Jaceuq 110 - Akha

Sahˬpaˬ Miˬyehˇ hawˇ-eu aˬ yawꞈ tseˇ doˆ-euˬ sahˬ paˬ (Daˬbiˇ-euˬ caˇ dawˬ)

¹ Ngaˬ-euˬ sahˬ paˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-ahˇ muiˇ-eu deuˬ-ahˇ nawˇ aˬ kuiˇ neh nawˬ tehˬ nya ni ngaˇ jahˇ gʼaˬ ngeh keuˆ ni, ngaˬ-euˬ aˇ maˇ paw nuiˇ tawˬ-awˬ.”

² Nawˇ dzoeˬ dzaˬ-eu baoˬ-ahˇ Ziˇoˬ meuˬ-ahˇ neh, Sahˬpaˬ Miˬyehˇ pyehˬ doˆ gʼeh-awˇ, “Nawˬ-ahˇ muiˇ-eu deuˬ kʼoeˇ taˆ uˆ lahˇ-awˬ” lehˇ aˬ yawꞈ nawˬ-ahˇ ehˇ tehꞈ-a.

³ Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

⁴ Saˇ jaˇ dzaˬ gʼaˬ-euˬ dawˬ-ahˇ Sahˬpaˬ Miˬyehˇ maˬ yuˇ kʼoꞈ-a. Maˬlaˬkiˇsaˬdehˇ-euˬ aˇ yaˬ nawˇ za-awˇ, mˬ maˬ maˬ byaˆ zaˇ ziˇ piˇ ma ya geuꞈ tehꞈ-a lehˇ, aˬ yawꞈ saˇ jaˇ dzaˬ taˬ-euˬ meh.

⁵ Sahˬpaˬ Miˬyehˇ nawˬ-euˬ aˇ maˇ paw jawˇ-awˇ, aˬ yawꞈ nui ma pehˇ laˇ ngeh, miˇ kʼahˬ sahˬ paˬ deuˬ-ahˇ deuˆ gʼaˬ tehꞈ-a.

⁶ Miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ yaˇ kʼaˬ daˇ-awˇ, guiˇ deuˆ duˬ-ahˇ tsawˇ haˬ bi shiˇ byah-eu laꞈ kʼoeˇ, miˇ kʼahˬ sahˬ paˬ deuˬ-ahˇ deuˆ gʼaˬ tehꞈ-a.

⁷ Gaˇ ma gaˇ dzeˇ yoeˇ-eu lawˇ gawˆ-ahˇ ngaˬ-euˬ sahˬ paˬ iˇ cuꞈ dawˇ shiˬ-awˇ, gʼaˬ leˇ-eu gʼaˬ loꞈ-ehˇ kʼaˬ duˬ ni yawꞈ-eu meh.