Jaceuq 124 - Akha

Yawˬ ha-euˬ tsawˇ jeuˬ-ahˇ haw piˇ-eu Miˬyehˇ

(Daˬbiˇ-euˬ caˇ dawˬ)

¹ Iˇsaˬleˬlaˆ tsawˇ jeuˬ-oˇ, Sahˬpaˬ Miˬyehˇ aˬ dui jawˇ paw maˬ pyawˬ law nmˇ-aˬ, aˬ joˆ-ehˇ pyeuꞈ dzeuˇ-euˬ nmˇ lehˇ ehˇ haw sheˇ.

² Muiˇ-eu deuˬ aˬ dui-ahˇ guiˇ deuˆ le ngeh, Sahˬpaˬ Miˬyehˇ aˬ dui nehˬ-ehˇ maˬ jawˇ law nmˇ-aˬ,

³ aˬ yawꞈ maꞈ nui ma pehˇ dui dui-eu laꞈ kʼoeˇ, aˬ dui-ahˇ yaw dehꞈ-ehˇ myoꞈ ahˇ jiˇ tehꞈ-a.

⁴ Aˬ dui iˇ jeuˬ neh bi dehˬ dzaˬ gʼeh-awˇ, iˇ cuꞈ neh bi dahˬ pymˬ-eu laꞈ kʼoeˇ,

⁵ guˆ laˇ paˬ-ehˇ gʼeh-eu iˇ jeuˬ neh bi dahˬ sehꞈ jiˇ-euˬ tehꞈ-a.

⁶ Muiˇ-eu deuˬ neh aˬ dui-ahˇ maˬ bi laˆ cawˆ nehˬ laꞈ-euˬ miˇ neh, Sahˬpaˬ Miˬyehˇ-ahˇ aˬ dui ja ceuˬ kaˇ-euˇ.

⁷ Aˇ jiˇ tahˇ-eu sehˬ toˆ-ahˇ dzeuˇ-iˇ-euˬ, aˇ jiˇ tiˬ mawˇ-ahˇ aˬ dui duˇ-eu ma. Sehˬ toˆ kʼehꞈ-iˇ-awˇ aˬ dui dzeuˇ-iˇ-euˬ ma.

⁸ Mˬ hawˇ-eu miˇ-ahˇ beh-euˬ Sahˬpaˬ Miˬyehˇ laꞈ kʼoeˇ, aˬ dui-ahˇ caw ba-eu jeˬ doˆ le-euˬ meh.