Jaceuq 13 - Akha

Caw ba nehˬ laꞈ lehˇ shaˇ-eu guiˬ lahˬ shaˇ dawˬ

(Daˬbiˇ-euˬ caˇdawˬ)

¹ SahˬpaˬMiˬyehˇ-oˇ nawˇngaˬ-ahˇ, aˇmyah keuˆni ngehˇ-eu gʼeh te. Mˬmaˬmaˬbyaˆngehˇ-eu ma loˇ. Nawˬ-euˬmyaˆpyawˬmaˬciˬmawˇni, aˇmyah keuˆ ni jawˇ-eu gʼeh te.

² Shaˬzahˬnaꞈ-eu heu hmˬ-ahˇngaˇ, aˇmyah keuˆni paˇya daˬta. uˬciꞈnah gʼahˇ nui noeˬshaˬ-eu, aˇmyah keuˆni paˇya daˬta. muiˇ-eu deuˬneh bi zuiˆ-eu jeˬ, aˇmyah keuˆni paˇ ya daˬ ta.

³ Ngaˬ-euˬMiˬyehˇ, SahˬpaˬMiˬyehˇ, ngaˬ-ahˇdawˬtmˇ mˇkʼoꞈ nehˬlaꞈ. Myaˆnuiˆyaw shehꞈbi mawˇlaꞈ-awˇ, maˬshiˇtsehˆni bi dehꞈnehˬlaꞈ.

⁴ “Aˬyawꞈ-ahˇgʼaˬleˇ-euˬma” lehˇ, muiˇ-eu deuˬneh taˬbi ehˇlaꞈ. Ngaˇcoˬ-iˇgaˇbi haw mawˇ-awˇ, muiˇ-eu deuˬ laˬkʼaˬtaˬbi cehˇ.

⁵ Maˬtsehˆleˇ-eu nawˇgaˬ-eu jeˬ, ngaˇaˬmyah luꞈgʼoe luꞈ-eu ma. Nawˇka kʼoꞈlaꞈ-eu guiˬlahˬ-ahˇ, ngaˬ-euˬnui ma laˬkʼaˬcehˇma.

⁶ SahˬpaˬMiˬyehˇnawˬneh ngaˬ-ahˇ, yaw muiˬjeˬmˇlaꞈ-euˬmiˇneh, nawˬ-ahˇcaˇ-awˇ ja ceuˬ-eu ma.