Jaceuq 70 - Akha

Caw ba nehˬ laꞈ lehˇ shaˇ-eu guiˬ lahˬ shaˇ dawˬ (Daˬbiˇ-euˬ caˇ dawˬ)

¹ Miˬyehˇ-oˇ, ngaˬ-ahˇ ka kʼoꞈ nehˬ laꞈ-awˬ. Sahˬpaˬ Miˬyehˇ-oˇ, yaw kawˇ-ehˇ caw ba le-awˬ.

² Ngaˬ-ahˇ sehꞈ-eu lehˇ leh jeh-eu tsawˇ haˬ deuˬ, daˬ ga-awˇ noeˬ zahˬ luꞈ-uˇ. Ngaˇ ya shaˬ ya zahˬ gaˇ laˬ kʼaˬ cehˇ-eu tsawˇ haˬ deuˬ naˇ kʼah zeuˆ pyawˇ-awˇ ya shaꞈ dawˇ luꞈ-uˇ.

³ Ngaˬ-ahˇ cehꞈ lehꞈ ka niˇ gʼa-eu tsawˇ haˬ deuˬ shaꞈ siˬ le luꞈ-uˇ.

⁴ Nawˇ jawˇ gaˇ kʼaˇ laˇ-eu tsawˇ haˬ deuˬ laˬ kʼaˬ cehˇ nui saˇ za luꞈ-uˇ. Nawˇ ka kʼoꞈ nehˬ-euˬ miˇ neh nawˬ-ahˇ guiˬ lahˬ huiˬ-eu tsawˇ haˬ dawˬ tawˆ luꞈ, Sahˬpaˬ Miˬyehˇ aˇ naˆ ni huiˬ-eu mahˇ-eu nga lehˇ, aˬ myah luꞈ ehˇ luꞈ-uˇ.

⁵ Miˬyehˇ-oˇ, ngaˇ gʼaˬ baˬ-awˇ shaˬ dui zahˬ dui dui nya. Ngaˬ-ahˇ yaw kawˇ-ehˇ caw ba le-awˬ. Sahˬpaˬ Miˬyehˇ-oˇ, nawˇ ngaˬ-ahˇ ka kʼoꞈ-eu gʼaˬ meh.