Jaceuq 17 - Akha

Maˬ lehˬ maˬ ca-eu tsawˇ haˬ tiˬ gʼaˬ-euˬ guiˬ lahˬ shaˇ dawˬ

(Daˬbiˇ-euˬ caˇdawˬ)

¹ Sahˬpaˬ Miˬyehˇ-oˇ, yaw tsaˬyaw dawˇbi keuˆ le ni, guiˬlahˬshaˇgaˇ naˇhaˬnehˬlaꞈ. Nui ma dawˇcoe ni shaˇluꞈngeh, nawˬ-euˬnaˬbawˇciˬkʼmˇnehˬlaꞈ.

² tsaˬgaˇdawˇgaˇnawˇhaw mawˇ-awˇ, ngaˬ-euˬ gʼaˇduˬyaˇkʼaˬdaˇlaꞈ.

³ Ngaˬ-euˬnui ma nawˇlawˬhaw sheˇ. Uˬciꞈngaˇjawˇgaˇoe haw sheˇ. ngaˬ-ahˇnawˇpyehˆtseˇduˬhaw sheˇ. Yaw haiˬjeˬ mˇmawꞈ-eu nui ma, maˬahˇ-eu nawˇ siˬduˬtehꞈ-a. Dawˬdoeˇngehˬ-eu tmˇ-eu gʼaˇduˬ, ngaˬ-euˬ kʼaˬmeh-ahˇngaˇmaˬzmˬ.

⁴ Nawˬ-euˬdawˬ-ahˇnaˇhaˬgeuꞈ-awˇ, tsawˇhaˬzaˬ-euˬhaiˬ-eu gaˇdeuˬ, maˬmˇni ngaˇyahˇdzeuˇ-eu ma.

⁵ Nawˬ-euˬgaˇma-ahˇngaˇcah-awˇ, tiˬjawˇ-iˬ maˬgʼawˬ-iˇ haw-aˬ.

⁶ Shaˇdawˬnaˇhaˬlaꞈ-eu miˇneh, Miˬyehˇnawˬ-ahˇngaˇshaˇ-eu ma. Kʼoeˇmiˇneh heu paw ciˬpyawˇ-awˇ, shaˇdawˬnaˇhaˬgeuꞈnehˬlaꞈ-awˬ.

⁷ Zahˬleˇdui dui paˬ-ehˇgʼeh-eu, nawˇgaˬ-eu jeˬbi mawˇlaꞈ-awˇ, ngaˬ-ahˇka kʼoꞈle nehˬlaꞈ-awˬ. Nawˇjawˇpaw ngaˇpyawˬngeh, muiˇ-eu deuˬ-ahˇguˆkʼaˇmaˬza.

⁸ Myaˆnuiˆ-ahˇha lahˇ-eu loꞈ-ehˇ, ngaˬ-ahˇnawˇha lahˇnehˬlaꞈ-awˬ. Nawˬ-euˬaˬdahˇnaˇshmˇuˬmoˆ, ngaˬ-ahˇnawˇciˬzaꞈnehˬlaꞈ-awˬ.

⁹ Yaw haiˬdeuˬngaˬ-ahˇkʼehˬle-awˇ, muiˇ-eu deuˬjawˬlahˇle-euˬmeh.

¹⁰ Gʼawˬshaˬgaˬ-eu jeˬmaˬahˇ-ehˇ, Dawˬkʼaˆngehˬ-awˇzuiˆle-euˬmeh.

¹¹ Ngaˬ-euˬpehˬzaˇcaw li leꞈ-awˇ, ngaˬ-ahˇtiˬgʼoeˬjawˬlahˇ-euˬ meh. Ngaˬ-ahˇmiˇtsa baꞈdzeh-eu lehˇ, myaˆnuiˆhaw tsoˆ-awˇloꞈ-eu meh.

¹² Aˇlaˬjaˬshiˇloꞈ-ehˇshahˇ-awˇ, gʼeu paˆgʼeu shaˆ-eu gʼeh-eu meh.

¹³ Sahˬpaˬ Miˬyehˇ-oˇ, oe-awˬ. Muiˇ-eu deuˬ-ahˇ deuˆgʼaˬle-awˬ. Nawˬ-euˬmi cehˇneh deuˆle-awˇ, ngaˬ-euˬsaꞈlaˇka kʼoꞈle-awˬ.

¹⁴ Miˇtaˆnui loˆtiˬli dehꞈ-eu, haiˬ-eu tsawˇhaˬdeuˬ-euˬlaꞈ-ahˇ, nawˇngaˬ-ahˇka kʼoꞈnehˬ le-awˬ. Yawꞈmaꞈgʼaˇduˬlehˬhmˬtaˬ-euˬ, kʼehˬ-eu kʼaˆ-eu bi keuˆ le-awˬ. Zaˬziˇkeuˆni mˇkeuˆnehˬ-awˇ, oeˬziˇkeuˆni taˬbi dzeuˇ-iˇ.

¹⁵ Ehˇkʼawꞈ ngaˇmaˬlehˬ-eu miˇneh, nawˬ-euˬmyaˆpyawˬya haw mawˇ ma. Ngaˇnoeˬlaˇngeh nawˬ-ahˇmawˇ-awˇ, laˬkʼaˬya cehˇdui dui tehꞈ-a.