Jaceuq 134 - Akha

Miˬyehˇ-ahˇ ja ceuˬ-eu gʼaˇ duˬ kuˇ-eu caˇ dawˬ

(Uˬ duˬ tahˬ nymˇ nymˇ ma-ahˇ daˆ leˇ-eu caˇ dawˬ)

¹ Sahˬpaˬ Miˬyehˇ-euˬ zaˬ kʼaˆ dawˬ tawˆ luꞈ, aˬ yawꞈ-ahˇ ja ceuˬ laˇ-awˬ. Uˬ ciꞈ paw aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ kʼaˇ mˇ-eu deuˬ dawˬ tawˆ luꞈ, aˬ yawꞈ-ahˇ ja ceuˬ laˇ-awˬ.

² Uˬ duˬ tahˬ nymˇ nymˇ ma-ahˇ aˬ laꞈ baꞈ diˇ-awˇ guiˬ lahˬ shaˇ-eu laꞈ kʼoeˇ, aˬ yawꞈ-ahˇ ja ceuˬ-awˬ.

³ Mˬ hawˇ-eu miˇ-ahˇ beh-euˬ Sahˬpaˬ Miˬyehˇ, Ziˇoˬ meuˬ-ahˇ neh naw maꞈ-ahˇ guiˬ lahˬ biꞈ luꞈ-uˇ.