Jaceuq 18 - Akha

Daˬbiˇ-euˬ gʼaˬ leˇ-eu caˇ dawˬ

¹ SahˬpaˬMiˬyehˇ-ahˇngaˇgaˬma. Nawˇ-aˬ, ngaˬ-euˬgʼaˬpyeuꞈ-eu ma.

² SahˬpaˬMiˬyehˇngaˬ-euˬlo guˇ, ziꞈdui dui-eu taˆpyeuꞈ-eu ma. Ngaˬ-euˬMiˬyehˇngaˬ-euˬlo guˇ, guˆgaˆdzeuˇni awˆshmˇduˬma. Dehˬdaˬduˬloꞈ-ehˇtahˬ piˇ-awˇ, ka kʼoꞈ-eu uˬcoeˇ pyeuꞈ-eu meh.

³ SahˬpaˬMiˬyehˇ-ahˇngaˇkuˇngeh, muiˇ-eu deuˬ-euˬ aˬlaꞈlaꞈkʼoeˇ, aˬyawꞈngaˬ-ahˇka kʼoꞈ-eu meh. Aˬyawꞈ-ahˇngaˇja ceuˬ-eu ma.

⁴ Shiˇ-eu caˆkʼmˇsheu lahˇle-awˇ, luˬ-eu sheˇ-eu iˇjeuˬjeuˬ-awˇ, ngaˬ-ahˇciˬtahˬciˬtuˆ-eu meh.

⁵ Shiˇ-eu laˬpeu tahˇtsehˆtaˬ-awˇ, lmˬbymˇlahˇju kʼmˇtaˬ-euˬmeh.

⁶ Nui ma shaˬzahˬnaꞈ-eu miˇneh, SahˬpaˬMiˬyehˇ-ahˇkuˇ-euˬma. Ngaˬ-ahˇcaw ba le-eu gʼaˇduˬ, ngaˬ-euˬMiˬyehˇ-ahˇguˇ-euˬma. Uˬduˬtahˬnymˇnymˇma laꞈkʼoeˇ, ngaˬ-euˬteˇsaˇaˬyawꞈgaˬ-awˇ, ngaˬneh shaˇ-euˬshaˇdawˬdeuˬ-ahˇ, aˬyawꞈnaˇhaˬnehˬlaꞈ-euˬmeh.,

⁷ Aˬyawꞈnui ma pehˇlaˇ-euˬkʼoeˇ, miˇtsaˬtahˬkʼawˇgah nyeh nyeh-awˇ, gawˬjawˬduˬpuˇyaˇlaˇ-euˬmeh.

⁸ Yawꞈ-euˬnaˇmehˇuˬkʼoeˬdoˆ-awˇ, nyehˆ-eu miˬlmˇhawˇ-eu miˬjiˆ, yawꞈ-euˬkʼaˬmeh-ahˇdoˆ-eu meh.

⁹ Mˬngawˬgʼm-awˇyawꞈzaꞈle ngeh, yawꞈ-euˬaˬkuiˇpehˬzaˬuˬmoˆ, mˬdmˇyaw zahˇdaˬtaˬ-euˬmeh.

¹⁰ Jeˬluˇbeˬ -ahˇdziˬ-awˇzaw-awˇ, jaˬlehˇkʼoeˇtaˆgʼa le-euˬ meh.

¹¹ Yaw zahˇtiˬgʼoeˬtsahˇlahˇtaˬ-awˇ, iˇcuꞈtiˬbyah dahˬ-eu mˬdmˇ, aˬyawꞈ-euˬ tiˬjawˬjaˆ-eu meh.

¹² Aˬyawꞈmehˬshi mˬmyawꞈmyawꞈngeh, uˬyehˇaˇsiˬhawˇ-eu miˬjiˆ, mˬdmˇ-ahˇneh doˆle-eu meh.

¹³ SahˬpaˬMiˬyehˇmˬjeˬjeˬ-awˇ, Huiˬdui mahˇdui dui-eu gʼaˬ-euˬ, teˇsaˇbi gaˬkeuˆle-euˬ meh.

