Jaceuq 42 - Akha

Aˬcawˬmiˇkʼahˬ-ahˇ bi nyehꞈgʼeh-euˬ tsawˇhaˬtiˬgʼaˬ-euˬ guiˬlahˬshaˇdawˬ (Kawˇlaˆ-euˬ aˬli deuˬ-euˬ caˇdawˬ)

JA CEUˬ-EU SAHˬ BOꞈ NYIˬ TAꞈ TIˬ TAꞈ

¹ Coꞈngehˇni gʼeh-eu lawˇgawˆ-ahˇ, kʼaˬtsehˆ nui kʼahˇjaˆ-eu loꞈ-ehˇ, Miˬyehˇnawˬ-ahˇngaˬ-euˬsaꞈlaˇ, aˬmyah luꞈnui kʼahˇjaˆ-eu ma.

² Iˇcuꞈmehꞈdui dui-eu loꞈ-ehˇ, dehꞈluꞈ-eu ngaˬ-euˬMiˬyehˇ-ahˇ, ngaˬ-euˬsaꞈlaˇmehꞈluꞈ-eu ma. Nawˬ-euˬmehˬshi ngaˇle keuˆ-awˇ, aˬmyah uˬduˬya tahˬleˇnmˇ.

³ muiˇ-eu deuˬngaˇjawˇgaˇoe-awˇ, “Nawˬ-euˬMiˬyehˇaˬgaˇjawˇta”, maˬtsehˆleˇni naˇhaˬlaˇngeh, uˬciꞈnah gʼahˇmaˬtsehˆleˇni, myaˆbiˇngaˬ-euˬdzaˇgeuꞈ-euˬma.

⁴ Miˬyehˇ-euˬUˬduˬtahˬnymˇ-ahˇ, tsawˇhaˬaˇmaꞈsheuˬawˇle-awˇ, laˬkʼaˬcehˇ-awˇguˇ-eu laꞈkʼoeˇ, Miˬyehˇguiˬlahˬ-ahˇja ceuˬ-euˬ, gaˇkawˆkʼoeˇdeuˬnoeˬmawˇlaˇngeh, ngaˬ-euˬnui ma tsawˬpaˆ-iˇnya.

⁵ Aˬjeˬmiˇneh ngaˬnui ma nawˇ, teu naˆnaˆ-ehˇshaˬzahˬmˇte. Miˬyehˇ-ahˇnoeˬtmˬ-eu taˬbyehˇ. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

^6-7 Aˬcawˬmiˇkʼahˬ-ahˇya jawˇ-eu, nui ma cawˆdui dui-eu miˇneh, Miˬyehˇ-ahˇshaˇnoeˬluꞈ-eu ma. Ngaˬ-euˬsaꞈlaˇshaˬzahˬnaꞈni, aˬyawꞈneh bi keuˆle-euˬmeh. Heˬlaˬmoˬgawˬjawˬkʼoeˇtaˆneh, Miˇzaˬ gawˬjawˬyaw goˇ-ahˇ neh, yoeˇka leꞈ-euˬiˇcuꞈkʼoeˇdeuˬ, Yawˇdaˬiˇcuˬlawˇbaˬkʼoeˇtaˆ, tsawˬga ga ahˇleꞈ-eu loꞈ-ehˇ, nui ma-ahˇlaˆsuˬsaˬ-eu jeˬ, ngaˬ-euˬkʼoeˇtaˆkeuˆle luꞈmeh.

⁸ Uˬciꞈpaw ngaˇcaˇdawˬcaˇ-awˇ, ngaˬ-ahˇbi dehꞈ-eu gʼaˬpyeuꞈ-eu, Miˬyehˇ-ahˇguiˬlahˬshaˇnya ni, tiˬjawˇ-iˬmaˬtsehˆleˇnya-eu, SahˬpaˬMiˬyehˇ-euˬgaˬ-eu jeˬ, nah gʼahˇpaw mehˬnehˬlaꞈluꞈ-uˇ.

⁹ Ngaˬ-euˬgʼoe duˬlo guˇpyeuꞈ-eu, ngaˬ-ahˇhaw piˇ-eu Miˬyehˇ-ahˇ, ngaˇheu loꞈ-ehˇ ehˇnehˬ-eu ma. “Aˬjeˬmiˇneh ngaˬ-ahˇngehˇte. Muiˇ-eu deuˬngaˬ-ahˇzuiˆlaˇgaˇ, aˬjeˬmiˇneh bi daˬlaꞈte.

¹⁰ Nah ga-ehˇnaˬgʼa-awˇehˇ-eu, “Nawˬ-euˬMiˬyehˇaˬgaˇjawˇta.” Aˬyawꞈmaꞈcehꞈlehꞈka-eu kʼoeˇ, yoeˬtsuiꞈyoeˬlaꞈ-ahˇcoeˬlaˇnya.

¹¹ Aˬjeˬmiˇneh shaˬzahˬnaꞈ-awˇ, nui noeˬshaˬ-eu maˬjiˇnya ta. Miˬyehˇ-ahˇngaˇ noeˬtmˬ-eu ma. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.