Jaceuq 44 - Akha

Haw piˇnehˬlaꞈlehˇshaˇ-eu guiˬlahˬshaˇdawˬ

(Kawˇlaˆ-euˬaˬli deuˬ-euˬ caˇdawˬ)

¹ Miˬyehˇ-oˇ, aˇhu-euˬziˇ-ahˇ, nawˬneh mˇ-euˬhuiˬ-eu gaˇdeuˬ, poeˬpiˬja mehˬlaꞈ-euˬloꞈ-ehˇ, nga maꞈ naˬbawˇya gaˬ-euˬma.

² Aˬcawˬtsawˇjeuˬtsawˇca deuˬ-ahˇ, nawˬ-euˬaˬlaꞈneh teh dzeh-awˇ, nga maꞈ-euˬpoeˬpiˬkʼoeˇdeuˬ-ahˇ, kʼoeˇgaˇjawˇduˬbi dah-euˬmeh. Tsawˇjeuˬkʼoeˇdeuˬ-ahˇnawˇkʼehˬ-awˇ, poeˬpiˬdeuˬbi dehꞈdzaˬ-euˬmeh.

³ Nawˬ-euˬtsawˇjeuˬmi cehˇyuˇ-awˇ, miˇkʼahˬdeuˆza-euˬmaˬngeuˇ-a. Aˬyawꞈmaꞈlaꞈdu cawˬdoˆ-awˇ, guiˇdeuˆgʼaˬ-euˬjeˬmaˬngeuˇ-a. Yawꞈmaꞈ-ahˇnawˇgaˬ-eu miˇneh, nawˬ-euˬmyaˆpyawˬyaw shehꞈhawˇ-eu, nawˬ-euˬaˇmaˇlaꞈ-ahˇgʼoe-awˇ, bi gʼaˬleˇ-euˬjeˬpyeuꞈ-eu meh.

⁴ Ngaˬ-euˬsahˬpaˬpyeuꞈ-eu gʼaˬ-oˇ, ngaˬ-euˬMiˬyehˇpyeuꞈ-eu gʼaˬ-oˇ, Yaˬkoˆ-euˬzaˬdeuˬuˆdeuˬ-ahˇ, gʼaˬleˇ-eu jeˬnawˇbiꞈ-euˬmeh.

⁵ Nawˬ-ahˇnga maꞈgʼoe-eu laꞈkʼoeˇ, muiˇ-eu deuˬ-ahˇteh kʼoꞈgʼeh-awˇ, nawˬ-euˬtsawˇmyahˇ-ahˇgʼoe gʼoe-ehˇ, aˬyawꞈmaꞈ-ahˇnawˬpahˬ-euˬma.

⁶ Ngaˬ-euˬkaˆ-ahˇnui ma maˬhuiˬ. Ngaˬ-euˬmi cehˇuˬkʼawˇmaˬpiˇ.

⁷ Ehˇkʼawꞈmuiˇ-eu deuˬdaˬga ni, nga maꞈguiˇdeuˆgʼaˬ-euˬkʼoeˇ-aˬ, nawˬneh bi gʼaˬleˇlaꞈ-euˬmeh.

⁸ Uˬtaꞈnah lah nawˬ-ahˇceuˬma. mˬmaˬmaˬbyaˆguiˬlahˬhuiˬma.

⁹ Ehˇkʼawꞈnymˬ-mˇnawˇnga maꞈ-ahˇ, byehˇdzeh-awˇbi shaˬ-eu laꞈkʼoeˇ, aˬcawˬneh bi gʼaˬleˇ-euˬmeh. Guiˇmaꞈdeh uiˬ-awˇdoˆ-iˇngeh, nga maꞈnehˬ-ehˇnawˇmaˬjawˇ-a.

¹⁰ Muiˇ-eu deuˬ-euˬguiˇmaꞈmehˬshi, nawˇnga maꞈ-ahˇbi cehˆbyaˆ-awˇ, myawˬgahˬbi yuˇgeuꞈjiˇ-euˬmeh.

¹¹ Yawˇzaˬdiˬsehꞈdzaˬ-eu loꞈ-ehˇ, ngaˬmaꞈ-ahˇbi sehꞈdzeh laꞈ-awˇ, aˬcawˬtsawˇjeuˬmiˇkʼahˬdoe ni, teh byaˆ-awˇbi shaˬlaꞈ-euˬmeh.

