Jaceuq 133 - Akha

Gʼoeˇ-eu cawˬ-ahˇ ja ceuˬ-eu caˇ dawˬ

(Daˬbiˇ-euˬ caˇ dawˬ)

¹ Miˬyehˇ-euˬ tsawˇ haˬ deuˬ nui ma taꞈ-awˇ dehꞈ-eu jeˬ, aˇ naˆ ni zahˬ leˇ paˬ-ehˇ gʼeh-awˇ, aˇ naˆ ni laˬ kʼaˬ cehˇ paˬ-ehˇ gʼeh-eu nga.

² Kʼoeˇ loꞈ-ehˇ dehꞈ taꞈ jawˇ taꞈ-eu jeˬ-aˬ, Aˬloˬ-euˬ uˬ duˬ-ahˇ neh mehˬ mahˬ-ahˇ yoeˇ ka le-awˇ, aˬ yawꞈ-euˬ pehˇ kʼahˬ lahˇ baˆ-ahˇ yoeˇ lehꞈ le-euˬ, aˇ poeˬ kʼaˆ-eu tsiˇ-ahˇ duˇ-eu meh.

³ Heˬlaˬmoˬ gawˬ jawˬ-ahˇ ga-eu ceuˬ, Ziˇoˬ gawˬ duˇ kʼoeˇ taˆ ga le-euˬ gaˇ duˇ-eu meh. Kʼoeˇ loꞈ-ehˇ dehꞈ taꞈ jawˇ taꞈ-eu jeˬ kʼoeˇ taˆ, mˬ maˬ maˬ byaˆ zaˇ ziˇ ziꞈ-eu guiˬ lahˬ yaw dzahˇ, Sahˬpaˬ Miˬyehˇ biꞈ ma lehˇ saˇ jaˇ dzaˬ taˬ-euˬ meh.