Jaceuq 126 - Akha

Ka kʼoꞈ nehˬ laꞈ lehˇ shaˇ-eu shaˇ dawˬ

(Uˬ duˬ tahˬ nymˇ nymˇ ma-ahˇ daˆ leˇ-eu caˇ dawˬ)

¹ Sahˬpaˬ Miˬyehˇ aˬ dui-ahˇ Yeˬluˇsaˬlehˬ meuˬ-ahˇ sheuˬ kʼoꞈ laꞈ ngeh, yuꞈ maˆ maˆ gaˇ duˇ miˇ-a.

² Aˬ dui laˬ kʼaˬ cehˇ dui dui-awˇ uiˇ-euˬ laꞈ kʼoeˇ, laˬ kʼaˬ cehˇ-eu caˇ dawˬ caˇ dui dui-euˬ ma. Kʼoeˇ ngeh, aˬ dui gʼaˇ duˬ Sahˬpaˬ Miˬyehˇ, huiˬ-eu jeˬ mˇ-euˬ gaˇ kawˆ-ahˇ, miˇ kʼahˬ tsawˇ jeuˬ deu ja-eu meh.

³ Aˬ diˇ aˬ maˇ aˬ dui gʼaˇ duˬ huiˬ-eu jeˬ aˬ yawꞈ mˇ-euˬ meh. Aˬ dui aˇ naˆ ni laˬ kʼaˬ cehˇ paˬ-ehˇ gʼeh-eu nga.

⁴ Sahˬpaˬ Miˬyehˇ-oˇ, gui coˇ ni pyeuꞈ-iˇ-euˬ lawˇ baˬ iˇ cuꞈ paˇ yoeˇ le ni, uˬ yehˇ yehˇ le-eu loꞈ-ehˇ, nga maꞈ-ahˇ nga maꞈ-euˬ miˇ kʼahˬ-ahˇ sheuˬ kʼoꞈ gʼeh nehˬ laꞈ.

⁵ Myaˆ biˇ yoeˇ-awˇ siˬ yoeˬ sehˬ-euˬ tsawˇ haˬ deuˬ, laˬ kʼaˬ cehˇ taˆ ni cehˇ ya yehˬ-eu guiˬ lahˬ biꞈ-awˬ.

⁶ Myaˆ biˇ shiˆ shiˆ-ehˇ cehˇ siˬ yoeˬ pi-awˇ doˆ-iˇ-euˬ deuˬ, laˬ kʼaˬ cehˇ-eu caˇ dawˬ caˇ caˇ-ehˇ, cehˇ pi-awˇ gʼoꞈ laˇ tehꞈ-a.