Jaceuq 150 - Akha

Sahˬpaˬ Miˬyehˇ-ahˇ ja ceuˬ-awˬ

¹ Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ, Miˬyehˇ-ahˇ ja ceuˬ-awˬ. Aˬ yawꞈ-euˬ mˬ taˆ baoˬ-ahˇ ja ceuˬ-awˬ.

² Aˬ yawꞈ neh mˇ-euˬ huiˬ-eu gaˇ deuˬ baˬ da neh, aˬ yawꞈ-ahˇ ja ceuˬ-awˬ. Aˬ yawꞈ huiˬ dui mahˇ dui dui gaˇ ja ceuˬ-awˬ.

³ Daˇ heh baw-awˇ aˬ yawꞈ-ahˇ ja ceuˬ-awˬ. Deuˇ-mˬ diˬ, laˬ jeˬ baw-awˇ ja ceuˬ-awˬ.

⁴ Tahˬ diˬ gaˇ nyeh nyeh-awˇ aˬ yawꞈ-ahˇ ja ceuˬ-awˬ. Deuˇ-mˬ diˬ, bawˬ law baw-awˇ ja ceuˬ-awˬ.

⁵ Cehˇ lehˇ yaw zaˬ ciˆ-awˇ ja ceuˬ-awˬ. Cehˇ lehˇ yaw huiˬ ciˆ-awˇ ja ceuˬ-awˬ.

⁶ Yaw dehꞈ kʼaˇ dehꞈ-eu jeˬ dawˬ tawˆ luꞈ, Sahˬpaˬ Miˬyehˇ-ahˇ ja ceuˬ-awˬ. Sahˬpaˬ Miˬyehˇ-ahˇ ja ceuˬ-awˬ.