Jaceuq 41 - Akha

Naˇ-eu tsawˇhaˬ-euˬ guiˬlahˬshaˇdawˬ

(Daˬbiˇ-euˬ caˇdawˬ)

¹ Yaw shaˬzaˬ-ahˇngehˬgʼeh-eu deuˬ, guiˬlahˬhuiˬ-eu tsawˇhaˬdeuˬmeh. Yawꞈmaꞈshaˬle zahˬle ngeh jawˇ, SahˬpaˬMiˬyehˇcaw ba tehꞈ-a.

² Yawꞈmaꞈyaw dehꞈdehꞈ-eu jeˬ-ahˇ, SahˬpaˬMiˬyehˇhaw piˇtehꞈ-a. Miˇkʼahˬheu kʼahˬlaꞈkʼoeˇdehꞈngeh, SahˬpaˬMiˬyehˇguiˬlahˬbiꞈ-awˇ, muiˇ-eu deuˬ-euˬ aˬlaꞈlaꞈkʼoeˇ, maˬbi keuˆleˇni haw tehꞈ-a.

³ Yuꞈzaˇkʼoeˇtaˆ naˇ-awˇga ngeh, SahˬpaˬMiˬyehˇngehˬgʼeh nehˬ-awˇ, jawˇsaˇpaˇbi doˆlaˇtehꞈ-a.

⁴ SahˬpaˬMiˬyehˇ-ahˇngaˇehˇ-eu, “Nawˬ-ahˇngaˇmˇbahˬgʼaˬ-euˬma. Ngaˬ-ahˇgʼawˬshaˬgaˬnehˬlaꞈ-awˇ, Ngaˬ-euˬnaˇgawˇlaˆtaˬnehˬlaꞈ.”

⁵ Muiˇ-eu deuˬdawˬdoeˇngehˬlaˇ-awˇ, ngaˇshiˇbyoˆgaˇmawˇmawꞈ-eu meh.

⁶ Ngaˇjawˇgaˇkʼaˇlaˇ-eu tsawˇhaˬ, nui ma tiˬpawꞈ-iˬmaˬdawˇ-ehˇ, ngaˬ-euˬyaw doeˇpoˆuiˬjiˇ-awˇ, kʼahˬ-ahˇdeh-ahˇtahˇkʼawˬ-eu meh.

⁷ Ngaˬ-ahˇkʼaˇbye-eu tsawˇhaˬdeuˬ, ciˬcuˇni dawˬsaˆsaˆkʼoeˬ-awˇ, ngaˬ-ahˇnoeˬdoeˇdui dui-eu meh.

⁸ “Uˬkʼawˇdeuˬ-eu naˇgawˇbaˬda, maˬpaˇdehꞈtuˇlaˇnya meh” lehˇ, aˬyawꞈmaꞈja cawˬluꞈ-eu meh.

⁹ Ngaˬnehˬ-ehˇdzaˬtaꞈdawˇtaꞈ-euˬ, gʼoeˇdui dui-eu cawˬ-ahˇkeuˆni, ngaˬ-ahˇjahˇgʼeh haw luꞈ-eu meh.

¹⁰ EhˇkʼawꞈSahˬpaˬMiˬyehˇnawˇ-aˬ, ngaˬ-ahˇgʼawˬshaˬgaˬnehˬlaꞈ-awˇ, muiˇ-eu deuˬ-ahˇjahˇkʼoꞈnya ni, ngaˬ-ahˇjawˇsaˇbi doˆlaˇ-awˬ.

¹¹ Muiˇ-eu deuˬsmˬ-iˇ-euˬmiˇneh, nawˇngaˬ-ahˇgʼawˬshaˬgaˬmeh lehˇ, ngaˇsiˬduˬjah duˬtaˬ-euˬma.

¹² Ngaˇyaw muiˬjeˬmˇ-eu miˇneh, nawˇngaˬ-ahˇcaw ba le tehꞈ-a. mˬmaˬmaˬbyaˆzaˇziˇngaˬ-ahˇ, nawˬ-euˬmehˬshi bi jawˇlaꞈ-awˬ.

¹³ IˇsaˬleˬlaˆMiˬyehˇpyeuꞈ-eu, SahˬpaˬMiˬyehˇ-ahˇja ceuˬ-awˬ. Mˬmaˬmaˬbyaˆzaˇziˇjiˇni, aˬyawꞈ-ahˇciˬhuiˬciˬmahˇ-awˬ.