Jaceuq 15 - Akha

Miˬyehˇ geuꞈ mawꞈ-eu jeˬ

(Daˬbiˇ-euˬ caˇdawˬ)

¹ Sahˬpaˬ Miˬyehˇ-oˇ, nawˬ-euˬ Uˬduˬtahˬnymˇlaꞈkʼoeˇ, Aˬsuˇgʼaˬ uˇleˇ-eu za ta. Ziˇoˬgawˬjawˬyaw shawˇkʼoeˇ taˆ, aˬsuˇgʼaˬ uˬduˬya tahˬta.

² dawˇcoe ni cah luꞈ-eu tsawˇhaˬ, yaw tsaˬyaw dawˇmˇ-eu tsawˇhaˬ, dawˇcoe ni dawˬngehˬ-eu tsawˇhaˬ,

³ dawˬdoeˇmaˬngehˬdaˆ-eu tsawˇ haˬ, cawˬ-ahˇ maˬmˇlehˬ-eu tsawˇhaˬ, yawˬha dawˬpeh jawˇ-eu deuˬ-ahˇ, maˬja bu ni dehꞈ-eu tsawˇhaˬ,

⁴ Miˬyehˇneh byehˇdzeh-euˬdeuˬ-ahˇ, yahˇpawˇ-awˇdehꞈgʼeh-eu tsawˇhaˬ, Miˬyehˇ-ahˇguˆ-eu tsawˇhaˬ-ahˇ, taˬhuiˬtaˬmahˇnehˬ-eu tsawˇhaˬ, yawˬha saˇjaˇdzaˬ-euˬjeˬ-ahˇ, shaˬkʼawꞈsaˇkʼawꞈziꞈ-eu tsawˇhaˬ,

⁵ aˇ liˬ yuˇdzaˬ-eu maˬbaw ni, biꞈpaˇngaˬpaˇnehˬ-eu tsawˇhaˬ, iˬbaˇmaˬahˇgaˇ kʼehˬ-eu lehˇ, laꞈnmꞈmaˬha geuꞈ-eu tsawˇhaˬ. kʼoeˇloꞈ-ehˇmˇ-eu tsawˇhaˬ-aˬ, maˬluˆlaˇni ya ziꞈtehꞈ-a.