Jaceuq 23 - Akha

SahˬpaˬMiˬyehˇ yawˇbo yaw sahˇ

(Daˬbiˇ-euˬ caˇdawˬ)

¹ SahˬpaˬMiˬyehˇngaˬ-ahˇbo-eu, yawˇbo-eu yaw sahˇmeh. Ngaˇtiˬ jeˬ-iˬloˬ-eu maˬjaˆ.

² Nyoeˇjawꞈni gʼeh-eu gaˆduˬ-ahˇ, aˬ yawꞈ ngaˬ-ahˇ bi yuꞈ laꞈ-awˇ, nui saˇza-eu lawˇbaˬ dawˬpeh, aˬyawꞈngaˬ-ahˇsheuˬgʼeh-eu meh.

³ Ngaˬ-ahˇgʼaˬyaw shuiꞈbiꞈ-eu meh. Aˬyawꞈ-euˬtsawˇmyahˇbaˬda neh, yaw tsaˬyaw dawˇgaˇma kahˇli, aˬyawꞈngaˬ-ahˇsheuˬgʼeh-eu meh.

⁴ Shiˇ-eu naˇshmˇlawˇkʼmˬlawˇgawˆ, nyiˬtsehˆ-ehˇngaˇya iˇgʼeh kʼawꞈ, yaw haiˬlaˆcawˆlaˇgaˇmaˬguˆ. Nawˇngaˬnehˬ-ehˇjawˇ-eu laꞈkʼoeˇ, nawˬ-euˬgawˬyoeˬhawˇ-eu daˇcuiˇ, ngaˬ-ahˇnui saˇ bi za-eu meh.

⁵ Ngaˬ-ahˇmuiˇ-eu deuˬhaw mawˇgaˇ, nawˇhawˬjeh shaˇdahˇlaꞈ-euˬmeh. Uˬduˬ-ahˇtsiˇlehꞈnehˬlaꞈ-awˇ, ngaˬ-euˬkʼmˬmaˬbyah kʼaˇluꞈmeh.

⁶ Nawˬ-euˬguiˬlahˬyaw dzahˇhawˇ-eu, nawˇgʼawˬshaˬgaˬnehˬlaꞈ-eu jeˬ, maˬ shiˇ tiˬ ziˇ ngaˬ-euˬ kʼoeˇ taˆ, maˬbyehˇni caw teh le tehꞈ-a. SahˬpaˬMiˬyehˇ-euˬnymˇlaꞈkʼoeˇ, mˬmaˬmaˬbyaˆzaˇziˇjawˇma.