Jaceuq 14 - Akha

Tsawˇ haˬ zaˬ maˬ muiˬ maˬ jaˬ-eu

(Daˬbiˇ-euˬ caˇdawˬ)

¹ Aˬdzawˬaˇgah nui ma laꞈkʼoeˇ, “Miˬyehˇmaˬjawˇ” lehˇehˇ-eu meh. Aˬyawꞈmaꞈneh dehꞈcawˆjiˇ-awˇ, guˆlaˇpaˬ-ehˇ mˇluꞈ-eu meh. Yaw muiˬtiˬgʼaˬ-iˬ maˬmˇ-a.

² Miˇtsaˬtsawˇhaˬzaˬdeuˬlaꞈkʼoeˇ, noeˬsiˬnya-eu tsawˇhaˬkeuˬ-awˇ, Miˬyehˇ-ahˇpoˆluꞈnga loˇlehˇ, Mˬtaˆjawˇ-eu SahˬpaˬMiˬyehˇ, miˇtsaˬzaˬdeuˬ-ahˇhaw luꞈmeh.

³ Dawˬtawˆluꞈ gaˇma bahˬjiˇ-awˇ, tiˬkawˆnaˆni dehꞈcawˆjiˇ-awˇ, yaw muiˬmˇ-eu gʼaˬmaˬjawˇ-a. Tiˬgʼaˬtehꞈ-ehˇkʼawꞈmaˬjawˇ-a.

⁴ Sahˬpaˬ Miˬyehˇ ehˇ-eu, “Yaw haiˬmˇ-eu tsawˇhaˬkʼoeˇdeuˬ, tiˬ jeˬ-iˬ maˬ siˬ nya ta loˇ. Ngaˬ-euˬzaˬ-ahˇtahˇjoe joe-awˇ, hawˬtahˬdzaˬ-eu loꞈ-ehˇdzaˬ-awˇ, ngaˬ-euˬtsawˇmyahˇ-ahˇmaˬkuˇ-a.”

⁵ Aˬyawꞈmaꞈtsawˬguˆ-iˇtehꞈ-a. Aˬjeˬmiˇneh nga lehˇehˇnaˇ, yawꞈdawˬgaˬ-eu tsawˇhaˬdeuˬ-ahˇ, SahˬpaˬMiˬyehˇmaˬbyehˇdzeh-a.

⁶ Yaw haiˬjeˬmˇ-eu tsawˇhaˬdeuˬ, tsawˇmuiˬdeuˬ-ahˇlaˆshaˬnehˬkʼawꞈ. SahˬpaˬMiˬyehˇhaw piˇ-eu meh.

⁷ Iˇsaˬleˬlaˆ-ahˇ ka kʼoꞈ-eu, Ziˇoˬgawˬjawˬ-ahˇneh oe meh. Aˬyawꞈmaꞈpaˇdehꞈdzaˬlaˇni, SahˬpaˬMiˬyehˇ caw ba nehˬngeh, Yaˬkoˆlaˬkʼaˬcehˇdui dui-awˇ, Iˇsaˬleˬlaˆ byawˬdui tehꞈ-a.