¹² Maˬpoeˬmaˬlawˬ-eu mˇmyawˬdeuˬ, yaˇkʼeu ni ahˬdzeh-eu loꞈ-ehˇ, nawˬ-euˬtsawˇhaˬnawˇahˬ-euˬmeh.

¹³ Aˬcawˬneh bi naˬgʼa-eu lehˇ, nawˇnga maꞈ-ahˇmˇlaꞈ-euˬmeh. dawˬpeh jawˇ-eu deuˬuiˇuiˇ-ehˇ, nga maꞈ-ahˇehˇniˇgʼa-eu meh.

¹⁴ Aˬcawˬtsawˇjeuˬja bu laˇni, nawˇnga maꞈ-ahˇmˇlaꞈ-euˬmeh. Nga maꞈ-ahˇcehꞈlehꞈka ka-ehˇ, uˬduˬjuiꞈhaw nehˬlaꞈ-eu meh.

¹⁵ Nah ga-ehˇshaꞈdawˇ-eu miˇneh, myaˆpyawˬciꞈzaꞈ-awˇshaˬ-eu ma.

¹⁶ Ngaˬ-ahˇbye-eu muiˇ-eu kʼoeˇdeuˬ, cehꞈlehꞈka gaˇ maˬgaˬcoeˇnya.

¹⁷ Nawˬ-ahˇnga maꞈ maˬbyehˇdzeh-ehˇ, dawˬma saˇjaˇmaˬpuiˬ-euˬkʼawꞈ, heu loꞈ-ehˇya daˬluꞈ-eu ma.

¹⁸ Nga maꞈnui ma maˬciˬpyawˇ-aˬ. Nawˬ-euˬgaˇma-ahˇbahˬ-iˇni, kuiˇtoꞈciˬlehˬ-euˬkʼawꞈmaˬjaˆ.

¹⁹ Ehˇkʼawꞈhaiˬ-eu kʼaˬyehˇtsahˬ-ahˇ, nga maꞈ-ahˇ nawˇ bi shaˬ laꞈ-awˇ, yaw zahˇtsahˇlahˇnehˬlaꞈ-euˬmeh.

²⁰ Miˬyehˇ-euˬtsawˇmyahˇ-ahˇngehˇ-awˇ, boeˇmiˬsiˬkʼaˬ-euˬmiˬyehˇ-ahˇ, uˬduˬtahˬ-euˬjaˆlawˬnaˇkʼawꞈ,

²¹ Miˬyehˇmaˬsiˬ-ehˇjawˇnmˇloˇ. Nui noeˬnoeˬkʼoeˬ-euˬgaˇkeuˆni, aˬyawꞈsiˬjiˇmawˇjiˇluꞈmeh.

²² Ehˇkʼawꞈ,nawˬ-euˬbaˬda baˇneh, nga maꞈshiˇnawˆnawˆluꞈ-eu ma. Bi sehꞈdzaˬ-euˬyawˇdeuˬloꞈ-ehˇ, nga maꞈ-ahˇjahˇnehˬlaꞈ-euˬmeh.

²³ SahˬpaˬMiˬyehˇ-oˇ, Tuˇ-awˬ. Aˬjeˬmiˇneh nawˇyuꞈluꞈte. Mˬmaˬmaˬbyaˆzaˇziˇjiˇni, nga maꞈ-ahˇtaˬbyehˇdzeh nehˬlaꞈ.

²⁴ Nawˬ-euˬmyaˆpyawˬciˬzaꞈtaˬ-awˇ, nga maꞈshaˬgaˇtaˬngehˇnehˬlaꞈ.

²⁵ Nga maꞈmiˇtsa bi nawˬpahˬ-awˇ, kʼaˬlehˇtsahˬ-ahˇ ga luꞈ-eu ma.

²⁶ Nga maꞈ-ahˇ nawˇcaw ba le-awˬ. Aˬmyah luꞈmaˬtsehˆleˇnya-eu, nawˬ-euˬgʼoeˇ-eu gaˬ-eu jeˬneh, nga maꞈ-ahˇka kʼoꞈnehˬlaꞈ-awˬ.