Jaceuq 5 - Akha

Haw piˇ nehˬ laꞈ lehˇ shaˇ-eu guiˬ lahˬ shaˇ dawˬ

(Daˬbiˇ-euˬ caˇdawˬ)

¹ Sahˬpaˬ Miˬyehˇ-oˇ, ngaˬ-euˬdawˬ-ahˇnaˇhaˬlaꞈ-awˇ, ngaˇ mahˇ-eu teˇsaˇ gaˬnehˬlaꞈ.

² Caw ba nehˬlaꞈlehˇ ngaˇshaˇgaˇ, Ngaˬ-euˬSahˬpaˬpyeuꞈ-eu Miˬyehˇ, Gʼawˬshaˬgaˬ-awˇ naˇhaˬnehˬlaꞈ. Nawˬ-ahˇngaˇguiˬlahˬshaˇ-eu ma.

³ Sahˬpaˬ Miˬyehˇ-oˇ, uˬ shawˬ paw, ngaˬ-euˬ dawˬ-ahˇ nawˇgaˬluꞈmeh. Nahˇma doˆngeh nawˬ-ahˇ lawˇ-awˇ, nawˬ-euˬdawˬ-ahˇ loꞈluꞈ-eu ma.

⁴ Nawˇ-aˬ, yaw lehˬyaw ca mˇgaˇ, haw nahˇ-eu Miˬyehˇmaˬngeuˇ-ehˇ, Nawˬ-euˬmehˬshi yaw haiˬjeˬ-ahˇ, mˇ-eu aˬkawˬ-aˬ nawˇmaˬbiꞈ-a.

⁵ Kʼahˬ sehˇjehˆgaˇ maˬhaw nahˇ-ehˇ, Yaw haiˬdeuˬ-ahˇ nawˇbye-eu meh.,

⁶ Jaˬmyawꞈdeuˬ-ahˇnawˇlaˆcawˆ-awˇ, smˇkʼoeˬtahˇjoe-ahˇbye-eu meh.

⁷ Ehˇkʼawꞈ huiˬdui myaˬdui dui-eu, nawˬ-euˬgʼoeˇ-eu gaˬ-eu baˬda, nawˬ-euˬnymˇ-ahˇngaˇlaˇnya-awˇ, Uˬduˬtahˬnymˇnymˇshawˇlaꞈkʼoeˇ, nawˬ-ahˇyaw zeu baw nehˬlaˇ-awˇ, awˆbyaˆ-awˇ uˬduˬtahˬ-eu ma.

⁸ Sahˬpaˬ Miˬyehˇ-oˇ, Muiˇ-eu tsawˇhaˬmyaˬdui dui nya. nawˬ-euˬnui noeˬmˇnya laˇni, nawˇngaˬ-ahˇsheuˬgʼeh nehˬlaꞈ-awˬ. Nawˬ-euˬ gaˇma ngaˇcah nya ni, dawˇcoe ni shaˇdahˇnehˬlaꞈ-awˬ.

⁹ Ngaˬ-ahˇmuiˇ-eu deuˬ-euˬdawˬ-ahˇ, ngaˇtiˬpawꞈ-iˬ maˬjah coeˇnya. Bi cawˆ-iˇ-eu jeˬ-ahˇ tehꞈ-ehˇ, aˬyawꞈmaꞈ nui ma ahˇ-eu meh. Yawꞈmaꞈ-euˬdawˬnaˇhaˬmuiˬ-awˇ, jah leˇ paˬ-ehˇ gʼeh dui dui kʼawꞈ, guˆdui dui laˇpaˬ-ehˇgʼeh-eu, mehˇshuiˇshuiˇ-eu jeˬpyeuꞈ-eu meh.

¹⁰ Miˬyehˇ-oˇ nawˇaˬyawꞈmaꞈ-ahˇ, yaw kʼaˆ-ehˇ kʼehˬnehˬkʼaˆnehˬ-awˬ. Aˬyawꞈmaꞈ-euˬnui gʼoꞈkʼoeˇneh, aˬyawꞈmaꞈ-ahˇ bi laˆcawˆ-awˬ. Aˬ yawꞈ maꞈ iˬ baˇ mˇ myaˬ-awˇ, nawˬ-ahˇpuiˬ-euˬ kʼoeˇbaˬda neh, nawˬ-euˬmehˬshi teh dzeh nehˬ-awˬ.

¹¹ Ehˇkʼawꞈ, nawˬ-euˬlaꞈkʼoeˇjaˆ-eu, nui saˇoꞈ-eu jeˬ mawˇ-euˬ deuˬ, aˬmyah caˇ-awˇja ceuˬtehꞈ-a. Nawˬ-ahˇgaˬ-eu tsawˇhaˬdeuˬ-ahˇ gʼawˬshaˬgaˬ-awˇ haw piˇ nehˬ-awˬ. Maˇmaˇni laˬkʼaˬcehˇ-eu jeˬ, Nawˇbaˬda neh yawꞈmaꞈza meh.

¹² SahˬpaˬMiˬyehˇ, nawˬ-euˬehˇdawˬ, naˇhaˬgeuꞈ-eu tsawˇhaˬdeuˬ-ahˇ, nawˇguiˬlahˬshehˬnehˬlawˇnehˬ-awˬ. Nawˬ-euˬgʼoeˇ-eu gaˬ-eu jeˬ-aˬ, guiˇdeuˆ-eu dehˬdaˬduˬloꞈ-ehˇ, yawꞈmaꞈ-ahˇ loꞈpiˇnehˬ-eu meh.