Jaceuq 136 - Akha

Guiˬ lahˬ-ahˇ noeˬ keuˆ-eu caˇ dawˬ

¹ Sahˬpaˬ Miˬyehˇ muiˬ-eu jaˬ-eu miˇ neh, aˬ yawꞈ-ahˇ ja ceuˬ-awˬ. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

² Miˬyehˇ dawˬ tawˆ luꞈ kʼoeˇ taˆ huiˬ-eu Miˬyehˇ-ahˇ ja ceuˬ-awˬ. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

³ Sahˬ paˬ dawˬ tawˆ luꞈ kʼoeˇ taˆ baoˬ huiˬ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

⁴ Aˬ yawꞈ tehꞈ-ehˇ kʼaˆ jeˬ-ehˇ gʼeh-eu jeˬ mˇ nya-eu meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

⁵ Aˬ yawꞈ-eu zaˬ siˬ tsawˇ gahˇ neh, mˬ-ahˇ aˬ yawꞈ beh-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

⁶ Naꞈ dui dui-eu iˇ cuꞈ kʼoeˇ taˆ miˇ tsaˬ kʼawꞈ aˬ yawꞈ beh taˬ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

⁷ Nahˇ ma ba la-ahˇ aˬ yawꞈ beh-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

⁸ Nahˇ ma-ahˇ aˬ yawꞈ bi uˆ lahˇ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

⁹ Ba la aˬ guiˇ deuˬ-ahˇ miˇtsaˬ-ahˇ aˬ yawꞈ bi uˆ lahˇ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

¹⁰ Iˇjiˇtuˆ tsawˇ haˬ dehꞈ beh beh le-euˬ aˬ li aˬ yuiꞈ deuˬ-ahˇ aˬ yawꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

¹¹ Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ aˬ yawꞈ sheuˬ doˆ laꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

¹² Aˬ yawꞈ-euˬ gʼaˬ kʼaˆ-eu aˬ laꞈ hawˇ-eu baoˬ huiˬ-eu laꞈ du neh sheuˬ doˆ nehˬ laꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

¹³ Iˬ ma laˆ shaˆ yaw neˇ-ahˇ aˬ yawꞈ neh nyiˬ paˆ bi paˆ-iˇ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

¹⁴ Laˆ shaˆ gʼahˇ ceh aˬ yawꞈ-euˬ tsawˇ haˬ deuˬ-ahˇ aˬ yawꞈ sheuˬ doˆ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

¹⁵ Ehˇ kʼawꞈ Iˇjiˇtuˆ sahˬ paˬ hawˇ-eu aˬ yawꞈ-euˬ guiˇ maꞈ deuˬ-ahˇ, kʼoeˇ gaˇ bi ga nuiꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

¹⁶ Aˬ yawꞈ-euˬ tsawˇ haˬ deuˬ-ahˇ kʼaˇ shuiꞈ deh ga miˇ kʼahˬ laꞈ kʼoeˇ aˬ yawꞈ sheuˬ gʼeh-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

¹⁷ Baoˬ huiˬ-eu sahˬ paˬ deuˬ-ahˇ aˬ yawꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

¹⁸ Tsawˇ myahˇ doˆ-euˬ sahˬ paˬ deuˬ-ahˇ aˬ yawꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

¹⁹ Aˬmawˇliˆ sahˬ paˬ Siˇhoˬ-ahˇ aˬ yawꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

²⁰ Baˬshaˬ sahˬ paˬ Awˇgaˆ-ahˇ kʼawꞈ aˬ yawꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

²¹ Sahˬ paˬ kʼoeˇ deuˬ-euˬ miˇ kʼahˬ aˬ yawꞈ-eu tsawˇ jeuˬ-ahˇ aˬ yawꞈ biꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ meh.

²² Aˬ yawꞈ-euˬ zaˬ kʼaˆ Iˇsaˬleˬlaˆ tsawˇ jeuˬ-ahˇ biꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

²³ Aˬ cawˬ aˬ dui-ahˇ gʼaˬ laˇ ngeh, aˬ dui-ahˇ aˬ yawꞈ maˬ ngehˇ-a. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

²⁴ Muiˇ-eu deuˬ-euˬ aˬ laꞈ laꞈ kʼoeˇ, aˬ dui-ahˇ aˬ yawꞈ pyehˬ nehˬ luꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

²⁵ Yaw dehꞈ kʼaˇ dehꞈ-eu jeˬ dawˬ tawˆ luꞈ-ahˇ aˬ yawꞈ bi dzaˬ bi dawˇ-eu meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

²⁶ Mˬ taˆ Miˬyehˇ-ahˇ ja ceuˬ-awˬ. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.