Jaceuq 25 - Akha

Sheuˬgʼeh haw piˇ-eu gʼaˇduˬ guiˬlahˬshaˇdawˬ

(Daˬbiˇ-euˬ caˇdawˬ)

¹ Sahˬpaˬ Miˬyehˇ-oˇ, nawˬ-ahˇngaˇnoeˬtmˬluꞈ-eu ma.

² Ngaˬ-euˬ Miˬyehˇ-oˇ, nawˬ-ahˇ ngaˇgʼoe-eu ma. Ngaˬ-euˬmyaˆpyawˬtaˬbi cawˆlaꞈ. Muiˇ-eu deuˬneh taˬbi gʼaˬlaꞈ.

³ Nawˬ-ahˇnoeˬtmˬluꞈ-eu deuˬ-ahˇ, sm-iˇgaˇnawˇmaˬbi keuˆ-a. Ehˇkʼawꞈ nawˬ-ahˇpuiˬ-eu deuˬ-aˬ, sm-iˇ-awˇ daˬya ga tehꞈ-a.

⁴ SahˬpaˬMiˬyehˇnawˬ-euˬgaˇma, ngaˇsiˬnya ni mehˬnehˬlaꞈ-awˬ.

⁵ Yaw tsaˬyaw dawˇmehˬnah iˇni, ngaˬ-ahˇmehˬnehˬtsoˆnehˬlaꞈ-awˬ. Ngaˬ-ahˇka kʼoꞈnehˬ-eu yaw sahˇ, ngaˬ-euˬMiˬyehˇpyeuꞈ-eu nawˬ-ahˇ, aˬmyah luꞈngaˇgʼoe luꞈ-eu ma.

⁶ SahˬpaˬMiˬyehˇngaˬ-euˬkʼoeˇtaˆ, aˇ hu ba neh bi jaˆtaˬ-euˬ, nawˇgʼawˬshaˬgaˬ-eu jeˬhawˇ-eu, nawˬ-euˬgʼoeˇ-eu gaˬ-eu jeˬ-ahˇ, maˬtsehˆleˇni noeˬkeuˆnehˬlaꞈ.

⁷ Ngaˇzaˬguˬpyeuꞈngeh mˇyaꞈ-euˬ, yaw lehˬyaw ca iˬbaˇdeuˬ-ahˇ, maˬjuiˇtaˬni iˬbaˇpyehˬlaꞈ. Nawˬ-euˬyaw muiˬyaw jaˬhawˇ-eu, maˬtsehˆleˇ-eu gaˬ-eu laꞈkʼoeˇ, ngaˬ-ahˇmaˬngehˇni noeˬkeuˆlaꞈ.

⁸ Sahˬpaˬ Miˬyehˇmuiˬ-awˇjaˬ-awˇ, tsaˬdui dawˇdui dui-eu miˇneh, yaw tsaˬyaw dawˇgaˇma cah ni, Iˬbaˇzaˬ-ahˇmehˬnehˬ-eu meh.

⁹ Nui nahˬnui yu ahˇ-eu deuˬ-ahˇ, tsaˬ-eu gaˇma-ahˇ sheuˬgʼeh-awˇ, yawꞈ-euˬnui noeˬ mehˬnehˬ-eu meh.

¹⁰ Dawˬma saˇjaˇ-ahˇ caw teh-awˇ, yehˇdawˬnaˇ-eu deuˬ-euˬmehˬshi, yawꞈgaˬ-eu jeˬ, yawꞈ-euˬsaˇjaˇ, gaˇma kahˇli sheu taw nehˬmeh.

¹¹ SahˬpaˬMiˬyehˇtsawˇmyahˇbaˬda, ngaˬ-ahˇ iˬbaˇ pyehˬnehˬlaꞈ-awˬ. Iˬbaˇ myaˬdui kah dui dui nya.

¹² SahˬpaˬMiˬyehˇ-ahˇzeu-eu deuˬ, ya tseˇgeuꞈ-eu gaˇma tiˬkahˇ, SahˬpaˬMiˬyehˇtoeˬmehˬtehꞈ-a.

¹³ Yawꞈmaꞈbaw dui za dui dui-awˇ, zaˬdeuˬ miˇkʼahˬjeˬbiˇoꞈmeh.

¹⁴ Yehˇdawˬnaˇ-eu tsawˇhaˬdeuˬ-aˬ, SahˬpaˬMiˬyehˇ-euˬcawˬpyeuꞈ-awˇ, Dawˬma saˇjaˇguiˬlahˬdawˬtawˆ, aˬyawꞈmaꞈkʼoeˇtaˆziꞈtehꞈ-a.

¹⁵ SahˬpaˬMiˬyehˇcaw ba le gaˇ, ngaˇmyaˆnuiˆhaw tsoˆtaˬ-euˬma. lahˇju-ahˇpaꞈleˇ-euˬaˬkuiˇ, aˬyawꞈtseuˆpuiˇnehˬle tehꞈ-a.

¹⁶ SahˬpaˬMiˬyehˇ ciˬpyawˇleꞈ-awˇ, ngaˬ-ahˇgʼawˬshaˬgaˬnehˬle-awˬ. Cawˬmaˬbaw-ehˇ gʼaˬbaˬluꞈma.

¹⁷ Nui saˇza ni caw ba le-awˇ, nui noeˬshaˬ-eu bi dzeuˇ-iˇlaꞈ.

¹⁸ Shaˬzaˬmˇgaˇ haw cawˬle-awˇ, iˬbaˇdawˬtawˆluꞈpyehˬnehˬlaꞈ.

¹⁹ Ngaˬ-ahˇmuiˇ-eu myaˬdui dui-awˇ, aˇnaˆni bye nehˬlaꞈ-euˬ gaˇ, nawˇtiˬpoˆ haw cawˬle nehˬlaꞈ.

²⁰ Ngaˬ-ahˇtahˬpiˇ-awˇ ka kʼoꞈlaꞈ. Nawˇjawˇgaˇtah uˇlaˇ-eu ma. Aˬcawˬneh taˬbi gʼaˬleˇlaꞈ.

²¹ Nawˬ-ahˇngaˇnoeˬtmˬ-eu miˇneh, ngaˬ-euˬyaw sui yaw dawˇhawˇ-eu, ngaˬ-euˬmuiˬ-eu jaˬ-eu jeˬneh, ngaˬ-ahˇ haw piˇnehˬlaꞈluꞈ-uˇ.

²² Miˬyehˇ-oˇ, guˆ-eu gaˆ-eu laꞈkʼoeˇshaˬ-eu, Iˇsaˬleˬlaˆ-ahˇ ka kʼoꞈ-awˬ.