Jaceuq 93 - Akha

Sahˬ paˬ pyeuꞈ-eu Miˬyehˇ

¹ Sahˬpaˬ Miˬyehˇ-aˬ, sahˬ paˬ pyeuꞈ-eu meh. Baoˬ yaw shehꞈ kʼahˬ sehˇ hawˇ-eu gʼaˬ huiˬ-eu jeˬ-ahˇ aˬ yawꞈ dm taˬ-euˬ meh. Miˇ tsaˬ tahˬ kʼawˇ-ahˇ ziꞈ dah ni ciˬ tsaˬ taˬ-awˇ, maˬ luˆ-iˇ nya-a.

² Sahˬpaˬ Miˬyehˇ-oˇ, nawˬ-euˬ nuiˇ mahˬ-aˬ, miˇ tsaˬ tahˬ kʼawˇ maˬ beh mi naˆ ehˇ ziꞈ dah ni jaˆ-awˇ, aˇ yamˬ aˇ law maˬ baw laˇ mi naˆ ehˇ nawˇ dehꞈ luꞈ-eu meh.

³ Sahˬpaˬ Miˬyehˇ-oˇ, naꞈ dui dui-eu iˬ ma laˆ shaˆ teˇ saˇ mahˇ-eu meh. Laˆ shaˆ iˇ cuꞈ teˇ saˇ haˬ haˬ-ehˇ mahˇ-eu meh.

⁴ Sahˬpaˬ Miˬyehˇ mˬ kʼoeˇ taˆ jawˇ-awˇ dawˬ tawˆ kʼoeˇ taˆ huiˬ dzehˬ-eu meh. Iˬ ma laˆ shaˆ teˇ saˇ naˆ maˬ tseˇ huiˬ dzehˬ-awˇ, laˆ shaˆ iˇ luˆ dzeh-eu naˆ maˬ tseˇ baoˬ huiˬ dzehˬ-eu meh.

⁵ Sahˬpaˬ Miˬyehˇ-oˇ, nawˬ-euˬ zahˇ dawˬ kʼoꞈ dawˬ mˬ maˬ maˬ byaˆ zaˇ ziˇ gmˬ-awˇ, nawˬ-euˬ Uˬ duˬ tahˬ nymˇ nymˇ ma mˬ maˬ maˬ byaˆ zaˇ ziˇ ziꞈ-eu meh.