¹⁴ Aˬyawꞈkaˆmyaˬbeuˆgʼeh leꞈ-awˇ, muiˇ-eu deuˬ-ahˇteh byaˆ-euˬmeh. Mˬjeˬtsawˬtehˆtehˆgʼeh leꞈ-awˇ, guˆ-iˇ-awˇbi cehˆbyaˆ-euˬmeh.

¹⁵ Sahˬpaˬ Miˬyehˇ-oˇ, muiˇ-eu deuˬ-ahˇnawˇpehˇlaˇ-awˇ, naˇmehˇnaˇsaꞈbaw gʼeh leꞈngeh, laˆshaˆdawˬdah mawˇjiˇlaˇ-awˇ, miˇtsaˬduˬpuˇneˇmyawˆni meh.

¹⁶ Yaw goˇjawˇ-eu SahˬpaˬMiˬyehˇ, ngaˇjawˇgaˇjeh miˇkeuˆle-awˇ, iˇcuꞈnaꞈgaˇgʼeu doˆ-euˬmeh.

¹⁷ Gʼaˬkʼaˆ-eu muiˇ-eu deuˬhawˇ-eu, ngaˬ-ahˇbye-eu deuˬ-euˬlaꞈ-ahˇ, aˬyawꞈngaˬ-ahˇka kʼoꞈ-euˬmeh. Muiˇ-eu kʼoeˇdeuˬkʼaˆdui dui-awˇ, ngaˇtiˬjeˬ-iˬ maˬgʼeh nya nya.

¹⁸ Ngaˇshaˬdui zahˬdui dui luꞈngeh, yawꞈmaꞈngaˬ-ahˇceh le-eu meh. Ehˇkʼawꞈ SahˬpaˬMiˬyehˇngaˬ-ahˇ, maˬbyehˇdzeh ni ka kʼoꞈ-eu meh.

¹⁹ Aˬyawꞈngaˬ-ahˇnui kʼahˇshiˇ-awˇ, guˆ-eu gaˆ-eu jeˬkeuˆle ngeh, yaw lawˬ-ahˇciˬdoˆlaꞈ-eu meh.

²⁰ Ngaˇyaw tsaˬjeˬmˇ-eu miˇneh, SahˬpaˬMiˬyehˇlaꞈsawˬbiꞈ-awˇ, yaw lehˬjeˬmaˬmˇ-eu miˇneh, ngaˬ-ahˇguiˬlahˬbiꞈlaꞈ-eu meh.

²¹ SahˬpaˬMiˬyehˇ-euˬgaˇma-ahˇ, maˬbyehˇdzeh ni ngaˇcah laꞈ-awˇ, aˬyawꞈneh biꞈ-euˬdawˬdeuˬ-ahˇ, maˬngehˇni caw teh laꞈ-euˬma.

²² Yawꞈ-euˬzahˇdawˬkʼoꞈdawˬdeuˬ-ahˇ, maˬcaw teh-euˬmaˬjaˆhaw-ehˇ, yawꞈneh biꞈtaˬ-euˬdawˬdeuˬ-ahˇ, maˬnaˇhaˬ-euˬmaˬjaˆhaw-aˬ.

²³ Yawꞈ-euˬmehˬshi maˬmˇca ni, iˬbaˇ-ahˇyahˇ-awˇdehꞈ-euˬma.

²⁴ Kʼoeˇbaˬda neh SahˬpaˬMiˬyehˇ, ngaˇtsaˬ-eu dawˇ-eu siˬnya-awˇ, ngaˬ-euˬaˬlaꞈyaw shawˇmawˇ-awˇ, ngaˬ-ahˇguiˬlahˬbiꞈlaꞈ-euˬmeh.

²⁵ SahˬpaˬMiˬyehˇ-oˇ, nawˬ-ahˇsaˇjaˇziꞈ-eu deuˬ-ahˇ, nawˬ-euˬsaˇjaˇnawˇziꞈ-eu meh. Dawˇcoe ni dehꞈluꞈ-eu deuˬ-ahˇ, nawˬ-euˬyaw dawˇbi mawˇ-eu meh.

