Jaceuq 6 - Akha

Guˆ-eu gaˆ-eu jeˬ keuˆ le ngeh shaˇ-eu guiˬ lahˬ shaˇ dawˬ (Daˬbiˇ-euˬ caˇdawˬ)

¹ Sahˬpaˬ Miˬyehˇ-oˇ, nui ma pehˇ-awˇ taˬbyehˇdzeh laꞈ. Nawˇnui ma pehˇ-eu baˬda neh, ngaˬ-ahˇtaˬkʼehˬtaˬkʼaˆnehˬ laꞈ.

² SahˬpaˬMiˬyehˇ-oˇ, gʼaˬ doeˇ doeˇ-awˇ gʼaˬ baˬluꞈnya. Gʼawˬshaˬgaˬ-awˇ gʼaˬbiꞈlahˬlaꞈ. Ngaˬ-ahˇ nui ma cawˆdui dui nya.

³ Ngaˬ-euˬsaꞈlaˇ shaˬzahˬnaꞈ nya. Sahˬpaˬ Miˬyehˇ-oˇ nawˇngaˬ-ahˇ, aˬmyah caw ba le-eu gʼeh te.

⁴ SahˬpaˬMiˬyehˇ ka kʼoꞈ le-awˬ. Nawˇgʼawˬshaˬgaˬ-eu jeˬbaˬda, maˬya shiˇni ka kʼoꞈle-awˬ.

⁵ Shiˇ-eu miˇ kʼahˬkʼoeˇkʼahˬlaꞈkʼoeˇ, nawˬ-ahˇ maˬpaˇnoeˬkeuˆcoeˇ-ehˇ, nawˬ-ahˇ ja ceuˬ-eu maˬjawˇ-a.

⁶ Noeˬshaˬ-awˇ gʼaˬbaˬdui dui nya. Yawˬmiˇnaluꞈ ngoeˇ-eu oꞈ-awˇ, yuꞈzaˇ myaˆbiˇ iˇjeuˬjeuˬnya.

⁷ Ngaˬ-ahˇmuiˇ-eu deuˬbaˬda neh, myaˆnuiˆngoeˇpuˬngoeˇlu jiˇ-awˇ, myaˆmawˇ maˬpaˇshawˇlaˇmiˇ-a.

⁸ Yaw haiˬjeˬmˇ-eu tsawˇhaˬ-oˇ, ngaˇjawˇgaˇneh doˆ-iˇjiˇ-awˬ. Ngaˬneh ngoeˇ-euˬteˇsaˇ heu-ahˇ, SahˬpaˬMiˬyehˇ gaˬgʼaˬ-euˬmeh.

⁹ Ngaˬ-euˬguiˬlahˬshaˇdawˬgaˬ-awˇ, shaˇdawˬ naˇhaˬnehˬlaꞈ-euˬmeh.

¹⁰ Ngaˬ-ahˇkʼaˇmuiˇ-eu deuˬdawˬtawˆ, shaꞈdawˇ-awˇ, daˬya ga tehꞈ-a. Myaˆnuiˆkʼoˆtehˆ tiˬtehˆlaꞈkʼoeˇ, bi teh byoˆjiˇgaˇkeuˆtehꞈ-a.