Jaceuq 38 - Akha

Shaˬzahˬnaꞈ-eu gʼaˬ-euˬ guiˬlahˬshaˇdawˬ

(Daˬbiˇ-euˬ caˇdawˬ)

¹ SahˬpaˬMiˬyehˇnui ma pehˇ-awˇ, ngaˬ-ahˇtaˬkʼehˬtaˬkʼaˆnehˬlaꞈ. Nawˬ-euˬnui ma pehˇ-eu jeˬneh, nawˇngaˬ-ahˇtaˬlawˬhaw nehˬlaꞈ.

² Nawˬ-euˬkaˆmyaˬbeuˆcoˆlaꞈ-awˇ, naw-euˬaˬlaꞈneh zuiˆ-euˬnya.

³ Nawˇnui ma pehˇ-eu baˬda neh, geuꞈ-eu jeˬmaˬpaˇahˇmiˇ-a. Ngaˬneh mˇ-euˬ iˬbaˇbaˬda, yoeˬtsuiꞈyoeˬlaꞈgawˇdui dui nya.

⁴ iˬbaˇmyaˬ-eu uˬduˬpymˬ-awˇ, maˬdaˬcoeˇni kah dui dui nya.

⁵ Aˬdzawˬaˇgah gah-euˬ miˇneh, ngaˬ-euˬmaˇnaˇmaˇbyahˇbyahˇnya.

⁶ Naˇgawˇdzahˬ-eu maˬtuˇcoeˇ-ehˇ, uˬbya uˬciˬ ya ngoeˇciꞈnya.

⁷ Joꞈ-ahˇyaw piˇyaw lahˇlahˇ-awˇ, mawˇdo naˇ-eu maˬkamˬcoeˇnya.

⁸ Maˬluˆmaˬlaˆnya ni ga-awˇ, nui ma -ahˇceh laˇ-eu miˇneh, maˬguˇ-ehˇmaˬdzahˬtehˬcoeˇnya.

⁹ Ngaˇnui kʼahˇjaˆluꞈ-eu jeˬ-ahˇ, SahˬpaˬMiˬyehˇnawˇsiˬnya meh. Shaˬzahˬmˇ-awˇmahˇ-eu teˇsaˇ, nawˬ-euˬnaˬbawˇya gaˬluꞈmeh.

¹⁰ Nui ma cehˇtahˬtahˬdui dui-awˇ, gʼaˬtiˬpawꞈ-iˬmaˬpaˇahˇ-ehˇ, myaˆmawˇmaˬpaˇshawˇlaˇmiˇ-a.

¹¹ Maˇcuˬmaˇlu lu-eu miˇneh, cawˬyaw gʼoeˇdeuˬmaˬlaˇpeuˬ-ehˇ, ngaˬ-euˬnymˇkʼahˬzaˬ-ahˇkeuˆni, dawˬpeh maˬlaˇni yahˇ-eu meh.

¹² Ngaˬ-ahˇsehꞈmawꞈ-eu tsawˇhaˬdeuˬ, ngaˬ-euˬmehˬshi lahˇju kʼmˇ-awˇ, ngaˬ-ahˇcoeˬmawꞈciˆmawꞈ-eu deuˬ, dawˬkʼaˆngehˬ-awˇlmˬ-eu laꞈkʼoeˇ, ngaˬ-ahˇlaˆshaˬ-eu lehˇjawˬ-eu, jawˇnaˬmˇ-eu maˬdah-iˬ-a.

¹³ Ngaˇ-aˬ, naˬbawˇmaˬgaˬnya-eu, naˬbawˬtiˬgʼaˬ-ahˇduˇleˇ-awˇ, kʼaˬmeh dawˬmaˬngeh doˆnya-eu, aˬdzawˬtiˬgʼaˬ-ahˇduˇ-eu ma.

¹⁴ Naˬbawˇmaˬgaˬnya-eu miˇneh, dawˬpoˆmaˬpoˆnya gaˇduˇma.

¹⁵ EhˇkʼawꞈSahˬpaˬMiˬyehˇ-oˇ, ngaˬ-euˬMiˬyehˇpyeuꞈ-eu nawˇ-aˬ, ngaˬ-ahˇngehˬcawˬkʼoꞈle meh lehˇ, ngaˇnoeˬtmˬ-awˇdawˬluꞈ-eu ma.

¹⁶ Ngaˇsahˬtiꞈtiꞈ-awˇcoˬ-iˇngeh, kʼahˬsehˇjehˆhaw le-eu kʼoeˇdeuˬ, ngaˇshaˬluꞈgaˇtaˬbi uiˇlaꞈ.

¹⁷ Naˇgawˇdzahˬ-eu maˬgʼaˬleˇ-ehˇ miˇtsa coˬ dzeh shaw-iˬmiˇ-a.

¹⁸ Ngaˬ-euˬ iˬbaˇ ehˇdoˆ-eu ma. Iˬbaˇshaˬzahˬmaˬmˇcoeˇnya.

¹⁹ Ngaˇmaˬlehˬgaˇngaˬ-ahˇshahˇ-eu, muiˇ-eu deuˬgʼaˬkʼaˆdui dui-awˇ, ngaˇmaˬbahˬgaˇnoeˬdoeˇlaꞈ-eu, bye-eu tsawˇhaˬmyaˬdui dui meh.

²⁰ Ngaˇyaw muiˬjeˬmˇ-eu miˇneh, yaw muiˬ-ahˇyaw doeˇtsoeˬ-eu deuˬ, ngaˬ-ahˇmuiˇ-eu deuˬpyeuꞈ-eu meh.

²¹ SahˬpaˬMiˬyehˇ-oˇ, ngaˬ-ahˇbyehˇ-awˇtaˬbi shaˬlaꞈ. Ngaˬ-euˬ Miˬyehˇ-oˇ, ngaˬ-ahˇgaˇmahˇ taˬiˇkaˬlaꞈ.

²² Ngaˬ-ahˇka kʼoꞈ-eu gʼaˬpyeuꞈ-eu, ngaˬ-euˬSahˬpaˬMiˬyehˇ-oˇnawˇ, yaw kawˇ-ehˇka kʼoꞈle nehˬlaꞈ.