬshah aˇ jeuˬ hawˇ-eu Kaˬdaˬmeˬluˇ aˇ jeuˬ 74 gʼaˬ

⁴⁴ Aˬsaˆ-euˬ zaˬ deuˬ uˆ deuˬ pyeuꞈ-eu Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu deuˬ 148 gʼaˬ

⁴⁵ Shaˬlmˬ, Aˬtaˬ, Taˬlaˬmoˬ, Aˬkuˇ, Haˬtiˇtaˬ hawˇ-eu Shoˇbaiˬ-euˬ zaˬ deuˬ uˆ deuˬ pyeuꞈ-eu Uˬ duˬ tahˬ nymˇ nymˇ ma-ahˇ loꞈ-eu deuˬ 138 gʼaˬ

⁴⁶ Baˬbuˇloˬ miˇ kʼahˬ-ahˇ neh gʼoꞈ laˇ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu aˇ jeuˬ aˇ ca deuˬ-euˬ aˇ jeuˬ tsawˇ myahˇ-aˬ, heu loꞈ-ehˇ meh. Ziˇhaˬ, Haˬsuˇpaˬ, Taˬbaˬoˇ,

⁴⁷ Geˬloˇ, Siˇyaˬ, Paˬdoˬ,

⁴⁸ Leˬbaˬnaˬ, Haˬgaˬbaˬ, Shaˬlaˬmehˇ,

⁴⁹ Haˬnaˬ, Giˇdeˬlaˇ, Gaˬhaˬlaˇ,

⁵⁰ Yaˬyaˇ, Leˬzeˬ, Neˬkawˇdaˬ,

⁵¹ Gaˬzamˬ, Awˇzaˬ, Paˬsah,

⁵² Beˬsaiˇ, Myuˇneˬ, Neˬpuˇsheˬsmˇ,

⁵³ Baˬkaˬbuˆ, Haˬkuˇpaˬ, Haˬlaˬhuˇlaˆ,

⁵⁴ Baˬzaˬliˇ, Meˬhiˇdaˬ, Haˬlaˬshaˬ,

⁵⁵ Baˬgoˇ, Siˇseˬlaˇ, Teˬmaˬ,

⁵⁶ Neˬzahˬ, Haˬtiˇpaˬ aˇ jeuˬ heu deuˬ meh.

⁵⁷ Baˬbuˇloˬ miˇ kʼahˬ-ahˇ neh gʼoꞈ laˇ-euˬ sahˬpaˬ Sawˇlaˬmoˬ-euˬ zaˬ kʼaˆ deuˬ-euˬ zaˬ deuˬ uˆ deuˬ pyeuꞈ-eu aˇ jeuˬ aˇ ca deuˬ-euˬ aˇ jeuˬ tsawˇ myahˇ-aˬ, heu loꞈ-ehˇ meh. Sawˇtehˇ, Sawˇpeˬlehˆ, Peˬliˇdaˬ,

⁵⁸ Yaˬlahˬ, Daˬkawˬ, Giˇdeˬlaˇ,

⁵⁹ Sheˬpaˬtiˇ, Haˬtiˇlaˆ, Pawˇsheˬlehˆhaˬzeˬbeˬ hawˇ-eu Aˬmoˬ aˇ jeuˬ heu deuˬ meh.

⁶⁰ Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu deuˬ hawˇ-eu Sawˇlaˬmoˬ-euˬ zaˬ kʼaˆ deuˬ-euˬ zaˬ deuˬ uˆ deuˬ dawˬ tawˆ luꞈ smˬ yaˇ gʼoeˬ tseˇ nyiꞈ gʼaˬ byah-eu meh.

⁶¹ Teˬlaˇmeˬlahˬ meuˬ, Teˬlaˇhaˬlaˬshaˬ meuˬ, Geˬluˇ meuˬ, Aˬdawˬ meuˬ hawˇ-eu Iˇmeˬlaˇ meuˬ heu deuˬ-ahˇ neh gʼoꞈ laˇ-awˇ, Iˇsaˬleˬlaˆ tsawˇ jeuˬ ngeuˇ maˬ ngeuˇ-eu tsuiꞈ maˬ gui duˬ nehˬ nya-eu deuˬ-aˬ,

⁶² Daˬlaˇyaˬ, Tawˇbyaˬ hawˇ-eu Neˬkawˇdaˬ-euˬ zaˬ deuˬ uˆ deuˬ pyeuꞈ-awˇ, koꞈ yaˇ oeˬ tseˇ nyiꞈ gʼaˬ byah-eu meh.