²⁶ Nui ma yaw shawˇdeuˬ-euˬkʼoeˇtaˆ, nawˇnui ma shawˇjehˆni taˬ-awˇ, nui gʼoꞈahˇ-eu tsawˇhaˬdeuˬ-ahˇ, yaw gʼoꞈjeˬnawˇbi mawˇ-euˬmeh.

²⁷ Nui nahˬnui yu ahˇ-eu deuˬ-ahˇ, nawˇmaˬbyehˇni ka kʼoꞈnehˬ-awˇ, nui ma huiˬ-eu mahˇ-eu deuˬ-ahˇ, nawˇgʼeu ka-awˇdehˬawˆ-euˬmeh.

²⁸ Ngaˬ-euˬMiˬyehˇ,SahˬpaˬMiˬyehˇ, ngaˬ-ahˇtsiˇkʼmˬdoꞈnehˬlaꞈ-awˇ, yaw zahˇlaˆbyoˆnehˬlaꞈ-euˬmeh.

²⁹ Nawˬ-euˬbaoˬ-ahˇgʼoe-eu laꞈkʼoeˇ, guiˇmaꞈmaꞈma tahˬpaˆgʼeh-awˇ, meuˬlahˇgoˇ-eu tsawˬdzeuˇnya ma.

³⁰ Miˬyehˇheu gʼaˬmˇ-euˬgaˇdeuˬ, aˇnaˆni muiˬ-eu byah-eu nga. Yawꞈneh biꞈ-euˬsaˇjaˇdawˬdeuˬ, jah dui dui paˬ-ehˇgʼeh-eu meh. Yawꞈ-ahˇtahˬshaˇleˇ-eu deuˬ-ahˇ, tahˬpiˇnehˬ-eu dehˬdaˬduˬmeh.

³¹ SahˬpaˬMiˬyehˇtaꞈ-ehˇdzeuˇnaˇ, Miˬyehˇnui gʼaˬaˬgaˇjawˇta. Aˬdui-euˬgʼoe duˬlo guˇ-aˬ, Miˬyehˇheu gʼaˬjawˇ-eu tehꞈma.

³² Gʼaˬbiꞈlaꞈ-eu Miˬyehˇpyeuꞈ-awˇ, gaˇma haw piˇnehˬlaꞈ-eu meh.

³³ Ngaˬ-euˬkuiˇguˬbi ziꞈlaꞈ-awˇ, baˬgʼa kuiˇtoꞈziꞈdah jaˆma.

³⁴ Ngaˬ-euˬaˬlaꞈguiˇmˇnya-awˇ, guiˬshuiˇkaˆpoˆngoꞈdaˆcoeˇni, ngaˬ-ahˇdzaw bym nehˬlaꞈ-euˬmeh.

³⁵ Nawˬ-euˬka kʼoꞈ-eu dehˬdaˬduˬ, nawˬneh ngaˬ-ahˇbiꞈlaꞈ-euˬmeh. aˇmaˇlaꞈneh caw ba laꞈ-awˇ, baoˬneh haw piˇnehˬlaꞈ-euˬmeh.

³⁶ Kuiˇtoꞈciˬzaˇnawˇlaˆsaˆ-awˇ, ngaˬ-euˬaˬkuiˇmaˬnawˬjuˇ-a.

³⁷ Muiˇ-eu deuˬ-ahˇngaˇteh mi-awˇ, tiˬli maˬlaˆcawˆnehˬkʼoeˇkeuˆ, naˇkʼah paw ngaˇmaˬ gʼoꞈkʼoꞈlaˇ.

³⁸ Aˬyawꞈmaꞈ-ahˇngaˇtahˬcoˬ-awˇ, maˬpaˇbi gʼoꞈtuˇlaˇcoeˇni, aˬkuiˇuˬmoˆbi ga-euˬma.

³⁹ Muiˇ-eu deuˬ-ahˇdeuˆgʼaˬnya ni, nawˇngaˬ-ahˇgʼaˬbiꞈnehˬlaꞈ-awˇ, aˬyawꞈmaꞈ-ahˇngaˇdzoeˬ-euˬma.

