Jaceuq 128 - Akha

Sahˬpaˬ Miˬyehˇ-euˬ dawˬ naˇ haˬ-eu miˇ neh guiˬ lahˬ za-eu

(Uˬ duˬ tahˬ nymˇ-ahˇ daˆ leˇ-eu Daˬbiˇ-euˬ caˇ dawˬ)

¹ Sahˬpaˬ Miˬyehˇ-euˬ dawˬ-ahˇ naˇ haˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ caw teh-awˇ dehꞈ-eu deuˬ guiˬ lahˬ huiˬ-eu meh.

² Nawˬ neh mˇ-euˬ loꞈ-ehˇ nawˇ ya dzaˬ dehˆ-awˇ, nui saˇ oꞈ-euˬ laꞈ kʼoeˇ baw le za le tehꞈ-a.

³ Nawˬ-euˬ miˬ zaˬ-aˬ, nawˬ-euˬ nymˇ-ahˇ dehꞈ-eu aˇ siˬ sahˇ-eu aˬ gaꞈ baw duˆ-ahˇ duˇ-awˇ, Nawˬ-euˬ aˬ li deuˬ-aˬ, nawˬ-euˬ hawˬ jeh tiˬ jawˬ dehꞈ-eu saˬ loˬ kahˬ zaˬ-ahˇ duˇ tehꞈ-a.

⁴ Sahˬ paˬ Miˬ yehˇ-euˬ ehˇ dawˬ naˇ haˬ geuꞈ-eu tsawˇ haˬ, maˇ maˇ ni kʼoeˇ loꞈ-ehˇ guiˬ lahˬ za tehꞈ-a.

⁵ Ziˇoˬ gawˬ jawˬ-ahˇ neh Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ. Nawˇ yaw dehꞈ kʼaˇ dehꞈ-eu tiˬ ziˇ, Yeˬluˇsaˬlehˬ meuˬ baw le za le gaˇ ya mawˇ luꞈ-uˇ.

⁶ Nawˬ-euˬ oeˬ paˬ oeˬ ma-ahˇ ya mawˇ ngeh keuˆ ni, nawˇ ziˇ baw ziˇ za le luꞈ-uˇ. Iˇsaˬleˬlaˆ tsawˇ jeuˬ nui saˇ oꞈ luꞈ-uˇ.