Jaceuq 123 - Akha

Gʼawˬ shaˬ gaˬ nehˬ laꞈ lehˇ shaˇ-eu shaˇ dawˬ

(Daˬbiˇ-euˬ shaˇ dawˬ)

¹ Sahˬpaˬ Miˬyehˇ-oˇ, nawˬ-ahˇ ngaˇ gʼawˇ leuˇ haw-eu ma. Nawˇ uˆ lahˇ luꞈ-eu mˬ kʼoeˇ taˆ ngaˇ gʼawˇ leuˇ haw-eu ma.

² Zaˬ kʼaˆ tiˬ gʼaˬ aˬ yawꞈ-euˬ baw leˬ-ahˇ haw-eu loꞈ-ehˇ, zaˬ miˬ zaˬ zaˬ kʼaˆ tiˬ gʼaˬ aˬ yawꞈ-euˬ meh leˬ-ahˇ haw-eu loꞈ-ehˇ, nga maꞈ-euˬ Miˬyehˇ pyeuꞈ-euˬ Sahˬpaˬ Miˬyehˇ nawˇ nga maꞈ-ahˇ gʼawˬ shaˬ gaˬ nehˬ laꞈ ni, nawˬ-ahˇ nga maꞈ haw tsoˆ taˬ-euˬ ma.

³ Sahˬpaˬ Miˬyehˇ-oˇ, nga maꞈ-ahˇ gʼawˬ shaˬ gaˬ nehˬ laꞈ-awˬ. Nga maꞈ-ahˇ gʼawˬ shaˬ gaˬ nehˬ laꞈ-awˬ. Aˬ cawˬ ja bu ja doeˇ-eu dawˬ-ahˇ, nga maꞈ maˬ daˬ coeˇ nya.

⁴ Smˇ muiˬ aˬ da dawˬ doeˇ ngehˬ-awˇ, smˇ kʼaˆ aˬ da yehˬ bawˬ-ehˇ jahˇ laˇ gaˇ, nga maꞈ ya daˬ myahˇ laꞈ-euˬ ma.