⁶³ Baˬbuˇloˬ miˇ kʼahˬ-ahˇ neh gʼoꞈ laˇ-euˬ piˇ ma aˇ jeuˬ aˇ ca deuˬ-aˬ, Haˬbaˬyaˇ, Haˬkawˇzaˬ hawˇ-eu, Baˬziˇlehˇ-euˬ zaˬ deuˬ uˆ deuˬ meh. (Piˇ ma aˇ jeuˬ tiˬ jeuˬ pyeuꞈ-eu Baˬziˇlehˇ aˇ jeuˬ-euˬ aˬ da yaw dzahˇ gʼaˬ-aˬ, Giˇlaˆ miˇ kʼahˬ-ahˇ jawˇ-eu Baˬziˇlehˇ aˇ jeuˬ zaˬ miˬ zaˬ tiˬ gʼaˬ-ahˇ sheuˬ-euˬ miˇ neh, aˬ yawꞈ-euˬ aˬ mawˬ-euˬ aˇ jeuˬ tsawˇ myahˇ kʼoeˇ myahˇ pi ka leꞈ-euˬ meh.)

⁶⁴ Aˬ yawꞈ maꞈ-euˬ aˇ jeuˬ-ahˇ caw tseˇ haw ngeh, yawˬ ha-euˬ tsuiꞈ maˬ gui mehˬ nya-eu miˇ neh, piˇ ma maˬ bi geuꞈ ni byehˇ-euˬ meh.

⁶⁵ Uˇleˬ hawˇ-eu Duˇmeˬ ahˇ-eu piˇ ma tiˬ gʼaˬ maˬ doˆ laˇ kʼoeˇ keuˆ ni, Miˬyehˇ-ahˇ damˬ nehˬ lawˇ nehˬ gʼaˬ-euˬ dzaˬ dzaˬ dawˇ dawˇ-ahˇ aˬ yawꞈ maꞈ maˬ ya dzaˬ-a lehˇ, Yuˇdaˆ miˇ kʼahˬ-ahˇ uˆ lahˇ-eu gʼaˬ aˬ yawꞈ maꞈ-ahˇ ehˇ nehˬ-euˬ meh.

⁶⁶ Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ dawˬ tawˆ luꞈ 42,360 gʼaˬ byah-eu meh.

⁶⁷ Kʼaˬ dzeˇ zaˬ hawˇ-eu zaˬ miˬ zaˬ zaˬ kʼaˆ deuˬ 7,337 gʼaˬ caˇ dawˬ caˇ-eu kʼaˬ dzeˇ zaˬ hawˇ-eu zaˬ miˬ zaˬ deuˬ 245 gʼaˬ

⁶⁸ Mahˬ 376 mawˇ Mahˬ tahˬ laˆ 245 mawˇ

⁶⁹ Law taw 435 mawˇ hawˇ-eu mahˬ liˬ dzeuˆ 6,720 mawˇ meh.

⁷⁰ Uˬ duˬ tahˬ nymˇ nymˇ ma paˇ tsoˆ muiˬ gaˇ bi zmˬ-eu gʼaˇ duˬ tsawˇ haˬ gʼawˬ mya gʼaˬ pyuˇ shuiˇ myawˬ gahˬ damˬ-euˬ meh. Yuˇdaˆ miˇ kʼahˬ-ahˇ uˆ lahˇ-eu gʼaˬ-aˬ, shuiˇ 5 jawꞈ-i, naˬ bo 50 bo hawˇ-eu piˇ ma deuˬ bi dm-eu pehˇ kʼahˬ pehˇ mahˇ 530 kahˇ damˬ-euˬ meh.

⁷¹ Aˇ jeuˬ aˇ ca deuˬ-euˬ aˬ yuiꞈ aˬ tsu deuˬ-aˬ, shuiˇ 100 jawꞈ-i hawˇ-eu pyuˇ 750 jawꞈ-i damˬ-euˬ meh.

⁷² Miˇ kʼahˬ zaˬ deuˬ neh damˬ-euˬ dawˬ tawˆ luꞈ, shuiˇ 100 jawꞈ-i, pyuˇ 680 jawꞈ-i hawˇ-eu, piˇ ma dm-eu pehˇ kʼahˬ pehˇ mahˇ 67 kahˇ damˬ-euˬ meh.

⁷³ Piˇ ma deuˬ, Leˬbiˇ tsawˇ haˬ deuˬ, Uˬ duˬ tahˬ nymˇ nymˇ ma-ahˇ loꞈ-eu deuˬ, caˇ dawˬ caˇ-eu deuˬ, miˇ kʼahˬ zaˬ deuˬ, Uˬ duˬ tahˬ nymˇ nymˇ ma-ahˇ gaˇ mˇ-eu deuˬ hawˇ-eu, Iˇsaˬleˬlaˆ tsawˇ haˬ nui deuˬ dawˬ tawˆ luꞈ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ jawˇ duˬ dah-euˬ meh.