Jaceuq 11 - Akha

Sahˬpaˬ Miˬyehˇ laꞈ kʼoeˇ nui jah ahˇ-eu

(Daˬbiˇ-eu caˇdawˬ)

¹ SahˬpaˬMiˬyehˇ ngaˇgʼoe duˬma. Ngaˬ-ahˇheu loꞈ-ehˇ ehˇ-eu deuˬ, aˇnaˆni dzawˬ-eu tsawˇhaˬnga. “Aˇjiˇguˆ-awˇzaw-eu loꞈ-ehˇ, gawˬjawˬpaw zaw daˆbyoˆleꞈ-awˬ.

² Yaw haiˬdeuˬkaˆngoꞈdaˆtaˬ-awˇ, yaw sui yaw dawˇ-euˬnui ma-ahˇ, yaw zahˇlaꞈkʼoeˇ beuˆcoˆ-eu lehˇ, kaˆmyaˬmawˬdawˇ-awˇloꞈluꞈmeh.

³ Yawˬjeˬna luꞈ puˇngawˬciˇlehˆ, yaw cawˆoꞈ-eu aˇyamˬheu-ahˇ, yaw sui deuˬ aˬjeˬgʼeh nya ta.”

⁴ Uˬduˬtahˬnymˇyaw shawˇlaꞈkʼoeˇ, SahˬpaˬMiˬyehˇjawˇluꞈ-eu meh. Dzoeˬdzaˬnuiˇmahˬmˬ-ahˇjaˆ-awˇ, tsawˇhaˬzaˬ-ahˇhaw-eu laꞈkʼoeˇ, yawꞈmaꞈkʼaˇmˇkʼaˇshaˇ-eu jeˬ, yawˬjeˬna luꞈsiˬnya luꞈmeh.

⁵ Tsawˇmuiˬtsawˇdoeˇtseˇpaˆluꞈ-awˇ, tsawˇdoeˇ-ahˇbye dui dui-eu meh.

⁶ Miˬlmˇdoˆ-eu miˬjiˆhawˇ-eu, miˬdzaˬdoꞈ-eu miˬdzaˇdzaˇshuiˇ, tsawˇdoeˇkʼoeˇtaˆtahˬdaˆleꞈ-awˇ, lahˇdui dui-eu jaˬlehˇbaw-awˇ, aˬyawꞈmaꞈ-ahˇkʼehˬnehˬ-eu meh.

⁷ Tsaˬ-eu dawˇ-eu SahˬpaˬMiˬyehˇ, yaw tsaˬyaw dawˇmˇgaˇgaˬ-awˇ, kʼoeˇloꞈ-ehˇ mˇ-eu tsawˇhaˬdeuˬ, aˬyawꞈmehˬshi ya dehꞈtehꞈ-a.