Jaceuq 67 - Akha

Guiˬ lahˬ-ahˇ ja ceuˬ-eu caˇ dawˬ

¹ Miˬyehˇ aˬ dui-ahˇ gʼawˬ shaˬ gaˬ-awˇ, guiˬ lahˬ biꞈ laꞈ luꞈ-uˇ. Aˬ dui kʼoeˇ taˆ myaˆ pyawˬ pyuˇ luꞈ-uˇ.

² Kʼoeˇ baˬ da neh miˇ kʼahˬ dawˬ tawˆ luꞈ nawˬ-euˬ nui kʼahˇ siˬ nya-awˇ, tsawˇ jeuˬ dawˬ tawˆ luꞈ nawˇ ka kʼoꞈ-eu guiˬ lahˬ yaw dzahˇ-ahˇ siˬ nya luꞈ-uˇ.

³ Miˬyehˇ-oˇ, tsawˇ haˬ zaˬ deuˬ nawˬ-ahˇ ja ceuˬ luꞈ-uˇ. Miˇ tsaˬ zaˬ dawˬ tawˆ luꞈ ja ceuˬ luꞈ-uˇ.

⁴ Tsawˇ haˬ zaˬ-ahˇ nawˇ dawˇ coe ni yaˇ kʼaˬ daˇ-awˇ, tsawˇ jeuˬ yawˬ jeuˬ na luꞈ-ahˇ gaˇ ma sheuˬ mehˬ-eu miˇ neh, tsawˇ jeuˬ dawˬ tawˆ luꞈ laˬ kʼaˬ cehˇ-eu caˇ dawˬ caˇ luꞈ-uˇ.

⁵ Miˬyehˇ-oˇ, tsawˇ haˬ zaˬ deuˬ nawˬ-ahˇ ja ceuˬ luꞈ-uˇ.

⁶ Miˇ tsaˬ neh dzaˬ la gʼo cehˇ bi keuˆ le-euˬ meh. Aˬ dui-euˬ Miˬyehˇ pyeuꞈ-eu Miˬyehˇ, aˬ dui-ahˇ guiˬ lahˬ biꞈ laꞈ-euˬ meh.

⁷ Miˬyehˇ aˬ dui-ahˇ guiˬ lahˬ biꞈ laꞈ-euˬ meh. Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ, aˬ yawꞈ-ahˇ taˬ huiˬ taˬ mahˇ luꞈ-uˇ.