Jaceuq 16 - Akha

Miˬyehˇ-ahˇ gʼoe-eu guiˬ lahˬ shaˇ dawˬ

(Daˬbiˇ-euˬ caˇdawˬ)

¹ Miˬyehˇngaˬ-ahˇhaw piˇnehˬlaꞈ. Nawˬ-ahˇngaˇtahˬshaˇlaˇ-eu ma.

² “Nawˇngaˬ-euˬSahˬpaˬMiˬyehˇma, nawˬ-ahˇdzeuˇnaˇ ngaˬ-euˬgʼaˇduˬ, yaw muiˬtiˬjeˬ-iˬ maˬjaˆ” lehˇ, SahˬpaˬMiˬyehˇ-ahˇehˇ-eu ma.

³ SahˬpaˬMiˬyehˇ-ahˇziꞈ-eu deuˬ, ehˇkʼaˇmaˬza ni muiˬ-eu meh. Aˬyawꞈmaꞈnehˬ-ehˇdehꞈ-eu jeˬ, ngaˇnui kʼahˇshiˇdui dui-eu ma.

⁴ Miˬyehˇnui deuˬ-ahˇ iˇ-eu deuˬ, shaˬzahˬdmˬgahˬpoˆgaˇduˇmeh. Yawꞈmaꞈ shiˬlawˇgaˇ ngaˇmaˬahˇ. Yawꞈmaꞈmiˬyehˇ-ahˇ ngaˇmaˬtahˬ.

⁵ SahˬpaˬMiˬyehˇnawˇngaˬ-euˬma. Ngaˇkʼaˇloˬ-eu nawˇbiꞈlaꞈ-awˇ, ngaˬ-euˬaˇnah aˇyamˬdawˬtawˆ, nawˬ-euˬ aˬlaꞈlaꞈkʼoeˇjaˆmeh.

⁶ Nawˬneh biꞈlaꞈ-euˬlaꞈsawˬdeuˬ, aˇnaˆni zahˬleˇduˬjaˆ-awˇ, aˇnaˆni muiˬ-eu jeˬbiˇnga.

⁷ Ngaˬ-ahˇsheuˬgʼeh laꞈ-eu miˇneh, SahˬpaˬMiˬyehˇ-ahˇja ceuˬma. Ngaˬ-euˬsiˬnya-eu nui ma heu, uˬciꞈngaˬ-ahˇ bi noeˬ-eu meh.

⁸ SahˬpaˬMiˬyehˇngaˬnehˇjawˇ-eu, aˬmyah luꞈ ngaˇsiˬnya-eu ma. Ngaˬ-euˬdawˬpeh aˬyawꞈjawˇ-awˇ, laˆciˆ laˇ-eu jeˬ maˬjaˆ-a.

⁹ Ngaˬ-euˬnui ma laˬkʼaˬcehˇ-awˇ, ngaˬ-euˬsaꞈlaˇnui saˇza-awˇ, ngaˬ-euˬaˬlmˬ gʼoeˇmˇ-eu ma.

¹⁰ Aˬjeˬmiˇneh nga lehˇehˇnaˇ, shiˇ-eu doꞈ-ahˇnawˇdehˬpiˇ-awˇ, nawˬ-euˬtsawˇmuiˬtsawˇjaˬ-ahˇnawˇ, shiˇ-eu duˬkʼahˬmaˬbi mawˇ-a.

¹¹ Dehꞈ-eu saꞈlaˇgaˇma tiˬkahˇ, nawˇngaˬ-ahˇtoeˬmehˬnehˬlaꞈ-awˇ, nawˬ-euˬmehˬshi ngaˇya jawˇngeh, laˬkʼaˬcehˇ-eu jeˬbyah-eu meh. Aˬmyah luꞈ laˬkʼaˬcehˇ-eu jeˬ, nawˬ-euˬaˇmaˇlaꞈ-ahˇjaˆmeh.