⁴⁰ Muiˇ-eu deuˬ-ahˇnawˇteh byaˆ-awˇ, ngaˬ-ahˇbye-eu tsawˇhaˬdeuˬ-ahˇ, ngaˇlaˆluˬlaˆseˇnehˬ-euˬma.

⁴¹ Caw ba laꞈlehˇyawꞈmaꞈguˇ kʼawꞈ, ka kʼoꞈ nehˬ-eu gʼaˬ maˬ jawˇ-a. SahˬpaˬMiˬyehˇ-ahˇguˇgaˬkʼawꞈ, aˬyawꞈmyaˆhaw maˬcawˬnehˬ-a.

⁴² Jaˬlehˇneh bi hehˇdzaˬpaˬ-ehˇ, kʼaˬpuiˬkʼaˬlehˇlehˇnehˬ-euˬma. Gaˇjawˬkʼaˬlehˇbyaˆ-eu loꞈ-ehˇ, aˬyawꞈmaꞈ-ahˇbyaˆdzeh-euˬma.

⁴³ Miˇkʼahˬtsawˇjeuˬnehˬ-ehˇceh gaˇ, ngaˬ-ahˇnawˇka kʼoꞈnehˬlaꞈ-awˇ, tsawˇjeuˬdawˬtawˆluꞈ-euˬkʼoeˇtaˆ, nawˇngaˬ-ahˇbi uˆlahˇlaꞈ-awˇ, ngaˇmaˬgaˬhaw-euˬtsawˇhaˬneh, ngaˬ-ahˇbi mˇcu laꞈ-euˬmeh.

⁴⁴ Ngaˬ-euˬgaˇkawˆgaˬ-eu nehˬ-ehˇ, ngaˬ-euˬehˇdawˬnaˇhaˬgeuꞈ-awˇ, aˬcawˬtsawˇjeuˬboeˇmiˬsiˬkʼaˬ, ngaˬ-euˬmehˬshi awˆbyaˆ-eu meh.

⁴⁵ Yawꞈmaꞈnui ma ga ka jiˇ-awˇ, ziꞈdui dui-eu taˆlaꞈkʼoeˇneh, yaw dzuˬdzuˬ-awˇdoˆle-eu meh.

⁴⁶ SahˬpaˬMiˬyehˇ dehꞈluꞈ-eu meh. Ngaˬ-euˬlo guˇ-ahˇja ceuˬma. Ngaˬ-ahˇka kʼoꞈ-euˬMiˬyehˇ-ahˇ, ciˬhuiˬciˬmahˇ-awˇguˇ-eu ma.

⁴⁷ muiˇ-eu deuˬ-ahˇlaꞈpoˆpoˆ-awˇ, aˬcawˬtsawˇjeuˬdawˬtawˆkʼoeˇtaˆ, ngaˬ-ahˇbi dzoeˬpoˆlaꞈ-euˬmeh.

⁴⁸ Muiˇ-eu deuˬ-euˬaˬlaꞈlaꞈkʼoeˇ, ngaˬ-ahˇka kʼoꞈnehˬlaꞈ-euˬmeh. Ngaˬ-ahˇmuiˇ-eu deuˬ-euˬkʼoeˇtaˆ, nawˇngaˬ-ahˇciˬhuiˬnehˬlaꞈ-awˇ, haiˬ-eu deuˬ-euˬaˬlaꞈlaꞈkʼoeˇ, ngaˬ-ahˇka kʼoꞈnehˬlaꞈ-euˬmeh.

⁴⁹ Kʼoeˇmiˇneh nawˬ-ahˇja ceuˬma. Miˇkʼahˬtsawˇjeuˬdawˬtawˆgʼahˇceh, nawˬ-ahˇcaˇ-awˇja ceuˬ-eu ma.

⁵⁰ Yawꞈneh ka nehˬ-euˬsahˬpaˬ-ahˇ, gʼaˬleˇ-eu baoˬyawꞈbiꞈnehˬ-awˇ, yawꞈneh tsiˇlehꞈ-euˬgʼaˬpyeuꞈ-eu, Daˬbiˇ-euˬtsuiꞈtoeˬcaw ka-awˇ, mˬmaˬmaˬbyaˆgaˬnehˬ-eu meh.