Jaceuq 39 - Akha

Shaˬ zahˬnaꞈ-eu gʼaˬ yawˬha-euˬ iˬbaˇ ehˇdoˆ-eu

(Daˬbiˇ-euˬ caˇdawˬ)

¹ Ngaˇ heu loꞈ-ehˇ ehˇ-euˬ ma. “Mehˬlaˇ iˬbaˇmaˬya mˇni, yahˇ-eu laꞈkʼoeˇyaw dehꞈdehꞈma. Muiˇ-eu deuˬjawˇluꞈ-eu mehˬshi, dawˬmaˬngehˬdoˆni dzahˬtehˬma.

² Muiˬmuiˬdoeˇdoeˇdawˬmaˬtmˇni, aˬdzawˬloꞈ-ehˇciˬcuˇjawˇkʼawꞈ, ngaˬ-euˬshaˬzahˬnaꞈdzehˬlaˇ-awˇ,

³ nui ma laꞈkʼoeˇ lahˇdui dui nya. Nui noeˬmyaˬ-eu lahˇdzehˬlaˇ-awˇ, maˬdaˬcoeˇ-ehˇdawˬngehˬ-eu ma.

⁴ “SahˬpaˬMiˬyehˇehˇnehˬlaꞈsheˇ. ngaˬ-euˬziˇlaw aˇmah ahˇ-awˇ, ngaˬ-euˬaˇnah aˇmyaˆjaˆ-awˇ, aˬmyah jiˇle ta lehˇehˇsheˇ.”

⁵ Nawˬneh bi dehꞈlaꞈ-euˬaˇyamˬ, laꞈzaˬtiˬdaˬbyah-eu tehꞈmeh. Ngaˬ-euˬziˇheu nawˬ-euˬmehˬshi, tiˬpawꞈ-iˬ ehˇnyaꞈmaˬnyeuˆ-a. Tsawˇhaˬzaˬdehꞈ-eu aˇyamˬ-aˬ, saꞈgʼawˇka-eu myah ni gmˬ-awˇ,

⁶ naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.

⁷ “SahˬpaˬMiˬyehˇ-oˇ, ngaˇ aˬjeˬ noeˬtmˬkʼaˇza ta. Nawˬ-ahˇnoeˬtmˬluꞈ-eu tehꞈma.

⁸ Myaˬdui dui-eu iˬbaˇlaꞈkʼoeˇ, ngaˬ-ahˇnawˇka kʼoꞈdoˆnehˬlaꞈ. Aˬdzawˬaˇgah deuˬuiˬle-awˇ, naˬgʼa laˇgaˇtaˬbi daˬlaꞈ.

⁹ Ngaˬ-euˬshaˬzahˬnaꞈ-eu heu-aˬ, nawˬneh jahˇnehˬlaꞈ-euˬmiˇneh, dawˬmaˬngehˬni ciˬcuˇjawˇma.

¹⁰ Nawˇngaˬ-ahˇtaˬpaˇkʼehˬnehˬlaꞈ. Nawˬ-euˬaˬlaꞈzuiˆ-eu miˇneh, shiˇtaw tehˬni deuˬlaˇ-eu nya.

¹¹ Tsawˇhaˬti gʼaˬiˬbaˇmˇgaˇ, nawˇnui ma pehˇ-awˇkʼehˬnehˬngeh, aˬyawꞈ gaˬdui dui-eu jeˬ-ahˇ, boeˬcoeˇcoeˇbyoˆnehˬgaˇduˇmeh. Tsawˇhaˬzaˬyaw dehꞈdehꞈ-eu-aˬ, saꞈgʼawˇka-eu myah ni tehꞈmeh.

¹² SahˬpaˬMiˬyehˇ shaˇdawˬgaˬ-awˇ, guˇ-eu teˇsaˇnaˇhaˬnehˬlaꞈ. Ngaˇmyaˆbiˇlaꞈkʼawˆkʼawˆluꞈngeh, maˬhaw cawˬni taˬjawˇnehˬlaꞈ. Ngaˬ-euˬ aˬpoeˬkʼoeˇdeuˬloꞈ-ehˇ, ngaˇkʼawꞈdaˬyah tiˬ gʼaˬpyeuꞈ-awˇ, tiˬkʼehˇlaˇkʼehˬnaˬ-eu tehꞈma.

¹³ Tiˬjawˇ-iˬ maˬpaˇgʼoꞈlaˇ ni, ngaˇmaˬya iˇbyoˆ-euˬnmˇkaˬ, laˬkʼaˬcehˇ-eu tiˬkʼehˬ oꞈ ni, nawˇmaˬhaw tsoˆni bi dehꞈlaꞈ.