Jaceuq 34 - Akha

Daˬbiˇ uˬ-iˇ-euˬgeuꞈ-awˇ Aˬbiˇmaˬlehˆ mehˬshi ya doˆ-iˇ-euˬ gaˇ noeˬkeuˆ-eu caˇdawˬ

(Daˬbiˇ-euˬ caˇdawˬ)

¹ SahˬpaˬMiˬyehˇ-euˬguiˬlahˬ-ahˇ, aˬmyah luꞈmaˬbi tsehˆleˇni, ngaˬ-euˬkʼaˬmeh ja ceuˬ-eu ma.

² SahˬpaˬMiˬyehˇmˇ-euˬgaˇ-ahˇ, ngaˬ-euˬsaꞈlaˇ kʼahˬsehˇjehˆgaˇ, aˬcawˬbi kʼehˬbi kʼaˆ-euˬdeuˬ, ya gaˬ-awˇ laˬkʼaˬcehˇluꞈ-uˇ.

³ SahˬpaˬMiˬyehˇ-euˬtsawˇmyahˇ-ahˇ, tiˬkawˆloꞈ-ehˇciˬhuiˬnehˬ-awˇ, tiˬkawˆloꞈ-ehˇja ceuˬkaˇ-euˇ.

⁴ SahˬpaˬMiˬyehˇ-ahˇngaˇpoˆngeh, aˬyawꞈngaˬ-ahˇoˬtoˬlaꞈ-awˇ, guˆ-eu jeˬdawˬtawˆluꞈlaꞈkʼoeˇ, ngaˬ-ahˇka kʼoꞈnehˬlaꞈ-euˬmeh.

⁵ Shaˬzaˬzahˬzaˬyawꞈ-ahˇhaw ngeh, myaˆpyawˬbya cehˆni bya laˇ-awˇ, tiˬjawˇ-iˬmaˬya shaꞈdawˇ-a.

⁶ Iˇshaˬzaˬdeuˬkuˇ-eu teˇsaˇ, SahˬpaˬMiˬyehˇnaˇhaˬnehˬ-awˇ, shaˬzahˬlaꞈkʼoeˇka kʼoꞈ-eu meh.

⁷ Yawꞈ-ahˇzeu-eu deuˬ-euˬtiˬjawˬ, mˬtaˆgʼaˬkʼehˇloꞈpiˇle-awˇ, guˆgaˆlaꞈkʼoeˇka kʼoꞈ-eu meh.

⁸ SahˬpaˬMiˬyehˇmuiˬdui dui-eu, yaw muiˬpaˬ-ehˇpyehˆtseˇduˬ-awˬ. Aˬyawꞈ-ahˇtahˬshaˇleˇ-eu deuˬ, laˬkʼaˬcehˇ-eu jeˬ oꞈ-eu meh.

⁹ Yawꞈ-euˬtsawˇmuiˬtsawˇjaˬdeuˬ-oˇ, SahˬpaˬMiˬyehˇ-ahˇ zeu baw-awˬ. Yawꞈ-ahˇkʼaˇzeu-eu tsawˇhaˬdeuˬ, kʼaˇloˬ-eu jeˬ byah kʼaˇtehꞈ-a.

¹⁰ Aˇlaˬjaˬshiˇmehꞈgaˇkeuˆkʼawꞈ, SahˬpaˬMiˬyehˇ-ahˇpoˆ-eu deuˬ, yaw muiˬtiˬjeˬ-iˬ maˬju-a.

¹¹ Zaˬguˬdeuˬngaˇjawˇgaˇlaˇ-awˇ, ngaˬ-euˬdawˬ-ahˇnaˇhaˬlaˇsheˇ. SahˬpaˬMiˬyehˇ-ahˇzeu-eu jeˬ, naw maꞈ-ahˇngaˇmehˬduˬnehˬnyaˇ.

¹² Yaw dehꞈdehꞈ-eu nui kʼahˇshiˇ-awˇ, ziˇbaw ziˇza dehꞈziˇshehˇ-awˇ, laˬkʼaˬcehˇ-eu jeˬmawꞈte loˇ.

¹³ Mehˬlaˇyaw doeˇngehˬ-eu yahˇ-awˇ, mehˬluˬjaˬmyawꞈmyawꞈ-eu yahˇ-awˬ.

¹⁴ Yaw haiˬbyehˇ-awˇyaw muiˬmˇ-awˬ. Tsaˬleˇdzoeˇleˇ-eu jeˬ poˆ-awˬ.

¹⁵ Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇhaw piˇluꞈ-awˇ, aˬyawꞈmaꞈguˇ-eu teˇsaˇ-ahˇ, aˬyawꞈnaˬbawˇciˬkʼmˇ-eu meh.

¹⁶ Yaw haiˬmˇ-eu tsawˇhaˬdeuˬ-ahˇ, SahˬpaˬMiˬyehˇmaˬhaw cawˬ-ehˇ, yawꞈmaꞈshiˇngeh miˇtsaˬtahˬkʼawˇ, yawꞈmaꞈ-ahˇngehˇtsehˆtsehˆ-eu meh.

¹⁷ Tsawˇmuiˬdeuˬguˇ-eu teˇsaˇ-ahˇ, SahˬpaˬMiˬyehˇnaˇhaˬnehˬ-awˇ, shaˬzahˬdzeuˇni ka kʼoꞈ-eu meh.

¹⁸ Nui ma tsawˬpaˆ-euˬdeuˬdawˬpeh, SahˬpaˬMiˬyehˇjawˇluꞈ-eu meh. Nui ma cawˆ-eu tsawˇhaˬdeuˬ-ahˇ, aˬyawꞈka kʼoꞈdoˆnehˬ-eu meh.

¹⁹ Tsawˇmuiˬshaˬzahˬaˇmyaˆmyaˬkʼawꞈ, shaˬzahˬdawˬtawˆluꞈ-ahˇdzeuˇni, SahˬpaˬMiˬyehˇka kʼoꞈ-eu meh.

²⁰ Shaˬyoeˬtiˬkahˬmaˬbi kʼehꞈni, aˬyawꞈtiˬli haw piˇ-eu meh.

²¹ Maˬmuiˬmaˬjaˬ-eu tsawˇhaˬdeuˬ, yaw haiˬjeˬneh bi sehꞈbyoˆ-awˇ, yaw tsaˬyaw dawˇ-ahˇmuiˇ-eu deuˬ, luˬ-iˇseˇ-iˇ gaˇkeuˆtehꞈ-a.

²² SahˬpaˬMiˬyehˇ-euˬtsawˇhaˬ-ahˇ, SahˬpaˬMiˬyehˇka kʼoꞈtehꞈ-a. Aˬyawꞈ-ahˇtahˬshaˇleˇ-eu deuˬ, luˬgaˇseˇgaˇmaˬya keuˆ-a.