Jaceuq 129 - Akha

Iˇsaˬleˬlaˆ tsawˇ jeuˬ-ahˇ muiˇ-eu deuˬ ya cawˆ-iˇ ni guiˬ lahˬ shaˇ-eu

(Uˬ duˬ tahˬ nymˇ nymˇ ma-ahˇ daˆ leˇ-eu Daˬbiˇ-euˬ caˇ dawˬ)

¹ Iˇsaˬleˬlaˆ-oˇ, nyiˇ ngeh neh muiˇ-eu deuˬ nawˬ-ahˇ aˬ joˆ-ehˇ kʼehˬ nehˬ laꞈ-euˬ gaˇ kawˆ, nga maꞈ-ahˇ dzawˇ nehˬ laꞈ sheˇ.

² Ngaˇ nyiˇ ngeh neh muiˇ-eu deuˬ ngaˬ-ahˇ kʼehˬ dui kʼaˆ dui dui nehˬ laꞈ-euˬ meh. Ehˇ kʼawꞈ, ngaˬ-ahˇ maˬ gʼaˬ laˇ-a.

³ Ngaˬ-euˬ dahˇ teˇ-ahˇ aˬ yawꞈ maꞈ deuˆ caˬ deuˆ caˇ jiˇ-awˇ, deh yaˇ tsehˬ taˬ-euˬ loꞈ-ehˇ jaˆ-euˬ meh.

⁴ Ehˇ kʼawꞈ tsaˬ-eu dawˇ-eu Sahˬpaˬ Miˬyehˇ neh, ngaˬ-ahˇ aˬ cawˬ zaˬ kʼaˆ maˬ ya geuꞈ ni bi buˬ-iˇ laꞈ-euˬ meh.

⁵ Ziˇoˬ meuˬ-ahˇ kʼaˇ bye-eu tsawˇ haˬ deuˬ, guiˇ bi deuˆ gʼaˬ-awˇ bi teh dzeh luꞈ-uˇ.

⁶ Aˬ yawꞈ maꞈ dawˬ tawˆ luꞈ nymˇ mˬ kʼoeˇ taˆ dehꞈ-eu yaˇ moꞈ loꞈ-ehˇ, maˬ dehꞈ laˇ mi naˆ-ehˇ koˆ-iˇ jiˇ luꞈ-uˇ.

⁷ Yaˇ moꞈ kʼoeˇ deuˬ-ahˇ kaꞈ dzahˬ-awˇ, baꞈ dzeh nehˬ-eu tiˬ gʼaˬ-iˬ maˬ jawˇ-a.

⁸ Kʼaˇ iˇ kʼaˇ laˇ tsehˆ-eu deuˬ laꞈ kʼoeˇ, “Miˬyehˇ nawˬ-ahˇ guiˬ lahˬ biꞈ luꞈ-uˇ” lehˇ ehˇ-eu maˬ jawˇ-ehˇ, “Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ dawˬ ngehˬ gʼeh nehˬ-eu ma” lehˇ ehˇ-eu maˬ jawˇ-a.