Jaceuq 29 - Akha

Mˬjeˬjaˬlehˇlaꞈkʼoeˇ gaˬle-eu SahˬpaˬMiˬyehˇ-euˬ teˇsaˇ

(Daˬbiˇ-euˬ caˇdawˬ)

¹ Mˬtaˆkʼaˇjawˇkʼaˇjaˆ-eu jeˬ, SahˬpaˬMiˬyehˇ-ahˇ ja ceuˬ-awˬ. Yawꞈ-euˬbaoˬ-ahˇciˬhuiˬnehˬ-awˇ, yaw shehꞈkʼahˬsehˇ-ahˇ ja ceuˬ-awˬ.

² Yaw shehꞈkʼahˬsehˇhuiˬdui dui-eu, yawꞈ-euˬtsawˇmyahˇ-ahˇja ceuˬ-awˇ, Muiˬ-eu shawˇ-eu Gʼaˬ doˆle ngeh, awˆbyaˆnehˬ-awˇ uˬduˬtahˬ-awˬ.

³ Iˬma laˆshaˆiˇcuꞈkʼoeˇtaˆ, SahˬpaˬMiˬyehˇdawˬngehˬ-eu meh. Yaw shehꞈkʼahˬ sehˇhuiˬ-eu Miˬyehˇ, mˬjeˬjeˬ-awˇmahˇ-eu teˇsaˇ, laˆshaˆyui yui-ehˇjaˆ-eu meh.

⁴ SahˬpaˬMiˬyehˇ-euˬteˇsaˇ-aˬ, baoˬhuiˬ-awˇkʼaˆdui dui-eu meh.

⁵ SahˬpaˬMiˬyehˇ teˇsaˇbaˬda, shuˬliˇbawˇma kʼehꞈ-iˇjiˇ-awˇ, Leˬbaˬnoˬshuˬliˇ-ahˇ keuˆni, maˬdaˬcoeˇ-ehˇkʼehꞈ-iˇ-eu meh.

⁶ Leˬbaˬnoˬ gawˬjawˬyaw goˇdeuˬ, mawˇneˇmawˇzaˬtsawˬgaˇduˇ-awˇ, Heˬlaˬmoˬ gawˬjawˬjawˬma kʼoeˇ, mawˇneˇmawˇgaw teuˆgaˇduˇmeh.

⁷ SahˬpaˬMiˬyehˇ-euˬ teˇsaˇkʼoeˇ, mˬjeˬtsawˬtehˆtehˆgaˇduˇmeh.

⁸ Yawꞈ-euˬ teˇsaˇkʼaˆ-eu miˇneh, bawˇtsahˬbawˇdahˇ-ahˇsheu nyeh-awˇ, Kaˬdeˬshaˇkʼaˇshuiꞈdeh yaˇkʼoeˇ, yaw dzuˬyui yui-ehˇ jaˆ-eu meh.

⁹ SahˬpaˬMiˬyehˇ-euˬteˇsaˇkʼoeˇ, tsuiꞈkaˆ aˇbawˇ-ahˇgʼeu nyeh-awˇ, sahˬkʼaˆneˇmyawˆni pyeuꞈ-iˇ-awˇ, yawꞈ-euˬUˬduˬtahˬnymˇlaꞈkʼoeˇ, Yaw shehꞈkʼahˬsehˇhuiˬluꞈ-uˇ lehˇ, tsawˇhaˬdawˬtawˆluꞈguˇ-eu meh.

¹⁰ Huiˬdui dui-eu iˇcuꞈ kʼoeˇtaˆ, SahˬpaˬMiˬyehˇnuiˇluꞈ-eu meh. mˬmaˬmaˬbyaˆzaˇziˇ dzoeˬdzaˬ, SahˬpaˬMiˬyehˇ-ahˇoꞈ-eu meh.

¹¹ SahˬpaˬMiˬyehˇ-euˬzaˬdeuˬ-ahˇ, SahˬpaˬMiˬyehˇ gʼaˬbiꞈlahˬ-awˇ, nui saˇoꞈ-eu guiˬlahˬyaw dzahˇ, aˬyawꞈmaꞈ-ahˇbiꞈnehˬ-eu meh.